Tsachmanq chi junajwa li xikʼ ilok!
Usta tooruuq xmichʼbʼal li raaxiikʼ saʼ qachʼool, inkʼaʼ naru nokootaqlank saʼ xbʼeen li nekeʼxkʼoxla ut nekeʼxbʼaanu ebʼ li junchʼol. Saʼ xkʼabʼaʼ aʼin, naabʼalebʼ nekeʼrahobʼtesiik xbʼaan li raaxiikʼ ut li xikʼ ilok, ani tawiʼ t-isinq re chixjunil aʼin?
Li Santil Hu naxye naq kaʼajwiʼ li Jehobʼa truuq risinkil li xikʼ ilok (Proverbios 20:22).
LI YOS TRISI CHIXJUNIL LI NAKʼAMOK CHAQ RE LI XIKʼ ILOK
-
1. LAJ TZA. Aʼan wank re naq wank li xikʼ ilok. Li Yos chi seebʼ tixsach laj Tza ut chixjunilebʼ li xikʼ nekeʼilok (Salmo 37:38; Romanos 16:20).
-
2. LI RUUCHICHʼOCHʼ LI WANK RUBʼEL XWANKIL LI MAAʼUS. Li Yos trisi li nakʼamok chaq re li raaxiikʼ, saʼ xyanq aʼin wankebʼ li awabʼej li nekeʼxbʼaanu junes maaʼusilal ut ebʼ aj kʼamolbʼe saʼebʼ li paabʼal nekeʼxkʼut li xikʼ ilok. Li Yos trisi ajwiʼ ebʼ li xninqal ru aj yakonel li nekeʼelqʼak ut li nekeʼnumtaak saʼ xbʼeenebʼ li kristiʼaan (2 Pedro 3:13).
-
3. LI MAAK. Li Santil Hu naxye naq chiqajunilo xqechani li maak, joʼkan naq ak re naq yibʼru qanaʼlebʼ (Romanos 5:12). Jun rehebʼ li yibʼru aj naʼlebʼ, aʼan li xikʼ ilok. Abʼan li Yos trisi li maak saʼ qabʼeen ut maakʼaʼaq chik li xikʼ ilok saʼ qachʼool (Isaías 54:13).
LI SANTIL HU NAXYE NAQ CHI SEEBʼ MAAKʼAʼAQ CHIK LI XIKʼ ILOK
-
1. MAAKʼAʼAQ CHIK LI RAAXIIKʼ. Li Xʼawabʼejilal li Yos t-awabʼejinq saʼ xbʼeen li ruuchichʼochʼ ut tixkʼam chaq li tiikilal (Daniel 2:44). Maakʼaʼaq chik li raaxiikʼ ut li xikʼ ilok, li Yos tixbʼaanu naq sa chik teʼwanq ebʼ li xeʼrahobʼtesiik (Lucas 18:7).
-
2. TOOWANQ SAʼ TUQTUUKILAL. Maaʼani chik trahobʼtesiiq xbʼaan li raaxiikʼ ut li yalok u (Salmo 46:10). Chixjunilebʼ li kristiʼaan teʼxra li tuqtuukilal ut maakʼaʼ chik teʼxxuwa (Salmo 72:7).
-
3. KʼAJOʼAQ XCHʼINAʼUSAL LI QAYUʼAM. Chiqajunilo tqara qibʼ chiqibʼil qibʼ (Mateo 22:39). Maakʼaʼ chik trahobʼtesiiq xchʼoolebʼ li kristiʼaan (Isaías 65:17). Naq maakʼaʼaq chik li xikʼ ilok «kʼajoʼaq xnimal li tuqtuukil usilal teʼxyal chi junelik!» (Salmo 37:11).
Ma twulaq raj chaawu wanq saʼ li ruuchichʼochʼ aʼin? Chi miyon ebʼ laj testiiw re li Jehobʼa, ak xeʼxqʼax ru li xikʼ ilok. Chanru nekeʼxbʼaanu aʼin? Nekeʼxyuʼami li naʼlebʼ li naxkʼe li Santil Hu (Salmo 37:8). Li rahok naxbʼaanu naq teʼwanq saʼ junajil joʼ jun li junkabʼal usta jalan jalanq li xtenamitebʼ ut xwanjikebʼ (Isaías 2:2-4).
Ebʼ laj testiiw re li Jehobʼa chi anchalebʼ xchʼool teʼxkʼut chaawu chanru xqʼaxbʼal ru li xikʼ ilok ut li raaxiikʼ. Li taatzol tatxtenqʼa re naq choʼq reqaj li xikʼ ilok twanq li rahok. Taatzol ajwiʼ xkʼambʼal aawibʼ saʼ usilal rikʼinebʼ li junchʼol usta xikʼ nakateʼril. Chi joʼkan, sahaq aachʼool anaqwan ut wanqat saʼ xyaalal rikʼinebʼ li junchʼol. Ut li wank xwankil: aʼan naq taanaw kʼaru taabʼaanu naq tatwanq saʼ li akʼ ruuchichʼochʼ, naq li Yos ak xrisi chi junajwa li xikʼ ilok (Salmo 37:29).
Maare twulaq ajwiʼ chaawu
LAJ KʼAAKʼALEHOM
Kʼaru tixbʼaanu li Xʼawabʼejilal li Yos?
Li Jesús naxnaw naq kaʼajwiʼ li Xʼawabʼejilal li Yos trisi li chʼaʼajkilal. Kʼaru ak kixbʼaanu li Xʼawabʼejilal li Yos re naq tqakʼojobʼ qachʼool rikʼin?
JUNCHʼOL CHIK EBʼ LI NAʼLEBʼ
Ma twulaq xqʼehil naq maakʼaʼaq chik li maaʼusilal?
Li Santil Hu naxye naq rikʼin li Yos chalenaq li tiikilal. Juntaqʼeet nokooril li Yos.
AJSI AAWU!
Li tzʼeqtaanank: Aʼin tzʼaqal xbʼanol!
Bʼar wank li kaahibʼ chi naʼlebʼ li tixbʼaanu li Xʼawabʼejilal li Yos re risinkil li tzʼeqtaanank?
