جاستار ٷشىن
10. سەنىمدى بول
نەنى بىلدىرەدى؟
سەنىمدى ادام دەپ اتا-اناسىنىڭ، دوستارىنىڭ، جۇمىس بەرۋشىلەرىنىڭ سەنىمىنە كىرگەن جانداردى ايتادى. مۇنداي ادامدار تالاپ-ەرەجەلەردى ورىندايدى، بەرگەن ۋادەلەرىندە تۇرادى جانە ٵردايىم شىندىقتى ايتادى.
نەگە ماڭىزدى؟
ادەتتە ساعان قانشالىقتى ەركىندىك بەرىلەتىنى قانشالىقتى سەنىمگە يە بولعانىڭا بايلانىستى.
«اتا-اناڭنىڭ سەنىمىنە كىرۋدىڭ ەڭ جاقسى جولى — ولاردىڭ قاسىندا عانا ەمەس، ولار جوق كەزدە دە ٶزىڭنىڭ جەتىلگەن ٵرى جاۋاپتى ادام ەكەنىڭدى كورسەتۋ» (سارا).
كيەلى كىتاپ كەڭەسى: «ول مۇنىسىن جاقسى ٴجۇرىس-تۇرىسىمەن جانە... ىستەرىمەن كورسەتسىن» (جاقىپ 3:13).
نە ىستەي الاسىڭ؟
بىرەۋدىڭ سەنىمىنە يە بولعىڭ كەلسە يا جوعالتقان سەنىمدى قايتارعىڭ كەلسە، كەلەسى كەڭەستەر سەن ٷشىن پايدالى بولادى:
شىنشىل بول. وتىرىك ايتۋ ادامنىڭ ساعان دەگەن سەنىمىنەن تەز ايىرادى. ال شىنشىل بولىپ، قاتەلىك جاساعاندا ونى مويىنداي بىلسەڭ، وزگەلەردىڭ سەنىمىن جاۋلاپ الاسىڭ.
«ٴبارى جاقسى كەزدە شىنشىل بولۋ وڭاي. الايدا سەنى جاماناتتى ەتىپ كورسەتەتىن جاعدايدا دا شىنشىل بولساڭ، ادامداردىڭ ساعان دەگەن سەنىمى وسە تۇسەدى» (سامات).
كيەلى كىتاپ كەڭەسى: «بارلىق جاعدايدا ادال ٴجۇرىپ-تۇرعىمىز كەلەدى» (ەۆرەيلەرگە 13:18).
سەنىمدى ادام بول. اق ش-تا جۇرگىزىلگەن ٴبىر ساۋالناماعا سۇيەنسەك، كادرلار بولىمدەرىنىڭ 78 پايىزى سەنىمدى ادامداردى ىزدەيدى، ٵرى بۇل جۇمىسقا تۇرۋ ٷشىن ماڭىزدى تالاپتاردىڭ ٴبىرى بولىپ سانالادى. قازىردەن باستاپ سەنىمدى ادام بولۋدى ۇيرەنسەڭ، ەسەيگەندە مۇنىڭ زور پايداسىن كورەسىڭ.
«ٷي شارۋاسىن قايتا-قايتا ايتقىزباي-اق ىستەپ جۇرگەنىمدى اتا-انام بىردەن بايقايدى. بۇل ىسكە نەعۇرلىم جاۋاپكەرشىلىكپەن قاراسام، ولار دا ماعان سوعۇرلىم سەنىم ارتادى» (ٴسانيا).
كيەلى كىتاپ كەڭەسى: «سوزىمە قۇلاق اساتىنىڭا سەنىپ، ٴتىپتى مەنىڭ ايتقانىمنان دا كوپ نارسە ىستەيتىنىڭدى بىلەمىن» (ٴفىلىمونعا 21).
شىدامدى بول. سەنىڭ تاندىك جاعىنان ٶسىپ-جەتىلگەنىڭ جۇرتقا بىردەن كورىنەتىن شىعار. الايدا اقىلىڭ كىرىپ، جاۋاپتى ادام بولىپ كەلە جاتقانىڭدى كورۋ ٷشىن ۋاقىت كەرەك. سوندىقتان شىدامدى بول.
«ٴبىر ىسپەن عانا اتا-اناڭنىڭ يا باسقالاردىڭ سەنىمىنە كىرە المايسىڭ. ال ٶزىڭنىڭ جاۋاپتى ادام ەكەنىڭدى ۇنەمى دالەلدەپ وتىرساڭ، ولار ساعان سەنىم ارتا باستايدى» (دامير).
كيەلى كىتاپ كەڭەسى: «شىدامدىلىق سياقتى قاسيەتتەرگە بولەنىڭدەر» (قولوستىقتارعا 3:12).
قىزىقتى بولار مالىمەتتەر
فلوماستەرلىك انيماسيا
اتا-اناممەن قالاي ٴتىل تابىسسام ەكەن؟
زاۋقىڭ بولماي تۇرعاندا اتا-اناڭمەن قالاي سويلەسسەڭ بولادى؟
