Kroniiki takayaɣ kajalaɣ ñɩŋga 3:1-24
3 Daviid pɩyalaa mba palʋlɩ-ɩ Ebrɔŋ yɔ mba yɔ:+ Kajalaɣ ñɩnʋ lɛ Amnɔɔnɩ,+ e-ɖoo lɛ Yizreyɛɛlɩ tʋ Ahiinowam;+ Danɩyɛɛlɩ kɛnɩ 2 ñɩnʋ, e-ɖoo lɛ Karmɛɛlɩ tʋ Abigayɛɛlɩ;+
2 Absalɔm+ kɛnɩ 3 ñɩnʋ, Gesuur wiyaʋ Talɩmaayɩ pɛlɛ Maaka lʋlɩnɩ-ɩ; Hagiit pɩyalʋ Adoniya+ kɛnɩ 4 ñɩnʋ;
3 Sefatiya kɛnɩ 5 ñɩnʋ, e-ɖoo lɛ Abitaalɩ; Itreyam kɛnɩ 6 ñɩnʋ, e-ɖoo lɛ Daviid halʋ Egɩla.
4 Ebrɔŋ taa palʋlɩ-ɩ po-loɖo; ɛtɔɔ kewiyitu peeɖe pɩnzɩ 7 nɛ fenasɩ 6, nɛ ɛtɔɔ kewiyitu Yeruzalɛm pɩnzɩ 33.+
5 Piya sɩnɛ palʋlɩ-ɩ Yeruzalɛm:+ Simeya, Sobaabɩ, Naataanɩ+ nɛ Salomɔɔ;+ pa-naanza po-ɖoo lɛ Amiyɛɛlɩ pɛlɛ Bat-Seeba.+
6 Nɛ ɛ-pɩyalaa 9 lalaa yɔ: Ibaarɩ, Eliisama, Elifelɛɛtɩ,
7 Noga, Nefɛɛgɩ, Yafiya,
8 Eliisama, Eliyada nɛ Elifelɛɛtɩ.
9 Pa-tɩŋa payɩ paakɛ Daviid pɩyalaa, pɩtasɩnɩ ɛ-halaa cikpema pɩyalaa, nɛ pe-neu* halɩñɩnʋ lɛ Tamaarɩ.+
10 Salomɔɔ pɩyalʋ lɛ Robowam;+ ɛlɛ pɩyalʋ lɛ Abiya,+ ɛlɛ pɩyalʋ lɛ Aazaa,+ ɛlɛ pɩyalʋ lɛ Yozafaatɩ,+
11 ɛlɛ pɩyalʋ lɛ Yehoram,+ ɛlɛ pɩyalʋ lɛ Okoziyaasɩ,+ ɛlɛ pɩyalʋ lɛ Yehowaasɩ,+
12 ɛlɛ pɩyalʋ lɛ Amaziya,+ ɛlɛ pɩyalʋ lɛ Azariya,+ ɛlɛ pɩyalʋ lɛ Yotam,+
13 ɛlɛ pɩyalʋ lɛ Ahaazɩ,+ ɛlɛ pɩyalʋ lɛ Ezekiyaasɩ,+ ɛlɛ pɩyalʋ lɛ Manaasee,+
14 ɛlɛ pɩyalʋ lɛ Amɔɔnɩ,+ ɛlɛ pɩyalʋ lɛ Yoziyaasɩ.+
15 Yoziyaasɩ pɩyalaa yɔ: Kajalaɣ ñɩnʋ lɛ Yohanaanɩ, 2 ñɩnʋ lɛ Yehoyakim,+ 3 ñɩnʋ lɛ Zedekiya,+ 4 ñɩnʋ lɛ Saalum.
16 Yehoyakim pɩyalaa yɔ: Ɛ-pɩyalʋ Yekoniya+ nɛ ɛlɛ pɩyalʋ Zedekiya.
17 Salaka tʋ Yekoniya pɩyalaa yɔ: Seyalɩtɩyɛɛlɩ,
18 Malɩkiiram, Pedayiya, Senazaarɩ, Yekamiya, Osama nɛ Nedabiya.
19 Pedayiya pɩyalaa yɔ: Zorobabɛɛlɩ+ nɛ Simeyii; nɛ Zorobabɛɛlɩ pɩyalaa yɔ: Mesulam nɛ Anaanɩya (nɛ pe-neu* halɩñɩnʋ lɛ Selomitɩ);
20 nɛ ɛ-pɩyalaa 5 lalaa yɔ: Asuuba, Ohɛlɩ, Berekiya, Hasadiya nɛ Yusaab-Esɛɛdɩ.
21 Nɛ Anaanɩya pɩyalaa yɔ: Pelatiya nɛ Yesayɩya; Yesayɩya pɩyalʋ* lɛ Refaya; Refaya pɩyalʋ* lɛ Arɩnaanɩ; Arɩnaanɩ pɩyalʋ* lɛ Abɩdɩyasɩ; Abɩdɩyasɩ pɩyalʋ* lɛ Sekaniya;
22 nɛ Sekaniya pɩyalaa yɔ Semayaa nɛ Semayaa pɩyalaa: Hatuusi, Igaalɩ, Bariya, Neyariya nɛ Safaatɩ—pa-tɩŋa pɛkpɛndɩ loɖo.
23 Nɛ Neyariya pɩyalaa yɔ: Eliyowenayɩ, Hizikiya nɛ Azɩrikam; pɛkpɛndɩ naadozo.
24 Nɛ Eliyowenayɩ pɩyalaa yɔ: Odaviya, Eliyasiib, Pelayiya, Akubɩ, Yohanaanɩ, Delayiya nɛ Anani; pɛkpɛndɩ 7.
Pɩ-tɛɛ tɔm
^ Ebree taa lɛ, patɩyɔɔdɩ se ɛnʋ kɛnɩ neu yaa kɔɔ.
^ Ebree taa lɛ, patɩyɔɔdɩ se ɛnʋ kɛnɩ neu yaa kɔɔ.
^ Piye piye, «pɩyalaa.»
^ Piye piye, «pɩyalaa.»
^ Piye piye, «pɩyalaa.»
^ Piye piye, «pɩyalaa.»
