Kroniiki takayaɣ kajalaɣ ñɩŋga 9:1-44
9 Pama Izrayɛɛlɩ mba tɩŋa hɩla pɔ-hɔŋ liɖe takayɩsɩ taa, nɛ pama-yɛ Izrayɛɛlɩ Awiya Takayaɣ taa. Nɛ pakpaɣ Yuuda mba nɛ pɛkɛzɩ-wɛ tɛtʋ Babilɔɔnɩ, mbʋ pʋyɔɔ yɔ pataawɛɛ siɣsiɣ.+
2 Mba pacalɩ pɩsʋʋ pe-ɖeɖe pɛ-tɛtʋ ndɩ ndɩ taa yɔ mba yɔ Izrayɛɛlɩ mba nabɛyɛ, cɔjɔnaa, Leevi mba, nɛ templo taa lɩmɖʋyaa.*+
3 Nɛ Yuuda mba,+ Bɛnjamɛɛ mba,+ Efrayim mba, nɛ Manaasee mba lʋlʋʋ taa ñɩma nabɛyɛ caɣ Yeruzalɛm. Mba yɔ:
4 Utayii, ɛkɛ Amihuudɩ pɩyalʋ, Omirii pɩyalʋ, Imirii pɩyalʋ, Bani pɩyalʋ, Yuuda pɩyalʋ Perɛɛzɩ+ lʋlʋʋ taa tʋ.
5 Nɛ Siiloo mba taa lɛ, kajalaɣ pɩɣa Asaya nɛ ɛ-pɩyalaa.
6 Nɛ Zeraa+ pɩyalaa taa lɛ, Yewuwɛɛlɩ nɛ po-koobiya taa ɛyaa 690.
7 Nɛ Bɛnjamɛɛ lʋlʋʋ taa mba taa lɛ, Saluu weyi ɛkɛ Mesulam pɩyalʋ, Odaviya pɩyalʋ, Hasenuwa pɩyalʋ yɔ,
8 Yeroham pɩyalʋ Ibineya, Elaa weyi ɛkɛ Uuzi pɩyalʋ, Mikirii pɩyalʋ yɔ nɛ Mesulam weyi ɛkɛ Sefatiya pɩyalʋ, Rewuwɛɛlɩ pɩyalʋ, Ibiniya pɩyalʋ yɔ.
9 Nɛ po-koobiya kaakpɛndɩ 956 ɛzɩ pɛwɛʋ pa-lʋlʋʋ taa yɔ. Abalaa mba pa-tɩŋa paakɛ pa-caanaa ɖɩsɩ ñʋndɩnaa.*
10 Nɛ cɔjɔnaa taa lɛ, Yedaya, Yehoyariib, Yakiini,+
11 Azariya weyi ɛkɛ Hilikiya pɩyalʋ, Mesulam pɩyalʋ, Sadɔɔkɩ pɩyalʋ, Merayɔɔtɩ pɩyalʋ, Ahitub weyi ɛɛkɛ Ɛsɔ toovenim tʋ ɖɩɣa* ɖiyiyu yɔ ɛ-pɩyalʋ yɔ.
12 Adayaa weyi ɛkɛ Yeroham pɩyalʋ, Pasuuri pɩyalʋ, Malɩkiiya pɩyalʋ yɔ, Maasaayɩ weyi ɛkɛ Adɩyɛɛlɩ pɩyalʋ, Yazera pɩyalʋ, Mesulam pɩyalʋ, Mesilemiiti pɩyalʋ, Imɛɛrɩ pɩyalʋ yɔ,
13 nɛ po-koobiya, pa-caanaa ɖɩsɩ ñʋndɩnaa, pɛkpɛndɩ 1 760, pɛkɛ abalaa ɖoŋ tɩnaa, mba pataɣ-wɛ liu se papɩzɩɣ nɛ pala Ɛsɔ toovenim tʋ ɖɩɣa tʋmɩyɛ yɔ.
14 Nɛ Leevi mba taa lɛ, Semayaa+ weyi ɛkɛ Hasuubi pɩyalʋ, Azɩrikam pɩyalʋ, Hasabiya pɩyalʋ yɔ, palɩnɩ Merarii lʋlʋʋ taa;
15 nɛ Bakɩbakaarɩ, Herɛɛsɩ, Galaalɩ, Mataaniya weyi ɛkɛ Mika pɩyalʋ, Zikiri pɩyalʋ, Azaafʋ pɩyalʋ yɔ,
16 Abɩdɩyasɩ weyi ɛkɛ Semayaa pɩyalʋ, Galaalɩ pɩyalʋ, Yedutuunɩ pɩyalʋ yɔ, nɛ Berekiya weyi ɛkɛ Aazaa pɩyalʋ, Ɛlɩkaana pɩyalʋ yɔ. Ɛɛcaɣ Netofa mba+ tɛtʋ cikpetu taa.
17 Nɔnɔɔ yɔɔ ɖaŋɩyaa+ yɔ: Saalum, Akubɩ, Talɩmɔɔnɩ, Ahimaanɩ nɛ po-koobu Saalum weyi ɛkɛ ñʋʋdʋ yɔ,
18 nɛ pɩkɔm nɛ pɩtalɩnɩ alɩwaatʋ ndʋ yɔ ɛɛwɛ wiyaʋ nɔnɔɔ taa, wɩsɩ ɖɩlɩyɛ taa.+ Leevi mba ɖigbeɣliye* nɔnɔɔ yɔɔ ɖaŋɩyaa lɛ.
19 Nɛ Saalum weyi ɛkɛ Koree pɩyalʋ, Abiyasafʋ pɩyalʋ, Kora pɩyalʋ yɔ, nɛ ɛ-caa ɖɩɣa taa koobiya, Kora mba, paakɛ tʋmɩyɛ yɔɔ cɔnɩyaa, kizinziku nɔnɔɔ yɔɔ ɖaŋɩyaa, nɛ pa-caanaa kaakɛ Yehowa ɖigbeɣliye* yɔɔ cɔnɩyaa nɛ paɖaŋɩɣ nɔnɔɔ ŋga patɩŋɩɣna nɛ pasʋʋ yɔ kɔ-yɔɔ.
20 Eleyaazaarɩ+ pɩyalʋ Fineyaasɩ+ kaakɛnɩ pe-ɖiyiyu ɖooo lɛ; Yehowa kaawɛ ɛ-cɔlɔ.
21 Meselemiya pɩyalʋ Zakarii+ kaakɛ kediɣzaɣ kizinziku nɔnɔɔ yɔɔ ɖaŋɩyʋ.
22 Mba payɩ palɩzaa se pɛkɛ nɔnɔsɩ yɔɔ ɖaŋɩyaa yɔ, paakpɛndɩ 212. Paawɛ po-lona taa ɛzɩ pamaʋ pa-hɩla pɔ-hɔŋ liɖe takayɩsɩ taa yɔ.+ Daviid nɛ Samɩyɛɛlɩ, weyi ɛnɩɣ natʋ taa yɔ,+ mba kaalɩzɩnɩ-wɛ se pala tʋmɩyɛ nɖɩ paɖʋ-wɛ yɔ, tʋmɩyɛ nɖɩ paɖʋʋ mba pataɣ-wɛ liu yɔ.
23 Pa nɛ pa-pɩyalaa paakɛ Yehowa ɖɩɣa nɔnɔsɩ yɔɔ ɖaŋʋʋ tʋmɩyɛ yɔɔ cɔnɩyaa,+ pʋ-tɔbʋʋ se kizinziku ɖɩɣa nɔnɔsɩ yɔɔ ɖaŋʋʋ tʋmɩyɛ yɔɔ cɔnɩyaa.
24 Nɔnɔɔ yɔɔ ɖaŋɩyaa kaawɛ hɔɔlɩŋ 4 taa—wɩsɩ ɖɩlɩyɛ, wɩsɩ ɖɩɖʋyɛ, hayo kiŋ nɛ hadɛ kiŋ.+
25 Wiɖii wiɖii lɛ, po-koobiya lɩɣaɣnɩ lona wena a-taa paacaɣaa yɔ nɛ pɔkɔŋ se pa nɛ wɛ pala tʋmɩyɛ kɩyakɩŋ lʋbɛ.
26 Paaɖʋ nɔnɔsɩ yɔɔ ɖaŋɩyaa ñʋndɩnaa* 4 tʋmɩyɛ nɖɩ paɖʋʋ mba pataɣ-wɛ liu yɔ. Paakɛ Leevi mba, nɛ mba cɔŋnaɣnɩ Ɛsɔ toovenim tʋ ɖɩɣa tɛ ɖamɩŋ* nɛ ñɩm ɖɩzɩyɛ yɔɔ.+
27 Pasɩŋaɣ po-lona taa ɖoo pilim nɛ pɔcɔɔ Ɛsɔ toovenim tʋ ɖɩɣa nɛ pata, mbʋ pʋyɔɔ yɔ pɔcɔŋnaɣ ɖaŋʋʋ tʋmɩyɛ yɔɔ nɛ mba ɖɔkaɣnɩ ñɩmɩyɛ nɛ patʋlʋʋ ɖɩɣa nɔnɔsɩ paa tanaŋ ŋgʋ.
28 Pa-taa nabɛyɛ kaakɛ mba pɔcɔŋnɩ wondu ndʋ palakɩnɩ tʋmɩyɛ yɔ tɩ-yɔɔ yɔ;+ pakalaɣ wondu ndʋ alɩwaatʋ ndʋ pasʋʋnɩ-tʋ yɔ nɛ pakalɩɣ-tʋ alɩwaatʋ ndʋ palɩɣnɩ-tʋ yɔ.
29 Paalɩzɩ pa-taa nabɛyɛ se pɔcɔnɩ wondu ndʋ tɩ-yɔɔ, wondu kiɖeɖetu+ yɔɔ, nɛ mʋlʋm mbʋ pɩkpɩzɩ camɩyɛ yɔ,+ vɛɛ,+ num,+ tɩlaaɖɩ kʋhʋlʋmʋʋ,+ nɛ balɩsam num+ pɔ-yɔɔ.
30 Cɔjɔnaa pɩyalaa taa nabɛyɛ lakaɣ sɔzɩŋ num mbʋ pesidini balɩsam num yɔ.
31 Nɛ Leevi mba taa, Matitiya weyi ɛkɛ Kora tʋ Saalum kajalaɣ pɩɣa yɔ, ɛnʋ cɔŋnaɣnɩ kakayɩsɩ nzɩ sɩwɛ tatayaa tatayaa yɔ sɩ-labʋ tʋmɩyɛ yɔɔ, nɛ mba pataɣ-wɛ liu yɔ, mba paɖʋʋ tʋmɩyɛ nɖɩ.+
32 Po-koobiya Kehaatɩ mba taa nabɛyɛ cɔŋnaɣ kpɔnɔnaa mba patɩnɩɣ-wɛ ɖama yɔɔ yɔ*+ pa-labʋ tʋmɩyɛ yɔɔ, nɛ palakɩ kpɔnɔnaa mba paa sabaatɩ ŋgʋ.+
33 Mba kaakɛnɩ hendu teyaa, Leevi ñɩma caanaa ɖɩsɩ ñʋndɩnaa. Paawɛ ɖamɩŋ* tɛɛ. Pataalakɩ tʋma lɛɛna; mbʋ pʋyɔɔ yɔ wɩsɩ nɛ ɖoo lɛ, pɩɩwɛɛ se pɛwɛɛ tʋmɩyɛ labʋ yɔɔ.
34 Mba kaakɛnɩ Leevi ñɩma caanaa ɖɩsɩ ñʋndɩnaa ɛzɩ pɛwɛʋ pa-lʋlʋʋ taa yɔ, paakɛ ñʋndɩnaa. Paawɛ Yeruzalɛm.
35 Gabawɔɔ caa Yeyiyɛɛlɩ kaawɛ Gabawɔɔ+ taa. Ɛ-halʋ hɩɖɛ lɛ Maaka.
36 Nɛ ɛ-pɩyalʋ kajalaɣ ñɩnʋ lɛ Abɩdɔɔnɩ, ɛlɛ wayɩ lɛ Zuuri, Kiisi, Baalɩ, Nɛɛrɩ, Naadaabʋ,
37 Gedɔɔrɩ, Ahiyo, Zakarii nɛ Mikilɔtɩ.
38 Mikilɔtɩ lʋlɩ Simeyam. Nɛ pa-tɩŋa paacaɣ ɖenɖe yɔ, pɩñɔtɩnɩ po-koobiya Yeruzalɛm taa, pa nɛ po-koobiya lalaa.
39 Nɛɛrɩ+ lʋlɩ Kiisi; Kiisi lʋlɩ Sɔɔlɩ;+ Sɔɔlɩ lʋlɩ Yonataanɩ,+ Malɩkii-Suwa,+ Abinadaabɩ+ nɛ Ɛsɩbaalɩ.
40 Nɛ Yonataanɩ pɩyalʋ lɛ Merib-Baalɩ.+ Merib-Baalɩ lʋlɩ Mikee.+
41 Nɛ Mikee pɩyalaa yɔ: Pitɔɔnɩ, Meelɛɛkɩ, Tareyaa nɛ Ahaazɩ.
42 Ahaazɩ lʋlɩ Yara; Yara lʋlɩ Alemɛtɩ, Azɩmavɛɛtɩ nɛ Zimirii. Zimirii lʋlɩ Moza.
43 Moza lʋlɩ Bineya nɛ ɛlɛ pɩyalʋ lɛ Refaya, ɛlɛ pɩyalʋ lɛ Eleyaasa, ɛlɛ pɩyalʋ lɛ Azɛɛlɩ.
44 Azɛɛlɩ kaawɛnɩ pɩyalaa 6, nɛ pa-hɩla yɔ: Azɩrikam, Bokiruu, Isimayɛɛlɩ, Seyariya, Abɩdɩyasɩ nɛ Hanaanɩ. Azɛɛlɩ pɩyalaa lɛ.
Pɩ-tɛɛ tɔm
^ Yaa «Netiinimwaa.» Piye piye, «mba pakpaɣ-wɛ nɛ paha yɔ.»
^ Piye piye, «paakɛ caanaa ñʋndɩnaa pa-caanaa ɖɩɣa taa.»
^ Yaa «templo.»
^ Yaa «maalika.»
^ Yaa «maalika.»
^ Piye piye, «nɔnɔsɩ yɔɔ ɖaŋɩyaa ɖoŋ tɩnaa.»
^ Yaa «ɖamɩŋ weyi ɩ-tɛɛ pɔtɔkɩ tɔɔnaɣ yɔ.»
^ Pʋ-tɔbʋʋ se Ɛsɔ ɛsɩndaa kpɔnɔnaa.
^ Yaa «ɖamɩŋ weyi ɩ-tɛɛ pɔtɔkɩ tɔɔnaɣ yɔ.»
