Olyelye ta pangele lelalela ounyuni?

DANA

Mbela oto diladila kutya . . .

oKalunga?
ovanhu?
oSatana?

OSHO OMBIBELI TAI TI

‘Ounyuni aushe ou li mepangelo lomunawii.’ — 1 Johannes 5:19.

“Omona waKalunga a holoka, a hanaune po oilonga yaSatana.” — 1 Johannes 3:8.

OUWA OO TO DULU OKUMONA NGEENGE OU SHII OO TA PANGELE OUNYUNI

Oto ka kala u shii kutya omolwashike mounyuni mu na omaupyakadi. — Ehololo 12:12.

Oto ka kala u na etomheno lokwiitavela kutya eenghalo dounyuni otadi ka lundulukila kouwa. — 1 Johannes 2:17.

OHATU DULU NGOO OKWIITAVELA OSHO OMBIBELI TAI TI?

Heeno, ohatu dulu omolwomatomheno atatu lwaapo:

Epangelo laSatana otali ka hanaunwa po. Jehova okwa tokola opo a xulife po epangelo laSatana. Okwa udaneka kutya ota ka ‘hanauna po Satana,’ nota ka ningulula oinima aishe oyo ya nyonaunwa kOndiaboli. — Ovaheberi 2:14.
Kalunga okwa hoolola Jesus Kristus a pangele ounyuni. Jesus okwa yooloka ko filufilu komupangeli wounyuni ou oo omukwanyanya noku lihole ye mwene. Kalunga okwa udaneka shi na sha nOhamba Jesus a ti: ‘Otai ningile omuxupi nohepele olukeno, ndee tai kulile eemwenyo davo momafininiko nomomalwifo.’ — Epsalme 72:13, 14.
Kalunga iha fufya. Ombibeli oya popya sha yela ya ti: “Kalunga ina dula okufufya.” (Ovaheberi 6:18) Ngeenge Jehova okwa udaneke okuninga oshinima shonhumba, ohashi kala nale sha fa sha ningwa. (Jesaja 55:10, 11) Ombibeli oya ti: “Omupangeli wounyuni ou ota ekelwa pondje.” — Johannes 12:31.

DILADILA KOMBINGA YAASHI:

Ounyuni otau ka kala wa tya ngahelipi ngeenge omupangeli wao okwa xulifwa po?

Ombibeli otai nyamukula epulo olo MEPSALME 37:10, 11 nosho yo MEHOLOLO 21:3, 4.

Otashi dulika yo u hafele oikundafanwa ei

OMAHONGO OMBIIBELI A FIMANA

Omolwashike Kalunga a efa okumona oixuna ku kale po?

Ovanhu vahapu ohava pula kutya omolwashike mounyuni mu na okumona oixuna kuhapu nosho yo outondwe. Ombiibeli otai yandje enyamukulo tali mbilipaleke.

OMAPULO OPAMBIIBELI A NYAMUKULWA

Ondiaboli oko ngoo i li shili?

Mbela Ondiaboli oi li ashike owii wongaho, oo u li movanhu, ile oi li omunhu wolela?

KOMBINGA YETU

Omolwashike u na okukonakona Ombibeli?

Ombibeli otai kwafele ovanhu omamiliyona mounyuni aushe va mone omanyamukulo omapulo oo a fimanenena monghalamwenyo. mbela ino hala okukala umwe womuvo?