ITHOMO RĨA 25
Muoroto wa Ngai Harĩ Ithuĩ nĩ Ũrĩkũ?
Bibilia yugaga atĩ “matukũ [ma andũ] nĩ manini na maiyũrĩte mathĩna.” (Ayubu 14:1) Hihi ũcio nĩguo ũtũũro ũrĩa Ngai eendaga tũkorũo naguo? Angĩkorũo tiguo-rĩ, muoroto wake harĩ ithuĩ nĩ ũrĩkũ? Hihi kũrĩ hĩndĩ muoroto ũcio ũkaahinga? Reke tuone macokio ma gũtũũmĩrĩria kuuma Bibilia-inĩ.
1. Jehova endaga tũkorũo na ũtũũro ũhaana atĩa?
Jehova endaga tũkorũo na ũtũũro ũrĩa mwega biũ. Rĩrĩa oombire andũ a mbere, Adamu na Hawa, aamaigire mũgũnda-inĩ wa Edeni, ũrĩa warĩ paradiso thaka. Thutha ũcio “Ngai akĩmarathima, na Ngai akĩmeera ũũ: ‘Ciaranai na mũingĩhe, mũiyũrie thĩ na mũmĩtoorie.’” (Kĩambĩrĩria 1:28) Jehova eendaga magĩe ciana, matue thĩ yothe paradiso, na marũmbũyagie nyamũ. Muoroto wake warĩ andũ othe makoragwo na ũgima mũkinyanĩru wa mwĩrĩ na matũũre tene na tene.
O na gũtuĩka gũtiathiire ũguo, a muoroto wa Ngai ndũcenjetie. (Isaia 46:10, 11) No endaga andũ athĩki matũũre tene na tene gũtarĩ na mathĩna.—Thoma Kũguũrĩrio 21:3, 4.
2. Tũngĩka atĩa nĩguo tũgĩe na ũtũũro ũrĩ na muoroto ihinda-inĩ rĩrĩ?
Jehova aatũũmbire tũrĩ na ‘mabataro ma kĩĩroho,’ na nĩkĩo tũkoragwo na wendi wa kũmũmenya na kũmũthathaiya. (Thoma Mathayo 5:3-6.) Endaga tũkorũo na ũrata wa hakuhĩ hamwe nake, ‘tũrũmagĩrĩre njĩra ciake ciothe, tũmwendage,’ na tũmũtungatagĩre “na ngoro [itũ] yothe.” (Gũcokerithia Maathani 10:12; Thaburi 25:14) Rĩrĩa tweka ũguo nĩ tũgĩaga na gĩkeno kĩa ma o na tũrĩ na mathĩna. Gũthathaiya Jehova nĩ gũtũmaga tũkorũo na ũtũũro ũrĩ na muoroto.
THUTHURIA MAKĨRIA
Reke tũthuthurie tuone wendo mũnene ũrĩa Jehova aatuonirie kũgerera ũrĩa oombire thĩ na ũrĩa Kiugo gĩake kĩrutanaga igũrũ rĩgiĩ muoroto wa ũtũũro.
3. Jehova endaga andũ makorũo na ũtũũro mwega
Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
-
Nĩ kĩĩ gĩatũmire Ngai ombe thĩ?
Thomai Kohelethu 3:11, mũcoke mwarĩrĩrie kĩũria gĩkĩ:
-
Ũndũ ũcio ũrakũruta atĩa igũrũ rĩgiĩ Jehova?
4. Muoroto wa Jehova ndũcenjetie
Thomai Thaburi 37:11, 29 na Isaia 55:11, mũcoke mwarĩrĩrie kĩũria gĩkĩ:
-
Tũmenyaga atĩa atĩ muoroto wa Jehova harĩ ithuĩ ndũcenjetie?
Nyũmba thũkangu no ĩthondekwo. Na njĩra o ta ĩyo, thĩ ĩno ĩthũkangĩtio nĩ andũ nĩ ĩgaathondekwo nĩ Ngai ĩtũũragwo nĩ arĩa mamwendete
5. Gũthathaiya Jehova nĩ gũtũmaga tũkorũo na ũtũũro ũrĩ na muoroto
No tũgĩe na gĩkeno tũngĩmenya muoroto wa ũtũũro nĩ ũrĩkũ. Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
-
Terumi aagunĩkire atĩa nĩ ũndũ wa kũmenya muoroto wa ũtũũro?
Thomai Kohelethu 12:13, mũcoke mwarĩrĩrie kĩũria gĩkĩ:
-
Tũngĩonania ngatho atĩa nĩ ũndũ wa maũndũ marĩa mothe Jehova atwĩkĩire?
MŨNDŨ NO ORIE: “Muoroto wa ũtũũro nĩ ũrĩkũ?”
-
Wee ũngĩcokia atĩa?
ŨRĨA TWERUTA
Jehova endaga tũtũũre tene na tene gũkũ thĩ gũtarĩ na mathĩna. Tũngĩmũthathaiya na ngoro itũ yothe, ũtũũro witũ nĩ ũrĩkoragwo na muoroto nginya ihinda-inĩ rĩrĩ.
Ciũria cia gũcokera
-
Jehova aarĩ na muoroto ũrĩkũ harĩ Adamu na Hawa?
-
Tũmenyaga atĩa atĩ muoroto wa Ngai harĩ andũ ndũcenjetie?
-
Tũngĩka atĩa nĩguo tũkorũo na ũtũũro ũrĩ na muoroto?
RIKĨRA
Thuthuria wone ũira wa kuonania atĩ mũgũnda wa Edeni warĩ kuo.
“Mũgũnda wa Edeni—Hihi Warĩ Kuo Kana no Rũgano Tu?” (Mũrangĩri, Februarĩ 1, 2011)
Thoma wone kĩrĩa kĩngĩtũma tũkorũo na ma atĩ thĩ ĩgũtũũra tene na tene.
Thoma wone ũrĩa Bibilia yugaga igũrũ rĩgiĩ ũrĩa ũngĩgĩa na ũtũũro ũrĩ na muoroto.
Rora wone ũrĩa mũthuri ũmwe aagĩire na kĩndũ ataarĩ, o na gũtuĩka eeciragia atĩ gũtirĩ kĩndũ aagĩte.
a Thĩinĩ wa ithomo rĩrĩa rĩrũmĩrĩire, nĩ ũkeeruta ũrĩa mathĩna maambĩrĩirie.
Icunjĩ Ingĩ Hihi Ũngĩenda Gũthoma
CIŨRIA IRIA CIŨRAGIO KAINGĨ
Mũbango wa Aira a Jehova wa Kwĩruta Bibilia na Andũ Ũkoragwo Ũhaana Atĩa?
Rĩrĩa ũreruta Bibilia na Aira a Jehova, no ũhũthĩre Bibilia ĩrĩa ũkwenda. No ũnyite ũgeni andũ anyu othe a famĩlĩ kana arata aku rĩrĩa ũreruta.
