Kroniiki takayaɣ kajalaɣ ñɩŋga 7:1-40
7 Nɛ Isakaarɩ pɩyalaa yɔ: Tola, Puwa, Yasuub nɛ Simirɔɔnɩ;+ pɛkpɛndɩ naanza.
2 Nɛ Tola pɩyalaa yɔ: Uuzi, Refaya, Yeriyɛɛlɩ, Yamaayɩ, Ibisam nɛ Semuwɛɛlɩ; paakɛ pa-caanaa ɖɩsɩ ñʋndɩnaa. Tola lʋlʋʋ taa mba kaakɛ sɔdɩŋ ɖoŋ tɩnaa, nɛ Daviid alɩwaatʋ taa lɛ, paakpɛndɩ 22 600.
3 Uuzi lʋlʋʋ taa mba* yɔ Iziraya nɛ Iziraya pɩyalaa: Mikayɛɛlɩ, Abɩdɩyasɩ, Yowɛɛlɩ nɛ Isihiya; pa-kagbanzɩ paakɛ ñʋndɩnaa.
4 Nɛ pa nɛ pa-lʋlʋʋ taa mba, ɛzɩ pɛwɛʋ pa-caanaa ɖɩsɩ taa yɔ, paawɛnɩ sɔɔjanaa 36 000 po-yoyaa taa, mba papɩzɩɣ nɛ powolo you yɔ, mbʋ pʋyɔɔ yɔ paawɛnɩ halaa nɛ pɩyalaa sakɩyɛ.
5 Nɛ po-koobiya mba paawɛ Isakaarɩ hɔŋ tɩŋa taa yɔ, paakɛ sɔdɩŋ ɖoŋ tɩnaa; paakpɛndɩ ɛyaa 87 000, ɛzɩ pamaʋ pa-hɩla pɔ-hɔŋ liɖe takayɩsɩ taa yɔ.+
6 Bɛnjamɛɛ+ pɩyalaa yɔ: Beela,+ Beekɛɛrɩ+ nɛ Yediyayɛɛlɩ;+ pɛkpɛndɩ naadozo.
7 Nɛ Beela pɩyalaa yɔ: Ɛzɩbɔɔnɩ, Uuzi, Uziyɛɛlɩ, Yerimɔɔtɩ nɛ Irii; pɛkpɛndɩ 5, paakɛ pa-caanaa ɖɩsɩ ñʋndɩnaa, sɔdɩŋ ɖoŋ tɩnaa. Nɛ ɛyaa 22 034 wɛnɩ pɔ-hɔŋ liɖe takayɩsɩ taa.+
8 Nɛ Beekɛɛrɩ pɩyalaa yɔ: Zemira, Yowaasɩ, Eliyeezɛɛrɩ, Eliyowenayɩ, Omirii, Yeremɔɔtɩ, Abiya, Anatɔɔtɩ nɛ Alemɛtɩ; pa-tɩŋa payɩ paakɛ Beekɛɛrɩ pɩyalaa.
9 Mba pama pa-hɩla pɔ-hɔŋ liɖe takayɩsɩ taa ɛzɩ pɛwɛʋ pa-caanaa ɖɩsɩ ñʋndɩnaa lʋlʋʋ taa yɔ, paakpɛndɩ sɔdɩŋ ɖoŋ tɩnaa 20 200.
10 Nɛ Yediyayɛɛlɩ+ pɩyalaa yɔ Bilaanɩ nɛ Bilaanɩ pɩyalaa: Yewuusi, Bɛnjamɛɛ, Ewuudi, Kenaana, Zeetanɩ, Tarɩsiisi nɛ Ahisaharɩ.
11 Pa-tɩŋa payɩ paakɛ Yediyayɛɛlɩ pɩyalaa, ɛzɩ pamaʋ pa-hɩla pɔ-hɔŋ liɖe takayɩsɩ taa ɛzɩ pɛwɛʋ pa-caanaa ɖɩsɩ ñʋndɩnaa lʋlʋʋ taa yɔ, paakpɛndɩ sɔdɩŋ ɖoŋ tɩnaa 17 200 mba papɩzɩɣ nɛ pɔsɔzɩ sɔɔjanaa yɔɔ nɛ pala you yɔ.
12 Irɩ+ pɩyalaa yɔ: Supim mba nɛ Hupim mba; Ahɛɛrɩ pɩyalaa lɛ Usim mba.
13 Naftalii pɩyalaa yɔ:+ Yaziyɛɛlɩ, Guuni, Yezɛɛrɩ nɛ Saalum—Bila lʋlʋʋ taa mba.*+
14 Manaasee+ pɩyalaa yɔ: Asɩriyɛɛlɩ weyi ɛ-halʋ cikpelu Siirii tʋ lʋlaa yɔ. (Halʋ ɛnʋ ɛlʋlɩnɩ Galaadɩ caa Makiir.+
15 Makiir kpaɣ halʋ nɛ ɛcɛlɩ Hupim nɛ ɛkpaɣ halʋ lɛlʋ nɛ ɛcɛlɩ Supim, nɛ e-neu halɩñɩnʋ hɩɖɛ lɛ Maaka.) Ɛ-pɩyalʋ 2 ñɩnʋ hɩɖɛ lɛ Selofehaadɩ,+ ɛlɛ Selofehaadɩ kaawɛnɩ halɩbiya ɖeke.+
16 Makiir halʋ Maaka lʋlɩ abalɩbɩɣa nɛ ɛyaa-kɛ se Perɛɛsɩ; ɛlɛ neu hɩɖɛ lɛ Serɛɛsɩ; nɛ ɛ-pɩyalaa lɛ Ulam nɛ Rekɛɛm.
17 Nɛ Ulam pɩyalʋ* lɛ Bedaanɩ. Manaasee pɩyalʋ Makiir pɩyalʋ Galaadɩ pɩyalaa lɛ.
18 Nɛ e-neu* halɩñɩnʋ lɛ Hamolekɛtɩ. Ɛlɛ lʋlɩ Isoodi, Abi-Ezɛɛrɩ nɛ Maala.
19 Nɛ Semida pɩyalaa yɔ: Ahiyanɩ, Sekɛɛm, Liiki nɛ Aniyam.
20 Efrayim+ pɩyalaa yɔ: Sutelaa,+ ɛlɛ pɩyalʋ Berɛɛdɩ, ɛlɛ pɩyalʋ Tahaatɩ, ɛlɛ pɩyalʋ Eleyaada, ɛlɛ pɩyalʋ Tahaatɩ,
21 ɛlɛ pɩyalʋ Zabaadɩ, ɛlɛ pɩyalʋ Sutelaa, Ezɛɛrɩ nɛ Eleyaadɩ. Gaatɩ+ ɛyaa mba palʋlɩ-wɛ ɛjaɖɛ nɖɩ ɖɩ-taa yɔ paba kʋ-wɛ, mbʋ pʋyɔɔ yɔ powoba se pakpaɣ pa-kpɩna.
22 Pa-caa Efrayim caɣ kʋñɔwiye kɩyakɩŋ sakɩyɛ, nɛ e-koobiya wɛɛ nɛ powoki ɛ-cɔlɔ se pɛhɛzɩ ɛ-laŋɩyɛ.
23 Pʋwayɩ lɛ, ɛsʋʋnɩ ɛ-halʋ, nɛ ɛlɛ haɣ hoɣa nɛ ɛlʋlɩ abalɩbɩɣa. Ɛlɛ ɛyaa-kɛ se Beriya,* mbʋ pʋyɔɔ yɔ ɛ-halʋ lʋlɩ alɩwaatʋ ndʋ asɛyʋʋ kɔm ɛ-ɖɩɣa yɔɔ yɔ.
24 Nɛ ɛ-pɛlɛ lɛ Seera, weyi ɛma Bɛtɩ-Horonɩ Pɩ-tɛɛ Ñɩŋgʋ+ nɛ Hayo Ñɩŋgʋ+ nɛ Uzɛɛnɩ-Seera yɔ.
25 Refa nɛ Resɛɛfʋ paakɛ Efrayim lʋlʋʋ taa mba. Resɛɛfʋ lʋlɩ Tela, ɛlɛ pɩyalʋ lɛ Tahaanɩ,
26 ɛlɛ pɩyalʋ lɛ Ladaanɩ, ɛlɛ pɩyalʋ lɛ Amihuudɩ, ɛlɛ pɩyalʋ lɛ Eliisama,
27 ɛlɛ pɩyalʋ lɛ Nuuni nɛ ɛlɛ pɩyalʋ lɛ Yozuwee.*+
28 Pe-ɖeɖe nɛ lona wena a-taa pacaɣaa yɔ ana yɔ: Betɛɛlɩ+ nɛ kɩ-tɛtʋ cikpetu ndɩ ndɩ,* nɛ Naaraanɩ wɩsɩ ɖɩlɩyɛ taa, nɛ Gezɛɛrɩ wɩsɩ ɖɩɖʋyɛ taa nɛ kɩ-tɛtʋ cikpetu ndɩ ndɩ, nɛ Sekɛɛm nɛ kɩ-tɛtʋ cikpetu ndɩ ndɩ, nɛ piwolo pɩtalɩ ɖooo Ayaa* nɛ kɩ-tɛtʋ cikpetu ndɩ ndɩ;
29 nɛ Manaasee lʋlʋʋ taa mba cɔlɔ kpam lɛ, Bɛtɩ-Seyanɩ+ nɛ kɩ-tɛtʋ cikpetu ndɩ ndɩ, Taanakɩ+ nɛ kɩ-tɛtʋ cikpetu ndɩ ndɩ, Megido+ nɛ kɩ-tɛtʋ cikpetu ndɩ ndɩ, nɛ Dɔɔr+ nɛ kɩ-tɛtʋ cikpetu ndɩ ndɩ. Tɛtʋ ndʋ tɩ-taa Izrayɛɛlɩ pɩyalʋ Yosɛɛfʋ lʋlʋʋ taa mba kaacaɣaa.
30 Asɛɛrɩ pɩyalaa yɔ: Iminaa, Isɩvaa, Isivii nɛ Beriya,+ nɛ pe-neu* halɩñɩnʋ lɛ Sera.+
31 Beriya pɩyalaa yɔ: Hebɛɛrɩ nɛ Malɩkiiyɛɛlɩ, weyi ɛkɛ Birizaayitɩ caa yɔ.
32 Hebɛɛrɩ lʋlɩ Yafɩlɛɛtɩ, Somɛɛrɩ nɛ Hotam, nɛ pe-neu* halɩñɩnʋ Suwa.
33 Yafɩlɛɛtɩ pɩyalaa yɔ: Pasakɩ, Bimaalɩ nɛ Asɩvatɩ. Yafɩlɛɛtɩ pɩyalaa lɛ.
34 Semɛɛrɩ* pɩyalaa yɔ: Ahii, Roga, Yehuba nɛ Aram.
35 E-neu Helɛɛm* pɩyalaa yɔ: Zofaa, Imina, Selɛɛsɩ nɛ Amaalɩ.
36 Zofaa pɩyalaa yɔ: Suuwa, Harɩnefɛɛrɩ, Suwaalɩ, Beerii, Imiraa,
37 Bezɛɛrɩ, Odi, Saama, Silɩsa, Itiraanɩ nɛ Beera.
38 Yetɛɛrɩ pɩyalaa yɔ: Yefunee, Pisipa nɛ Ara.
39 Ula pɩyalaa yɔ: Araa, Aniyɛɛlɩ nɛ Riziya.
40 Pa-tɩŋa payɩ paakɛ Asɛɛrɩ pɩyalaa, pa-caanaa ɖɩsɩ ñʋndɩnaa, mba palɩzɩ-wɛ yɔ, sɔdɩŋ ɖoŋ tɩnaa, ñʋndɩnaa taa sɔsaa; nɛ ɛzɩ pamaʋ pa-hɩla pɔ-hɔŋ liɖe takayɩsɩ taa yɔ,+ paakpɛndɩ abalaa 26 000,+ mba paawɛ sɔɔjanaa taa se papɩzɩɣ nɛ pɛɖɛɛ you yɔ.
Pɩ-tɛɛ tɔm
^ Piye piye, «Uuzi pɩyalaa.»
^ Piye piye, «Bila pɩyalaa.»
^ Piye piye, «pɩyalaa.»
^ Ebree taa lɛ, patɩyɔɔdɩ se ɛnʋ kɛnɩ neu yaa kɔɔ.
^ Pʋ-tɔbʋʋ se «Asɛyʋʋ taa.»
^ Yaa «Yehosuwa,» pʋ-tɔbʋʋ se «Yehowa kɛ ñʋʋ yabʋ.»
^ Yaa «nɛ tɛtʋ cikpetu ndɩ ndɩ ndʋ tɩcɔ-kʋ nɛ tɩta yɔ.»
^ Pɩpɩzɩɣ pɩkɛ, «Gaazaa,» ɛlɛ pɩtɩkɛ Gaazaa ŋgʋ kɩwɛ Filistii taa yɔ.
^ Ebree taa lɛ, patɩyɔɔdɩ se ɛnʋ kɛnɩ neu yaa kɔɔ.
^ Ebree taa lɛ, patɩyɔɔdɩ se ɛnʋ kɛnɩ neu yaa kɔɔ.
^ Paya-ɩ ɖɔɖɔ se Somɛɛrɩ kalɩtʋ 32 taa.
^ Pɩkɛɣnɩ ɛnʋ paya ɖɔɖɔ se Hotam kalɩtʋ 32 taa.
