Ani tzʼaqal najolomink re li ruuchichʼochʼ?
Ma taaye raj naq . . .
-
... li Yos?
-
... li winq?
-
... inkʼaʼ nanawmank ani?
LI SANTIL HU NAXYE
«Chixjunil li ruuchichʼochʼ wank rubʼel xwankil li maaʼus.» (1 Juan 5:19.)
«Aʼin aj e naq kolxkʼut ribʼ li Ralal li Yos, re xsachbʼal li xkʼanjel laj tza.» (1 Juan 3:8, Li Santil Hu, Sociedad Bíblica de Guatemala.)
CHANRU TOOXTENQʼA XNAWBʼAL AʼIN
Tqataw xxeʼil ebʼ li chʼaʼajkilal li wank saʼ Ruuchichʼochʼ (Apocalipsis 12:12).
Chʼolchʼo chiqu kʼaʼut us naq tqoybʼeeni li akʼ ruuchichʼochʼ (1 Juan 2:17).
MA WANK XYAALAL NAQ TQAPAABʼ LI SANTIL HU?
Heeheʼ, wank oxibʼ xyaalal:
-
Tsachmanq li xʼawabʼejilal laj Tza. Li Jehobʼa naraj chi anchal xchʼool xsachbʼal li xwankil laj Tza saʼ xbʼeenebʼ li poyanam. Joʼkan naq li Yos naxye: «Xsachbʼal xwankil [...] laj tza» ut risinkil chixjunil li rahilal li naxkʼam chaq (Hebreos 2:14).
-
Li Jesus aʼan li awabʼej li sikʼbʼil ru xbʼaan li Yos. Li Jesus moko juntaqʼeet ta rikʼin li najolomink re li ruuchichʼochʼ aʼin. Joʼkan naq li Yos kixye chirix li xʼawabʼejilal li Kriist: «Taaruxtaana ruhebʼ li nebʼaʼ ut li wankebʼ saʼ rajbʼal ru [...]. Aʼan taaʼisinq rehebʼ saʼ li raasa ut li rahobʼtesiik» (Salmo 72:13, 14).
-
Li Yos maajunwa natikʼtiʼik. Li Santil Hu naxye chi tzʼaqal re ru naq li Yos «inkʼaʼ [...] natikʼtiʼik» (Hebreos 6:18). Chixjunil li naxye li Jehobʼa chʼolchʼo naq tixbʼaanu (Isaias 55:10, 11). Li Yos kixye naq «laj Taqlanel saʼ xbʼeen li ruuchichʼochʼ aʼin taakuteʼq chi najt [malaj tsacheʼq chi junajwa]» (Juan 12:31).
KʼOXLA LI PATZʼOM AʼIN
Chanruhaq li Ruuchichʼochʼ naq moko yooq ta chik chi jolomink laj Tza?
Li Santil Hu naxsume li patzʼom aʼin saʼ SALMO 37:10, 11 ut saʼ APOCALIPSIS 21:3, 4.
Maare twulaq ajwiʼ chaawu
QʼAXAL LOQʼ LI NAXKʼUT LI SANTIL HU
Kʼaʼut naq li Yos inkʼaʼ narisi li rahilal?
Ebʼ li qas qiitzʼin nekeʼxye, kʼaʼut naabʼal li xikʼ ilok ut li rahilal saʼ Ruuchichʼochʼ? Li Santil Hu naxchʼolobʼ aʼin ut naxkʼe qoybʼenihom.
LI SANTIL HU NAXSUME EBʼ LI PATZʼOM
Ma wank laj Tza?
Ma wank laj Tza, malaj aʼan li maaʼusilal li wank saʼ xchʼoolebʼ li qas qiitzʼin?
CHIQIX
Kʼaʼut us naq tattzoloq chirix li Santil Hu? (chixjunil)
Chi miyon ebʼ li qas qiitzʼin re chixjunil li Ruchichʼochʼ xeʼxtaw saʼ li Santil Hu xsumenkil ebʼ li xninqal ru patzʼom. Naqaj naq taatzol li chaabʼil tasal hu aʼin.
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
