Chalen chaq li po Enero 2016, li naʼlebʼ li wank chirix li hu La Atalaya li naqayeechiʼi rehebʼ li qas qiitzʼin, tixkʼam chaq li tasal Kʼaru naxkʼut li Santil Hu? Li tasal aʼin kikʼubʼamank re naq tqatikibʼ seeraqʼik rikʼinebʼ li poyanam. Kiyiibʼamank joʼ ebʼ li tratado: wank jun li patzʼom re xnawbʼal kʼaru naxkʼoxla li poyanam, jun xraqal li Santil Hu re xsumenkil li patzʼom ut wiibʼ oxibʼ chik li naʼlebʼ.

Joʼ nakʼulmank chi rajlal, wankebʼ nekeʼok xtzolbʼal li Santil Hu naq ak xeʼrabʼi jun li chaabʼil naʼlebʼ chirix li Yos. Oksi li tasal aʼin re xtenqʼankilebʼ li nekeʼraj xnawbʼal chirix li Yos (Mt 5:6).

1. Taapatzʼ re kʼaru naxkʼoxla chirix junaq rehebʼ li patzʼom.

2. Taawabʼi li naxye ut taabʼanyoxi re.

3. Taayaabʼasi li raqal li Santil Hu li wank rubʼel li naʼlebʼ li naxye: Li naxkʼut li Santil Hu, ut taapatzʼ re kʼaru naxkʼoxla. Wi wank xhoonal, naru taawoksi jun rehebʼ li naʼlebʼ li wank rubʼel li aatin Kʼaru chik naxkʼut li Santil Hu?

4. Taayeechiʼi re li hu La Atalaya.

5. Taaye re kʼaru kutankil tatsutqʼiiq re xtzʼilbʼal li jun chik patzʼom.