1. Ye ɖɩkpazɩɣ ɖama ɖoŋ kɔyɔ

Ðɔ-sɔɔlɩm cɛ’ɩsʋʋ nɛ ɖɩwɛɛ

Laŋhɛzɩ’ɛ nɛ nɔɔ kʋɖʋmaɣ taa

Nɛ ɖɩsɛɛ Yehowa camɩ’ɛ.

Sɔɔlɩm wɛ Ɛsɔ samaɣ taa siŋŋ,

Pɩkpazɩɣ ɖa-tɩŋa ɖoŋ siŋŋ.

Ɛsɔ samaɣ kɛ ɖa-ɖɩmɛlɩ’ɛ,

Kɔ-cɔlɔ ɖihikiɣ pɛɛyɛ.

2. Tɔm yɔɔdʋʋ tɩ-alɩwaatʋ yɔɔ

Hɛzɩɣ ɖa-tɩŋa ɖa-laŋa.

Koobi’a kʋsɔɔlaa, siɣsiɣ tɩnaa

Cɔlɔ tɔm ndʋ tɩlɩɣna.

Ðɩkpɛndɩɣ nɛ ɖɩlakɩ tʋmɩ’ɛ.

Pɩwɛ cɔnʋʋ, pɩwɛɛ camɩ’ɛ.

Ðɩsɔɔlaa se pakpazɩ-ɖʋ ɖoŋ,

Ðɩkpazɩ lalaa ɖɔɖɔ ɖoŋ.

3. Ðe-fezuu taa ɛza sɩɣnɩ-ɖʋ

Nɛ ɖɩnaɣ se Caa Yehowa

Kɩyakʋ ñɔtaa nɛ pɩpɔzʋʋ

Ðɩcɛyɩsɩ toovenim taa

Ðiwoki ɖe-kediɣzisi tam

Se pɩsa nɛ ɖɩɖɔkɩ kpam.

Pʋyɔɔ lɛ ɖɩkpazɩɣ ɖama ɖoŋ

Nɛ ɖa-tɩŋa pa’ɩ ɖɩwɛɛ ɖoŋ.