“Topẽ . . . Ag kanẽ var tỹ tũꞌ he kãn jé tóg ke mũ ha. Ũ tóg ter mãn ke tũ pẽ nĩ ha. Hã kỹ ũ tóg fe kaj nĩ mãn ke tũ nĩ gé, jagtar ke tũ, kaganh ke tũ.” — Nén venh ke 21:3, 4, Topẽ Vĩ Rá.

Tag vỹ ã ajũna kenh ke mũ . . .

ã tỹ kri fi jé, Topẽ pi ẽg mỹ nén ũ kórég han tĩ. — Tiago 1:13.

ã tỹ ki kanhrãn há jé, ẽg tỹ vẽsỹrinhrénh mũn kỹ, Topẽ pi mỹ há nĩ. Kỹ, tag vỹ ã jagãgtãn ke mũ. — Zacarias 2:8.

ã tỹ kri fi jé, kãnhmar Topẽ vỹ nén ũ jagy kar ag tỹ tũꞌ kenh ke mũ. — Salmo 37:9-11.

Háv, nén ũ régre tugnĩn:

• Ẽg tỹ vẽsỹrinhrénh kar nén ũ vẽnh mỹ nỹtĩn kỹ, Topẽ vỹ tag to kry nĩ. Vãsỹ, Topẽ povo tỹ vẽsỹrirénh mũn kỹ, Topẽ ti hã re tĩ vã? Topẽ Vĩ Rá vỹ ẽg mỹ ke tĩ:“Ti hã tóg ag to há nĩ, ti hã tóg ag jagãgtãn, ti hã tóg ag krenkren han. Prỹg tỹ hẽn ri ke ki tóg ag to há nĩ ja nĩ, kỹ tóg ti colo ki ag ma tĩg ja nĩ.” — Isaías 63:9, Topẽ Tỹ Ẽg Mré Vĩ Vén.

  Kỹ, ũn tỹ jagnẽ nén ũ kórég ag hyn han kỹ, Topẽ tỹ jũ tãvĩ nĩ. Hã tugnĩn Topẽ Vĩ Rá ki tỹ rán kỹ nĩ, Topẽ to: “Nén tỹ 7 ke to tog jũ nĩ . . . ũn jykre há tén tĩ, nén ũ kórég han sór tĩ . . .” — Provérbios 6:16-19.

• Topẽ vỹ vẽnh kar to kanẽ jur tĩ. Ẽg tỹ nén ũ kórég kato vãsãnsãn nỹtĩn kỹ, Jeová tỹ ẽg ‘jagtar ki kanhró’ tĩ gé! — 2 Crônicas 6:29, 30.

  Topẽ Pãꞌi tugnĩn, kãnhmar Jeová vỹ vẽnh kar vẽsỹrinhrénh tỹ tũꞌ kenh ke mũ. (Mateus 6:9, 10) Jérĩn mỹ ũri ẽg tỹ vẽsỹrinhrénh mũn kỹ, Topẽ tỹ ũn jykre há, jagãgtãn kar ki rĩr tĩ. — Han kãme 17:27; 2 Corinto 1:3, 4.