Sufrimentu ta kaba un dia?
Bu ta atxa ma. . .
-
sin?
-
nau?
-
talvês?
KUZÊ KI BÍBLIA TA FLA
Deus ‘ta linpa di ses odju tudu lágua; i ka ta ten más mórti, nen ka ta ten más tristéza, nen txoru, nen dór.’ — Apocalipse 21:4, Tradução do Novo Mundo.
DI KI MANERA KEL-LI TA DJUDA-U?
Bu ta. . .
ten sertéza ma Deus ka ta poi ningen na sufrimentu. — Tiago 1:13.
fika más animadu di sabe ma Deus ta ntende nos dór. — Zacarias 2:8.
ten speransa ma sufrimentu ta kaba un dia. — Salmo 37:9-11.
NU PODE KÚNFIA NA BÍBLIA?
Sin, pa dôs motivu:
-
Deus ka gosta di sufrimentu i injustisa. Imajina sentimentu di Jeová na kel ténpu, óras ki es maltrataba se povu. Nu ta lé na Bíblia: ‘Duránti tudu ses frónta, el sufri djuntu ku es.’ — Isaías 63:9.
Deus ta fika iritadu óras ki algen ta maltratadu. Pur izénplu, Bíblia ta fla ma Deus é kóntra ‘mô di ken ki ta tra sangi di algen inosenti’. — Provérbios 6:16, 17.
-
Kada un di nos é inportanti pa Deus. É ka sô nos ki sabe nos dór. Jeová tanbê sabe! — 2 Crónicas 6:29, 30.
Jeová ta ben uza se govérnu pa kaba ku sufrimentu di tudu algen. (Mateus 6:9, 10 ) Timenti kel dia ka txiga, el ta mostra se amor pa konsola tudu ken ki ta sirbi-l. — Atos 17:27; 2 Coríntios 1:3, 4.
PENSA NA KEL PERGUNTA LI
Bu pode gosta di kes-li tanbê
ESSENTIAL BIBLE TEACHINGS
Pamodi ki Deus ta dexa maldadi ku sufrimentu kontise?
Respósta ki sta na Bíblia é klaru i ta konsola-nu.
NHOS KORDA!
Deus é kulpadu pa nos sufrimentu?
Xéfis di relijions dja ngana txeu algen ku mintira sobri Deus. Kal ki é verdadi?
NHOS KORDA!
Kuzas ki nos Kriador ta inxina ta da-nu speransa
Odja alguns di kes kuza sábi ki Deus promete-nu pa futuru, ki ta da-nu speransa.
NOS ORGANIZASON
Pamodi ki nu debe studa Bíblia?
Bíblia sta ta da respóstas pa perguntas más inportanti di vida, pa milhons di algen na mundu interu. Bu krê ser un di es?
ENSINUS DI BÍBLIA
Sprimenta studa Bíblia ku nos
Ten un studu di Bíblia djuntu ku un algen ki ta djuda-u ntende-l.
