Kroniiki takayaɣ kajalaɣ ñɩŋga 27:1-34
-
Wiyaʋ tʋma yɔɔ cɔnɩyaa (1-34)
27 Izrayɛɛlɩ mba ñʋʋ yɔ, pʋ-tɔbʋʋ se caanaa ɖɩsɩ ñʋndɩnaa, kudokiŋ nɛ mɩnɩŋ ñʋndɩnaa,+ nɛ pa-ñʋndɩnaa mba palakɩ wiyaʋ tʋmɩyɛ+ nɛ pɔcɔŋnɩ paa tɔm ndʋ lɛ ti-ɖeɖe tindima taa yɔ, wena asʋʋ nɛ alɩɣ fenaɣ fenaɣ, pɩnaɣ taa fenasɩ tɩŋa taa yɔ; ɛyaa 24 000 kaawɛnɩ paa tindimiye nɖɩ lɛ ɖɩ-taa.
2 Zabɩdɩyɛɛlɩ pɩyalʋ Yasobeyam+ kaakɛnɩ kajalaɣ tindimiye ñʋʋdʋ kajalaɣ fenaɣ taa, nɛ ɛyaa 24 000 kaawɛnɩ e-tindimiye taa.
3 Ɛlɩnɩ Perɛɛzɩ+ pɩyalaa taa. Ɛɛkɛ tindima ñʋndɩnaa tɩŋa mba paaɖʋ-wɛ se pala tʋmɩyɛ kajalaɣ fenaɣ taa yɔ pa-ñʋʋdʋ.
4 Ahohi tʋ+ Dodayii+ kaakɛnɩ fenaɣ 2 ñɩŋga tindimiye ñʋʋdʋ, nɛ Mikilɔtɩ kɛ ɛ-tɛɛ tʋ, nɛ ɛyaa 24 000 kaawɛnɩ e-tindimiye taa.
5 Tindimiye 3 ñɩnɖɛ nɖɩ paɖʋwa se ɖɩla tʋmɩyɛ fenaɣ 3 ñɩŋga taa yɔ, ɖɩ-ñʋʋdʋ lɛ cɔjɔ sɔsɔ Yehoyiyada+ pɩyalʋ Benayaa,+ nɛ ɛyaa 24 000 kaawɛnɩ e-tindimiye taa.
6 Benayaa ɛnʋ, ɛɛkɛ wiyaʋ sɔɔjanaa 30 waa taa sɔdʋʋ ɖoŋ tʋ nɔɔyʋ nɛ ɛnʋ cɔŋnaɣnɩ 30 waa mba pɔ-yɔɔ, nɛ ɛ-pɩyalʋ Amizabaadɩ kaakɛnɩ e-tindimiye ñʋʋdʋ.
7 Yowaabʋ neu*+ Asayɛlɩ+ kaakɛnɩ tindimiye 4 ñɩnɖɛ ñʋʋdʋ fenaɣ 4 ñɩŋga taa, nɛ ɛ-wayɩ lɛ ɛ-pɩyalʋ Zebaadiya, nɛ ɛyaa 24 000 kaawɛnɩ e-tindimiye taa.
8 Iziraya tʋ Samuuti kaakɛnɩ tindimiye 5 ñɩnɖɛ ñʋʋdʋ fenaɣ 5 ñɩŋga taa, nɛ ɛyaa 24 000 kaawɛnɩ e-tindimiye taa.
9 Tekowa tʋ+ Ikɛɛsɩ pɩyalʋ Ira+ kaakɛnɩ tindimiye 6 ñɩnɖɛ ñʋʋdʋ fenaɣ 6 ñɩŋga taa, nɛ ɛyaa 24 000 kaawɛnɩ e-tindimiye taa.
10 Peloni tʋ Helɛɛzɩ+ weyi ɛlɩnɩ Efrayim mba taa yɔ, ɛnʋ kaakɛnɩ tindimiye 7 ñɩnɖɛ ñʋʋdʋ fenaɣ 7 ñɩŋga taa, nɛ ɛyaa 24 000 kaawɛnɩ e-tindimiye taa.
11 Husa tʋ Sibekaayɩ+ weyi ɛlɩnɩ Zeraa mba+ taa yɔ, ɛnʋ kaakɛnɩ tindimiye 8 ñɩnɖɛ ñʋʋdʋ fenaɣ 8 ñɩŋga taa, nɛ ɛyaa 24 000 kaawɛnɩ e-tindimiye taa.
12 Anatɔɔtɩ tʋ+ Abi-Ezɛɛrɩ+ weyi ɛlɩnɩ Bɛnjamɛɛ mba taa yɔ, ɛnʋ kaakɛnɩ tindimiye 9 ñɩnɖɛ ñʋʋdʋ fenaɣ 9 ñɩŋga taa, nɛ ɛyaa 24 000 kaawɛnɩ e-tindimiye taa.
13 Netofa tʋ Maharaayɩ+ weyi ɛlɩnɩ Zeraa mba+ taa yɔ, ɛnʋ kaakɛnɩ tindimiye 10 ñɩnɖɛ ñʋʋdʋ fenaɣ 10 ñɩŋga taa, nɛ ɛyaa 24 000 kaawɛnɩ e-tindimiye taa.
14 Piratɔɔnɩ tʋ Benayaa+ weyi ɛlɩnɩ Efrayim pɩyalaa taa yɔ, ɛnʋ kaakɛnɩ tindimiye 11 ñɩnɖɛ ñʋʋdʋ fenaɣ 11 ñɩŋga taa, nɛ ɛyaa 24 000 kaawɛnɩ e-tindimiye taa.
15 Netofa tʋ Hɛlɩdayii weyi ɛlɩnɩ Otɩnɩyɛɛlɩ lʋlʋʋ taa yɔ, ɛnʋ kaakɛnɩ tindimiye 12 ñɩnɖɛ ñʋʋdʋ fenaɣ 12 ñɩŋga taa, nɛ ɛyaa 24 000 kaawɛnɩ e-tindimiye taa.
16 Izrayɛɛlɩ cejewe nɔɔɖɛyaa yɔ: Rubɛɛnɩ mba taa lɛ, Zikiri pɩyalʋ Eliyeezɛɛrɩ kaakɛnɩ nɔɔɖɛyʋ; Siimeyɔɔ mba taa lɛ, Maaka pɩyalʋ Sefatiya;
17 Leevi cejewiye taa lɛ, Kemuwɛɛlɩ pɩyalʋ Hasabiya; Aarɔɔnɩ lʋlʋʋ taa mba taa lɛ, Sadɔɔkɩ;
18 Yuuda cejewiye taa lɛ, Eliihu,+ ɛkɛ Daviid ɖalʋ nɔɔyʋ; Isakaarɩ cejewiye taa lɛ, Mikayɛɛlɩ pɩyalʋ Omirii;
19 Zebulɔɔnɩ cejewiye taa lɛ, Abɩdɩyasɩ pɩyalʋ Isimaya; Naftalii cejewiye taa lɛ, Azɩriyɛɛlɩ pɩyalʋ Yerimɔɔtɩ;
20 Efrayim mba taa lɛ, Azaziya pɩyalʋ Osee; Manaasee cejewiye hɔɔlʋʋ ñɩŋgʋ taa lɛ, Pedayiya pɩyalʋ Yowɛɛlɩ;
21 Manaasee cejewiye hɔɔlʋʋ ŋgʋ kɩwɛ Galaadɩ taa yɔ kɩ-taa lɛ, Zakarii pɩyalʋ Ido; Bɛnjamɛɛ cejewiye taa lɛ, Abnɛɛrɩ+ pɩyalʋ Yaasiyɛɛlɩ;
22 Daanɩ cejewiye taa lɛ, Yeroham pɩyalʋ Azarɛɛlɩ. Mba kaakɛnɩ Izrayɛɛlɩ cejewe taa awumbiya.
23 Daviid tɩkalɩ mba pɛwɛnɩ pɩnzɩ 20 nɛ pitii yɔ, mbʋ pʋyɔɔ yɔ Yehowa kaalabɩ tamaɣ se ɛkaɣ labʋ nɛ Izrayɛɛlɩ ɖɔɔ sakɩyɛ ɛzɩ ɛsɔdaa tɩɩnzɩ yɔ.+
24 Zeruyaa pɩyalʋ Yowaabʋ kaapaɣzɩ kalʋʋ ɛyaa ñʋʋ, ɛlɛ ɛtɩtɛ; nɛ Ɛsɔ pana tii Izrayɛɛlɩ yɔɔ* lakasɩ nzɩ sɩ-yɔɔ,+ nɛ patɩma ɛyaa ñʋʋ mbʋ pɩlakaɣ Wiyaʋ Daviid alɩwaatʋ taa yɔ pɩ-takayaɣ taa.
25 Adɩyɛɛlɩ pɩyalʋ Azɩmavɛɛtɩ kaakɛnɩ wiyaʋ ñɩm ɖɩzɩyɛ yɔɔ cɔnɩyʋ.+ Uziya pɩyalʋ Yonataanɩ kaakɛ wondu ɖɩzɩyɛ kuduyuŋ* yɔɔ cɔnɩyʋ hayɩm taa, tɛtʋ sɔsɔtʋ ndɩ ndɩ taa, tɛtʋ cikpetu ndɩ ndɩ taa, nɛ tilima taa.
26 Keluubi pɩyalʋ Ɛzirii kaakɛnɩ hayɩm taa tʋmlaɖaa mba pahayaɣ tɛtʋ yɔ pɔ-yɔɔ cɔnɩyʋ.
27 Ramaa tʋ Simeyii kaakɛnɩ viiñi hayɩm yɔɔ cɔnɩyʋ; Sifim tʋ Zabɩdii cɔŋnaɣnɩ wondu ɖɩzɩyɛ kuduyuŋ weyi ɩ-taa pasɩɣ vɛɛ ŋgʋ pokoyi viiñi pee nɛ palabɩna yɔ ɩ-yɔɔ.
28 Gedɛɛrɩ tʋ Baalɩ-Anaanɩ cɔŋnaɣnɩ oliivi hayɩm nɛ sikomɔɔrɩ+ tɩŋ yɔɔ Seefela taa;+ Yowaasɩ cɔŋnaɣnɩ num ɖɩzɩyɛ yɔɔ.
29 Sarɔɔnɩ tʋ Sitɩraayɩ cɔŋnaɣnɩ naŋ ewiɖe nɖɩ ɖɩtɔkɩ ñɩtʋ Sarɔɔnɩ+ taa yɔ ɖɩ-yɔɔ; nɛ Adɩlayɩ pɩyalʋ Safaatɩ cɔŋnaɣnɩ naŋ ewiɖe nɖɩ ɖɩwɛ fɛɛŋ* taa yɔ ɖɩ-yɔɔ.
30 Isimayɛɛlɩ tʋ Obiili cɔŋnaɣnɩ aɖaaɖaanaa yɔɔ; Meronɔɔtɩ tʋ Yediya cɔŋnaɣnɩ kpaŋasɩ* yɔɔ.
31 Hagrɩ tʋ Yaziiz cɔŋnaɣnɩ heŋ ewiɖe yɔɔ. Pa-tɩŋa payɩ paakɛ ñʋndɩnaa mba pɔcɔŋnaɣ Wiyaʋ Daviid ñɩm yɔɔ yɔ.
32 Daviid koou Yonataanɩ+ kaakɛ lɔŋ tasɩyʋ, ɛɛkɛ abalʋ weyi ɛwɛnɩ tɔm taa nɩʋ lɛɣtʋ yɔ, nɛ ɛɛkɛ ɖɔɖɔ takayaɣ taa mayʋ; nɛ Hakɩmonii pɩyalʋ Yehiyɛɛlɩ cɔŋnaɣnɩ wiyaʋ pɩyalaa yɔɔ.+
33 Ahitofɛɛlɩ+ kaakɛ wiyaʋ lɔŋ tasɩyʋ, nɛ Arki tʋ Usaayii+ ñaakɛ wiyaʋ taabalʋ.*
34 Ahitofɛɛlɩ wayɩ lɛ, Benayaa+ pɩyalʋ Yehoyiyada nɛ Abiyaataarɩ+ paakɛnɩ lɔŋ tasɩyaa; nɛ Yowaabʋ+ kaakɛ wiyaʋ sɔɔjanaa ñʋʋdʋ.
Pɩ-tɛɛ tɔm
^ Ebree taa lɛ, patɩyɔɔdɩ kpayɩ kpayɩ se ɛnʋ kɛnɩ ɖalʋ yaa neu.
^ Piye piye, «nɛ pana wɛɛ Izrayɛɛlɩ yɔɔ.»
^ Yaa «ñɩm ɖɩzɩyɛ.»
^ Yaa «kɛdɛɛnzɩ.»
^ Piye piye, «kpaŋasɩ halɩñɩnzɩ.»
^ Yaa «weyi wiyaʋ taɣ liu yɔ.»
