Ŋpɩzɩɣ nɛ ŋwɛɛnɩ ɖoŋ ñɛ-tɛ cee wayɩ yɔɔ
Pɩlakɩ pɩnzɩ 3 500 mbʋ yɔ Yehowa Ɛsɔ kaaheyi ɛ-sɛyaa mbʋ pɩwɛɛ se pala nɛ piɖeni-wɛ cee wayɩ yɔ. “Mansɩ mɩ-ɛsɩndaa wezuu nɛ kʋñɔŋ. Mbʋ lɛ lɩzɩ wezuu nɛ ña nɛ ñe-liɖe ɩwɛɛ.”—Wayɩ Wayɩ Paɣtʋ 30:19.
Pɩsa nɛ piɖeni ɛyaa mba lɛ, pɩɩwɛɛ se pakpaɣ lɩmaɣza kɩbana. Ða ɖɔɖɔ pɩwɛɛ se ɖɩkpaɣ lɩmaɣza sɔnɔ. Bibl wɩlɩɣ-ɖʋ lɩmaɣza wena pɩwɛɛ se ɖɩkpaɣ nɛ piɖeni-ɖʋ cee wayɩ yɔ. Kiseɣtiɣ-ŋ se: “Ŋsɔɔlɩ [Yehowa] ñɛ-Ɛsɔ nɛ ŋña ɛ-nɔɔ.”—Wayɩ Wayɩ Paɣtʋ 30:20.
ƐZƖMA ÐƖPƖZƖƔ ÐƖSƆƆLƖ YEHOWA NƐ ÐƖÑA Ɛ-NƆƆ?
KPƐLƖKƖ LƆŊ BIBL TAA: Pɩsa nɛ ŋsɔɔlɩ Yehowa lɛ, kajalaɣ lɛ pɩwɛɛ se ŋkpɛlɩkɩ ɛ-yɔɔ tɔm Bibl taa. Ŋŋlakɩ mbʋ lɛ, ŋkaɣ naʋ se ɛkɛ Ɛsɔ sɔɔlɩm tʋ weyi ɛsɔɔlaa se piɖeni-ŋ yɔ. Eseɣtiɣ-ŋ se ŋtɩmnɩ-ɩ mbʋ pʋyɔɔ yɔ ‘ɛcɔŋnɩ ñɔ-yɔɔ.’ (1 Pɩyɛɛrɩ 5:7) Bibl labɩ tamaɣ se ye ŋñakɩ pana se ŋñɔtɩnɩ-ɩ yɔ ‘ɛkaɣ-ŋ ñɔtɩnʋʋ.’—Yakubu 4:8.
ÐƆ NDƲ ŊKPƐLƖKƖƔ YƆ TƖ-YƆƆ: Ye pɔtɔm se ɖɩña Ɛsɔ yɔ pʋ-tɔbʋʋ lɛ se ɖɩɖɔ lɔŋ kɩbaŋ weyi ɛtasɩ-ɖʋ Bibl taa yɔ ɩ-yɔɔ. Ye ŋɖɔŋ lɔŋ ɛnɩ ɩ-yɔɔ yɔ, “ɖɩnɛ ɛlɛ ŋkaɣ ɖɔkʋʋ ñe-wezuu camɩyɛ pɩŋŋ nɛ ɖɩnɛ ɛlɛ ŋkaɣ ña-tɩ leleŋ nɩʋ nɛ pɩkaɣ-ŋ ɖɔmnʋʋ ɖeu.”—Yozuwee 1:8.
^ par. 7 Bibl kpɛlɩkʋʋ ɖʋtʋ ndʋ tɩwɛ kʋnʋmɩŋ lʋbɛ taa, pɩkpɛndɩnɩ Siini kʋnʋmɩŋ weyi payaɣ se Mandarin nɛ Cantonais yɔ.
Kalɩ ɖɔɖɔ....
FEŊUU TILIMIYE
Ña-lakasɩ yekina nɛ ŋhiɣ ñʋʋ yabʋ cee wayɩ
Nabɛyɛ maɣzɩɣ se mbʋ payɩ pɩtalɩɣ-wɛ pe-wezuu caɣʋ taa yɔ, pa-lɩm taa pɩlɩɣna yaa Ɛsɔ kaatɛm ɖʋʋ se mbʋ pɩkaɣ labʋ. Ɛlɛ toovenim na?
