Na veron di anu 1946, autoridadis di Kanadá liberta kes Tistimunha di Jeová jóven ki staba na kes kanpu di trabadju forsadu, ki ta fikaba na kes lugar izoladu na Kanadá. Uns 300 irmon jóven obrigadu trabadja na kes kanpu di trabadju forsadu pamodi es nega bai trópa. Kes irmon konsigi aguenta firmi i es sai di kes kanpu ku ses fé más fórti. Dja faze 75 anu désdi ki nos irmons libertadu di kes kanpu. Irmon Don MacLean, ki é un di kes últimu irmon ki libertadu i ki inda sta bibu, fla: “Kuazi tudu kes kuza ki N pasa pa el duránti kes anu di géra, bira nha fé más fórti. Sénpri N ta lenbra di kes anu ku gratidon.”