Kuzê ki bu ta atxa di Bíblia?
Bu ta atxa ma é. . .
-
un livru di ómi?
-
un livru di stórias inventadu?
-
Palavra di Deus?
KUZÊ KI BÍBLIA TA FLA
‘Tudu ki sta skrebedu na Bíblia ben di Deus’. — 2 Timóteo 3:16, Tradução do Novo Mundo.
DI KI MANERA KEL-LI TA DJUDA-U?
Bíblia ta da. . .
respósta pa kes pergunta más inportanti di vida. — Provérbios 2:1-5.
konsedju sértu pa kada dia. — Salmo 119:105.
speransa suguru pa futuru. — Romanos 15:4.
NU PODE KÚNFIA NA BÍBLIA?
Sin, pa três motivu:
-
El é ben konbinadu. Deus uza uns 40 algen diferenti ki ka vive na mésmu ténpu, pa skrebe Bíblia i es dura más di 1.600 anu ta skrebe-l. Monti di es nen ka konxeba kunpanheru. Má kes ideia di Bíblia sta ligadu di komésu pa fin i ta sigi mésmu téma.
-
Stória verdaderu. Kes algen ki ta skrebe stória ka ta konta kuzas ki es i ses povu faze mariadu. Má kes skritor di Bíblia skrebe ses éru i di ses povu. — 2 Crónicas 36:15, 16; Salmo 51:1-4.
-
Profesia di kunfiansa. Uns 200 anu antis di Babilónia (un sidadi antigu) distruídu, Deus manda skrebe na Bíblia nómi di ken ki ta konkistaba el i modi ki el ta sérba distruídu. — Isaías 13:17-22; 45:1-3.
Monti profesia ki sta na Bíblia kontise sima staba skrebedu. Má é kel-li ki nu ta spéra di Palavra di Deus, é ka simé? — 2 Pedro 1:21.
PENSA NA KEL PERGUNTA LI
Modi ki Palavra di Deus pode midjora bu vida?
Bíblia ta da respósta na ISAÍAS 48:17, 18 i 2 TIMÓTEO 3:16, 17.
Bu pode gosta di kes-li tanbê
RESPÓSTAS PA PERGUNTAS DI BÍBLIA
Kuzê ki é Bíblia?
Kumesa bu leitura sábi di Bíblia, ki é kel mensajen di Deus pa nos.
ESSENTIAL BIBLE TEACHINGS
Modi ki nu pode ten sertéza ma Bíblia é verdadi?
Si Bíblia ben di Deus, ka ten ninhun otu livru sima el.
NOS ORGANIZASON
Pamodi ki nu debe studa Bíblia?
Bíblia sta ta da respóstas pa perguntas más inportanti di vida, pa milhons di algen na mundu interu. Bu krê ser un di es?
NOS ORGANIZASON
Pidi un vizita
Pâpia sobri un pergunta di Bíblia ô prende más sobri Tistimunhas di Jeová.
