“Ngai . . . nĩekũmagiria maithori mothe mathire maitho mao; nakĩo gĩkuũ gĩtirĩ hingo gĩgacoka kũgĩa, o na gũtirĩ hingo gũgacoka kũgĩa na kĩeha, kana kĩrĩro, kana ruo.”​—Kũguũrĩrio 21:3, 4, The Bible in Gikũyũ.

Kũgĩa na ũũma atĩ Ngai tiwe kĩhumo kĩa mathĩna maitũ.—Jakubu 1:13.

Nĩ tũũmagĩrĩrio nĩ kũmenya atĩ Ngai nĩ ataũkagĩrũo ũrĩa tũraigua rĩrĩa tũrathĩnĩka.—Zekaria 2:8.

Kĩĩrĩgĩrĩro kĩa atĩ mathĩna mothe nĩ magaathira.—Thaburi 37:9-11.

Ĩĩ, nĩ ũndũ wa itũmi itanyihĩire igĩrĩ:

• Ngai nĩ athũire wagi wa kĩhooto na nĩ athũire kuona andũ magĩthĩnĩka. Ta wĩcirie ũrĩa Jehova Ngai aaiguire nĩ kuona andũ ake mahinda-inĩ ma Bibilia makĩnyarirũo. Bibilia yugaga atĩ nĩ aatangĩkaga nĩ ũndũ wa “arĩa maamahinyagĩrĩria.”—Atiirĩrĩri Bũrũri 2:18, New World Translation in Kikuyu.

  Ngai nĩ atuuragwo mũno ona andũ makĩnyamaria arĩa angĩ. Kwa ngerekano, Bibilia yugaga atĩ “moko marĩa maitaga thakame ĩtarĩ na mahĩtia” nĩ kĩndũ kĩrĩ magigi maitho-inĩ make.—Thimo 6:16, 17.

• Ngai nĩ arũmbũyagia o ũmwe witũ. To mũndũ tu ũmenyaga “ihũũra rĩake mwene na ruo rwake mwene” no nginya Jehova nĩ amenyaga!—2 Maũndũ ma Matukũ ma Tene 6:29, 30.

  Kũgerera Ũthamaki wake, kahinda gatarĩ kũnene Jehova nĩ ekũniinĩra o mũndũ mathĩna make. (Mathayo 6:9, 10) Kwa ihinda rĩrĩ, arĩ na wendo nĩ omagĩrĩria arĩa mamũcaragia na ngoro theru.—Atũmwo 17:27; 2 Akorintho 1:3, 4.