Owa tala ko ngahelipi onakwiiwa?
Mbela ounyuni wetu . . .
-
otau kala u li ngaashi u li?
-
otau ka naipala?
-
otau ka xwepopala?
OSHO OMBIBELI TAI TI
‘Kalunga ota feta po omahodi momesho avo, nefyo itali kala po vali ile oluhodi ile okulila ile ouyahame itau kala po vali, osheshi eshi shotete osha xula po.’ — Ehololo 21:3, 4.
OUWA OO TO DULU OKU KA MONA MONAKWIIWA
Oilonga ihafifa notai ti sha.—Jesaja 65:21-23.
Itapa ka kala vali ouyahame ile okumona oixuna kwoludi keshe.—Jesaja 25:8; 33:24.
Onghalamwenyo ihafifa ihe na exulilo pamwe noukwaneumbo nosho yo nookaume.—Epsalme 37:11, 29.
OHATU DULU NGOO OKWIITAVELA OSHO OMBIBELI TAI TI?
Heeno, ohatu dulu omolwomatomheno avali lwaapo:
-
Kalunga ota dulu okuwanifa po eudaneko laye. MOmbibeli, Jehova Kalunga oye aeke a ifanwa “Omunamapangelo aeshe,” ile tu tye Omunaenghono adishe molwaashi eenghono daye inadi ngabekwa. (Ehololo 15:3) Onghee hano, ota dulu okuwanifa po eudaneko laye li na sha nokuxwepopaleka ounyuni wetu. Ombibeli oya ti: “Kalunga iha nyengwa kusha.” — Mateus 19:26.
-
Kalunga okwa halelela okuwanifa po eudaneko laye. Pashihopaenenwa, Jehova okwa “djuulukwa” okwaalulila oonakufya momwenyo. — Job 14:14, 15.
Ombibeli oya ti yo kutya Omona waKalunga, Jesus, okwa li a velula ovanaudu. Omolwashike a li a ninga ngaho? Omolwaashi okwa li a hala oku shi ninga. (Markus 1:40, 41) Jesus okwa li a hopaenena omaukwatya aXe monghedi ya wanenena mokukwafela nehalo liwa ovanhu ovo ve na omhumbwe. — Johannes 5:19.
Onghee hano, ohatu dulu okukala tu na oushili kutya Jehova naJesus ova hala oku tu kwafela tu ka hafele onakwiiwa. — Epsalme 72:12-14; 145:16; 2 Petrus 3:9.
DILADILA KOMBINGA YAASHI:
Ongahelipi Kalunga ta ka xwepopaleka ounyuni wetu?
Ombibeli otai nyamukula epulo olo MUMATEUS 6:9, 10 nosho yo MUDANIEL 2:44.
Otashi dulika yo u hafele oikundafanwa ei
OSHUNGONANGELO
Oshili kombinga yonakwiiwa
Kala u na eteelelo la twa mwaasho Kalunga a popya shi na asha nonakwiiwa nosho yo ovanhu ovo tava ka kala kombada yedu.
OMAHONGO OMBIIBELI A FIMANA
Ouhamba waKalunga oshike?
Eshi Jesus a li kombada yedu, okwa li ha udifa unene kombinga yOuhamba waKalunga. Oule womido, ovashikuli vaye ova kala hava ilikana Ouhamba oo u uye.
OSHUNGONANGELO
Ouhamba waKalunga otau uya okuninga shike?
Jesus okwa li e shii kutya Ouhamba waKalunga oo ashike epangelo tali dulu okukandula po omaupyakadi kombada yedu. Ouhamba waKalunga owa ninga nale shike opo tu kale twe u lineekela?
KOMBINGA YETU
Pula u talelwe po
Kundafaneni kombinga yepulo lopaMbiibeli, ile u lihonge shihapu kombinga yEendombwedi daJehova.
