ITHOMO RĨA 14
Tũngĩka Atĩa Nĩguo Ũthathaiya Witũ Ũkenagie Ngai?
O ta ũrĩa ithomo rĩa 13 rĩonanĩtie, ti ndini ciothe ikenagia Ngai. O na kũrĩ ũguo, no tũhote gũthathaiya Mũũmbi witũ na njĩra ĩrĩmũkenagia. Nĩ “ũthathaiya [kana, ũndini]” ũrĩkũ ũmũkenagia? (Jakubu 1:27, kohoro ka magũrũ-inĩ) Reke tuone ũrĩa Bibilia ĩrutanaga.
1. Ũthathaiya witũ wagĩrĩirũo gũkorũo wĩhocetie harĩ kĩĩ?
Ũthathaiya witũ wagĩrĩirũo gũkorũo wĩhocetie harĩ Bibilia. Jesu eerire Ngai ũũ: “Kiugo gĩaku nĩkĩo ma.” (Johana 17:17) Ndini imwe itirũmagĩrĩra ũhoro wa ma ũrĩa ũkoragwo thĩinĩ wa Kiugo kĩa Ngai, Bibilia. Handũ ha ũguo, irũmagĩrĩra morutani ma andũ na irĩra cia andũ. No Jehova ndakenagio nĩ arĩa ‘maregaga gwathĩkĩra maathani ma Ngai.’ (Thoma Mariko 7:9.) Nĩ tũkenagia Ngai rĩrĩa twahocia ũthathaiya witũ harĩ Bibilia na twarũmĩrĩra ũtaaro wayo.
2. Twagĩrĩirũo gũthathaiya Jehova atĩa?
Tondũ Jehova nĩwe Mũũmbi witũ, twagĩrĩirũo kũmũthathaiya o we wiki. (Kũguũrĩrio 4:11) Ũguo nĩ kuuga atĩ, twagĩrĩirũo kũmwenda na kũmũthathaiya o we wiki, tũtekũhũthĩra mĩhianano kana kĩndũ kĩngĩ o gĩothe.—Thoma Isaia 42:8.
No mũhaka ũthathaiya witũ ũkorũo ũrĩ ‘mũtheru na wa gwĩtĩkĩrĩka’ harĩ Jehova. (Aroma 12:1) Ũguo nĩ kuuga atĩ no mũhaka twathĩkagĩre mawatho make. Kwa ngerekano, andũ arĩa mendete Jehova no mũhaka mende na mathĩkagĩre mawatho make megiĩ kĩhiko. Na nĩ methemaga mĩtugo mĩũru ta kũnyua thigara, mbakĩ, bangi, ndawa cia kũrebia, kana kũhũthĩra ũũru ndawa ingĩ kana njohi. a
3. Twagĩrĩirũo gũthathaiya Jehova tũrĩ hamwe na Akristiano arĩa angĩ nĩkĩ?
Mĩcemanio itũ ya o kiumia nĩ ĩtũheaga mweke wa “[kũgooca] Jehova . . . kĩũngano-inĩ.” (Thaburi 111:1, 2) Njĩra ĩmwe ya kũgooca Ngai nĩ kũmũinĩra. (Thoma Thaburi 104:33.) Jehova atwĩraga tũthiage mĩcemanio tondũ nĩ atwendete na nĩ oĩ atĩ mĩcemanio no ĩtũteithie gũkenera ũtũũro tene na tene. Rĩrĩa twathiĩ mĩcemanio-inĩ nĩ twĩkĩranaga ngoro.
THUTHURIA MAKĨRIA
Reke tũthuthurie tuone kĩrĩa gĩtũmĩte Jehova atũgirie kũhũthĩra mĩhianano ũthathaiya-inĩ. Ningĩ nĩ tũkwĩruta njĩra nene iria tũngĩgooca Ngai nacio.
4. Tũtiagĩrĩirũo kũhũthĩra mĩhianano tũgĩthathaiya
Tũmenyaga atĩa atĩ gwĩka ũguo nĩ kũrakaragia Ngai? Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
-
Gwathiire atĩa rĩrĩa andũ amwe a Ngai mahinda-inĩ ma Bibilia maageririe kũhũthĩra mũhianano makĩmũthathaiya?
Andũ amwe maiguaga ta makuhagĩrĩria Ngai makĩria rĩrĩa marahũthĩra mĩhianano makĩmũthathaiya. No gwĩka ũguo no gũtũme amaraihĩrĩrie makĩria. Thomai Thama 20:4-6 na Thaburi 106:35, 36, mũcoke mwarĩrĩrie ciũria ici:
-
Nĩ indo irĩkũ, kana nĩ mĩhianano ĩrĩkũ wonete andũ makĩhũthĩra ũthathaiya-inĩ?
-
Jehova onaga atĩa mũtugo wa kũhũthĩra mĩhianano?
-
Wee ũkuona atĩa mũtugo ũcio wa kũhũthĩra mĩhianano?
5. Gũthathaiya o Jehova wiki nĩ gũtũkũũraga kuumana na mawĩtĩkio ma maheeni
Rora wone ũrĩa gũthathaiya Jehova na njĩra ĩrĩa yagĩrĩire kũngĩtũkũũra kuumana na mawĩtĩkio ma maheeni. Mwĩrorerei VIDEO ĩno.
Thomai Thaburi 91:14, mũcoke mwarĩrĩrie kĩũria gĩkĩ:
-
Jehova atwĩrĩire ũndũ ũrĩkũ tũngĩonania atĩ nĩ tũmwendete na njĩra ya kũmũthathaiya o we wiki?
6. Nĩ tũthathayagia Ngai rĩrĩa tũrĩ mĩcemanio-inĩ ya kĩũngano
Nĩ tũgoocaga Ngai na tũgekĩra andũ arĩa angĩ hinya rĩrĩa tũraina na tũracokia ciũria mĩcemanio-inĩ. Thomai Thaburi 22:22, mũcoke mwarĩrĩrie ciũria ici:
-
Hihi nĩ ũkenagĩra kũigua andũ magĩcokia ciũria mĩcemanio-inĩ?
-
No wende kwĩhaarĩria nĩguo ũgaacokia kĩũria kĩmwe mũcemanio-inĩ?
7. Jehova nĩ akenaga rĩrĩa twera andũ angĩ maũndũ marĩa tũreruta
Nĩ kũrĩ njĩra nyingĩ tũngĩhũthĩra kũmenyithia andũ arĩa angĩ maũndũ marĩa tũreruta kuuma Bibilia-inĩ. Thomai Thaburi 9:1 na 34:1, mũcoke mwarĩrĩrie kĩũria gĩkĩ:
-
Nĩ kaũndũ karĩkũ wĩrutĩte kuuma Bibilia-inĩ ũngĩenda kũmenyithia mũndũ ũngĩ?
ANDŨ AMWE MOIGAGA: “Tũtingĩhota gũkenia Ngai.”
-
Wee ũngiuga atĩa?
ŨRĨA TWERUTA
Nĩ tũkenagia Mũũmbi witũ rĩrĩa twamũthathaiya o we wiki, twamũgooca mĩcemanio-inĩ ya kĩũngano, na twera andũ arĩa angĩ maũndũ marĩa twĩrutĩte.
Ciũria cia gũcokera
-
Tũngĩmenya atĩa ũrĩa Ngai endaga tũmũthathaiye?
-
Twagĩrĩirũo gũthathaiya o Jehova wiki nĩkĩ?
-
Twagĩrĩirũo gũthathaiya Ngai tũrĩ hamwe na andũ angĩ arĩa mendaga kũmũkenia nĩkĩ?
RIKĨRA
Thoma rũgano rũrĩ na kĩongo “Rĩu Ndikoragwo ndĩ Ngombo ya Mĩhianano,” wone ũrĩa mũtumia ũmwe aahotire gũtiga gũthathaiya mĩhianano.
Wĩrute kĩrĩa kĩngĩgũteithia gũcokagia ciũria mĩcemanio-inĩ ya kĩũngano.
“Gooca Jehova ũrĩ Thĩinĩ wa Kĩũngano” (Mũrangĩri, Janũarĩ 2019)
Rora wone ũrĩa mwanake ũmwe aagunĩkire kuumana na mĩcemanio ya kĩũngano, o na gũtuĩka ndwarĩ ũndũ mũhũthũ harĩ we gũthiaga.
Andũ aingĩ metĩkĩtie atĩ mũtharaba nĩ rũũri rwa Ũkristiano. No hihi nĩ twagĩrĩirũo kũũhũthĩra ũthathaiya-inĩ?
“Aira a Jehova Magaga Kũhũthĩra Mũtharaba Ũthathaiya-inĩ Wao Nĩkĩ?” (Gĩcunjĩ thĩinĩ wa jw.org/ki)
a Maũndũ macio nĩ makaarĩrĩrio mathomo-inĩ mangĩ marĩa marũmĩrĩire.
Icunjĩ Ingĩ Hihi Ũngĩenda Gũthoma
CIŨRIA IRIA CIŨRAGIO KAINGĨ
Mũbango wa Aira a Jehova wa Kwĩruta Bibilia na Andũ Ũkoragwo Ũhaana Atĩa?
Rĩrĩa ũreruta Bibilia na Aira a Jehova, no ũhũthĩre Bibilia ĩrĩa ũkwenda. No ũnyite ũgeni andũ anyu othe a famĩlĩ kana arata aku rĩrĩa ũreruta.
