Kroniiki takayaɣ kajalaɣ ñɩŋga 24:1-31
24 Nɛ Aarɔɔnɩ lʋlʋʋ taa mba tindima yɔ: Aarɔɔnɩ pɩyalaa yɔ: Naadaabʋ, Abihu,+ Eleyaazaarɩ nɛ Itamaarɩ.+
2 Ɛlɛ Naadaabʋ nɛ Abihu pɛlɛyɩ pa-caa sɩbʋ,+ nɛ pataawɛɛnɩ pɩyalaa; ɛlɛ Eleyaazaarɩ+ nɛ Itamaarɩ powobi pɩ-yɔɔ nɛ palakɩ cɔjɔtʋ tʋmɩyɛ.
3 Daviid nɛ Sadɔɔkɩ+ weyi ɛkɛ Eleyaazaarɩ pɩyalaa taa nɔɔyʋ yɔ nɛ Ahimelɛɛkɩ weyi ɛkɛ Itamaarɩ pɩyalaa taa nɔɔyʋ yɔ, patayɩ-wɛ tindima ndɩ ndɩ se pala tʋma wena paɖʋ-wɛ yɔ.
4 Eleyaazaarɩ pɩyalaa kaawɛnɩ ñʋndɩnaa nɛ pɩkɩlɩ Itamaarɩ pɩyalaa, pʋyɔɔ lɛ patayɩ-wɛ ɛzɩ pɔɖɔʋ yɔ: Eleyaazaarɩ pɩyalaa kaawɛnɩ pa-caanaa ɖɩsɩ ñʋndɩnaa 16, nɛ Itamaarɩ pɩyalaa ñɛwɛɛnɩ pa-caanaa ɖɩsɩ ñʋndɩnaa 8.
5 Pɩtasɩ lɛ, pɔtɔ piye nɛ patayɩ-wɛ,+ tindimiye ɖɩnɛ nɛ lɛɛɖɛ, mbʋ pʋyɔɔ yɔ lone kiɖeɖeye ñʋndɩnaa nɛ ñʋndɩnaa mba palakɩ Ɛsɔ toovenim tʋ tʋmɩyɛ yɔ paalɩnɩ Eleyaazaarɩ pɩyalaa taa nɛ Itamaarɩ pɩyalaa taa.
6 Nɛ Netanɛɛlɩ pɩyalʋ Semayaa, weyi ɛkɛ Leevi mba takayaɣ taa mayʋ yɔ, ɛma pa-hɩla wiyaʋ nɛ awumbiya nɛ cɔjɔ Sadɔɔkɩ+ nɛ Abiyaataarɩ+ pɩyalʋ Ahimelɛɛkɩ+ nɛ cɔjɔnaa nɛ Leevi mba pa-caanaa ɖɩsɩ ñʋndɩnaa ɛsɩndaa. Palɩzɩɣ Eleyaazaarɩ caanaa ɖɩɣa kʋɖʋmaɣ lɛ, palɩzɩ Itamaarɩ caanaa ɖɩɣa kʋɖʋmaɣ.
7 Kajalaɣ piye tɔlɩ Yehoyariib yɔɔ; piye 2 ñɩnɖɛ tɔlɩ Yedaya yɔɔ,
8 piye 3 ñɩnɖɛ tɔlɩ Harim yɔɔ, piye 4 ñɩnɖɛ tɔlɩ Seworim yɔɔ,
9 piye 5 ñɩnɖɛ tɔlɩ Malɩkiiya yɔɔ, piye 6 ñɩnɖɛ tɔlɩ Miyamiinɩ yɔɔ,
10 piye 7 ñɩnɖɛ tɔlɩ Hakɔɔzɩ yɔɔ, piye 8 ñɩnɖɛ tɔlɩ Abiya+ yɔɔ,
11 piye 9 ñɩnɖɛ tɔlɩ Yesuwa yɔɔ, piye 10 ñɩnɖɛ tɔlɩ Sekaniya yɔɔ,
12 piye 11 ñɩnɖɛ tɔlɩ Eliyasiib yɔɔ, piye 12 ñɩnɖɛ tɔlɩ Yakim yɔɔ,
13 piye 13 ñɩnɖɛ tɔlɩ Hupa yɔɔ, piye 14 ñɩnɖɛ tɔlɩ Yesebeyab yɔɔ,
14 piye 15 ñɩnɖɛ tɔlɩ Biliga yɔɔ, piye 16 ñɩnɖɛ tɔlɩ Imɛɛrɩ yɔɔ,
15 piye 17 ñɩnɖɛ tɔlɩ Heziiri yɔɔ, piye 18 ñɩnɖɛ tɔlɩ Hapizɛɛzɩ yɔɔ,
16 piye 19 ñɩnɖɛ tɔlɩ Petahiya yɔɔ, piye 20 ñɩnɖɛ tɔlɩ Yehezɩkɛɛlɩ yɔɔ,
17 piye 21 ñɩnɖɛ tɔlɩ Yakiini yɔɔ, piye 22 ñɩnɖɛ tɔlɩ Gamuuli yɔɔ,
18 piye 23 ñɩnɖɛ tɔlɩ Delayiya yɔɔ, piye 24 ñɩnɖɛ tɔlɩ Maaziya yɔɔ.
19 Ðʋtʋ ndʋ paalabɩ-wɛ pa-tʋmɩyɛ taa+ se pasʋʋ Yehowa ɖɩɣa taa ɛzɩ pɔ-cɔzɔ Aarɔɔnɩ ɖʋʋ se pala yɔ, ɛzɩ Izrayɛɛlɩ tɛ Ɛsɔ Yehowa kaaɖʋʋ-ɩ paɣtʋ yɔ.
20 Nɛ mba pɩkazɩ Leevi mba taa yɔ mba yɔ: Amɩram+ pɩyalaa taa lɛ, Subayɛɛlɩ;+ Subayɛɛlɩ pɩyalaa taa lɛ, Yediya;
21 Rehabiya+ cɔlɔ lɛ: Rehabiya pɩyalaa taa lɛ, Isihiya kɛnɩ ñʋʋdʋ;
22 Izihaarɩ mba taa lɛ, Selomɔɔtɩ;+ Selomɔɔtɩ pɩyalaa taa lɛ, Yahaatɩ;
23 nɛ Ebrɔŋ pɩyalaa taa lɛ, Yeriya+ kɛnɩ ñʋʋdʋ, Amariya lɛ 2 tʋ, Yahaziyɛɛlɩ lɛ 3 tʋ, Yekameyam lɛ 4 tʋ;
24 Uziyɛɛlɩ pɩyalaa taa lɛ, Mikee; Mikee pɩyalaa taa lɛ, Samiiri.
25 Mikee neu kɛlɛ Isihiya; Isihiya pɩyalaa taa lɛ, Zakarii.
26 Merarii+ pɩyalaa yɔ: Maalii nɛ Muusi; Yaaziya pɩyalaa taa lɛ, Beno.
27 Merarii pɩyalaa yɔ: Yaaziya cɔlɔ lɛ, Beno, Soham, Zakuurɩ nɛ Ibirii;
28 Maalii cɔlɔ lɛ, Eleyaazaarɩ, ɛlɛ taawɛɛnɩ pɩyalaa;+
29 Kiisi cɔlɔ lɛ: Kiisi pɩyalaa, Yerameyɛɛlɩ;
30 nɛ Muusi pɩyalaa yɔ: Maalii, Edɛɛrɩ nɛ Yerimɔɔtɩ.
Paakɛ Leevi pɩyalaa ɛzɩ pɛwɛʋ pa-caanaa ɖɩsɩ taa yɔ.
31 Nɛ pɔtɔ piye+ ɖɔɖɔ ɛzɩ po-koobiya Aarɔɔnɩ pɩyalaa kaalabʋ Wiyaʋ Daviid nɛ Sadɔɔkɩ nɛ Ahimelɛɛkɩ, nɛ cɔjɔnaa nɛ Leevi mba pa-caanaa ɖɩsɩ ñʋndɩnaa ɛsɩndaa yɔ. Caanaa ɖɩsɩ ñʋndɩnaa hɔɔlʋʋ taa lɛ, caanaa ɖɩɣa ŋga kakɩlɩ paɣlʋʋ yɔ ka-ñʋʋdʋ wɛ ɖeyi ɖeyi ɛzɩ caanaa ɖɩɣa ŋga kakɩlɩ ññɩɩ yɔ ka-ñʋʋdʋ yɔ.
