Hihi Arĩa Makuĩte no Macoke Muoyo?
Hihi ũngiuga . . .
-
ĩĩ?
-
aca?
-
no gũkorũo?
ŨRĨA BIBILIA YUGAGA
Kwĩ hĩndĩ “gũkaariũkio andũ.”—Atũmwo 24:15, New World Translation in Kikuyu.
ŨRĨA ŨNDŨ ŨCIO ŨNGĨGŨTEITHIA
Kũũmĩrĩrio rĩrĩa mũndũ wendete akua.—2 Akorintho 1:3, 4.
Kwaga gwĩtigĩra gĩkuũ.—Ahibirania 2:15.
Gũkorũo na kĩĩrĩgĩrĩro kĩa ma gĩa gũkaanona endwa aku arĩa maakuire.—Johana 5:28, 29.
HIHI KŨNA NO TWĨTĨKIE ŨRĨA BIBILIA YUGAGA?
Ĩĩ, nĩ ũndũ wa itũmi itanyihĩire ithatũ:
-
Ngai nĩwe Kĩhumo kĩa muoyo. Bibilia ĩtaga Jehova Ngai “kĩhumo kĩa muoyo.” (Thaburi 36:9; Atũmwo 17:24, 25) Ũrĩa waheire ciũmbe ciothe muoyo hatarĩ nganja arĩ na ũhoti wa gũcokia mũndũ ũkuĩte muoyo.
-
Ngai anariũkia andũ mahinda mahĩtũku. Bibilia nĩ ĩgwetaga andũ anana—ethĩ, akũrũ, athuri na atumia—arĩa maariũkirio gũkũ thĩ. Amwe matiaikarĩte kuuma makua, no ũmwe aaikarĩte mbĩrĩra-inĩ thikũ inya!—Johana 11:39-44.
-
Ngai nĩ eriragĩria gwĩka ũguo o rĩngĩ. Jehova nĩ athũire gĩkuũ; akĩonaga kĩrĩ thũ. (1 Akorintho 15:26) Nĩ eriragĩria gũtooria thũ ĩyo, amĩniine na njĩra ya kũriũkia andũ. Nĩ eriragĩria kũriũkia arĩa marĩ kĩririkano-inĩ gĩake na kuona magĩtũũra thĩinĩ wa thĩ rĩngĩ.—Ayubu 14:14, 15.
TA WĨYŨRIE
Nĩ kĩĩ gĩtũmaga tũkũre na tũkue?
Bibilia nĩ ĩcokagia kĩũria kĩu thĩinĩ wa KĨAMBĨRĨRIA 3:17-19 na AROMA 5:12.
Icunjĩ Ingĩ Hihi Ũngĩenda Gũthoma
MŨRANGĨRI
Kĩĩrĩgĩrĩro Harĩ Arĩa Makuĩte—Ũngĩkorũo na Ma Atĩa?
Bibilia nĩ ĩtũheaga itũmi igĩrĩ njega cia gwĩtĩkia atĩ andũ nĩ makaariũkio.
ŨHORO WITŨ
Wagĩrĩirũo Kwĩruta Bibilia Nĩkĩ?—Video Yothe
Bibilia nĩ ĩcokagĩria andũ milioni nyingĩ mũno thĩinĩ wa thĩ ciũrĩa iria nditũ mũno ũtũũro-inĩ. Wee no wende gũcokerio ciũria icio?
MORUTANI MA BIBILIA
Ambĩrĩria Kwĩruta Bibilia na Ithuĩ
Ambĩrĩria kwĩruta Bibilia ũgĩteithĩrĩrio nĩ mũndũ.
