“Hwalo dzose dza ka femegwa ne Ndzimu.”—2 Timoti 3:16, New World Translation.

Dabilo dzi no khodza dze buzo wulu dze butjilo.—Zwiani 2:1-5.

Butungamili gu no thembeka gwe butjilo gwe misi yose.—Njimbo 119:105.

Galabgwe dumbu kwe tjibaka tji no zha.—Baroma 15:4.

Ee, ta ka linga mabaka matatu:

• Hwanano i no tjenamisa. Baibili ya ka kwagwa mu tjibaka tje makole a li 1 600 ne bathu ba li 40 ba ka siyasiyana. Bunji gwa bo ku sina pa ba ka tongo shangana. Ngono buka yose i no hwanana, ne nsholo u nompela!

• Hisitiri ye lebeswa. Bazibi be hisitiri ba masinya ku sumbika ku kundiwa kwa bo ne zwitjaba zwa bo. Ne zila ya ka leyana, bakwali be Baibili ba ka kwala be tjenesa kongwa kwabo ne kwe itjaba tja bo.—2 Dzishingikalo 36:15, 16; Njimbo 51:1-4.

• Buporofiti gu no thembeka. Baibili ya ka lebela mbeli ku tjinyiwa kwe nzi we Babiloni ya ntolo makole a li 200 ku sathu ku ka shingikala. (Isaya 13:17-22) Ha i zo lakidza zila ye ku wa kwe Babiloni koga, ya ka lakidza kakale ne zina le nkundi wayo!—Isaya 45:1-3.

  Buporofiti gumwe gwe Baibili gu nji gwa ka shingikadziwa ne mu zwithu zwi tikinini. Ha teitjo tja ti nga lingilila mu Dama le Ndzimu?—2 Pita 1:21.