Абақұқ 2:1—20
2 Мен күзет орнымда дайын тұрамын+,Қорғанның үстіне шығамын,Оның мен арқылы не айтатынын көру үшін,Мені түзеткенде, қалай жауап беретінімді білу үшін сергек боламын.
2 Ехоба маған былай деп жауап қатты:
“Бұл аянды тақташаларға анық етіп жазып қой+,Дауыстап оқитын адам оны оңай оқи алсын+.
3 Себебі бұл аянның орындалатын* уақыты бар,Сол уақыт жылдам жақындап келеді,Ол өтірік болып шықпайды.
Тіпті кідіргендей көрінсе де, оны күт*+!
Ол міндетті түрде орындалады.
Еш кешікпейді!
4 Кеудесін керген адамға қарашы,Оның жан дүниесі бұзылған.
Ал әділ адам адалдығының* арқасында өмір сүреді+.
5 Расында да, шарап опасыз болғандықтан,Тәкаппар адам мақсатына жетпейді.
Оның араны көр* сияқты кеңінен ашық.
Ол өлім сияқты тойымсыз.
Өзіне барлық ұлттарды жинауда,Күллі халықтарды қолға түсіруде+.
6 Солардың бәрі оған қарсы нақылдап+,Астарлап, жұмбақтап сөйлемей ме?
Олар былай дейтін болады:
“Өзіне тиесілі емес дүниені қашанғы жинай бермек?
Ол қасіретке қалады, себебі өзінің қарызын көбейтуде!
7 Қарыз берушілерің кенеттен саған қарсы көтерілмей ме?
Олар оянып, аяусыз жұлқылап,Сені талан-таражға салады+.
8 Сен көптеген халықтарды тонағандықтан,Солардан қалған адамдар өзіңді тонайтын болады+.
Өйткені адам қанын төктің,Жерге қиянат жасадың,Қалаларды тұрғындарымен қоса ойрандадың+.
9 Апаттан құтылу үшін,Ұясын қияға салмақ болып,Үйіне арам пайда әкелетін адам қасіретке қалады!
10 Өз үйіңді масқара ететін іс ойластырдың.
Көптеген халықтарды қырып, өз жаныңа қарсы күнә жасадың+.
11 Қабырғадағы тас айқай салады,Төбедегі белағаш оған жауап қатады.
12 Қантөгіспен қала тұрғызған,Әділетсіздікпен қала соққан адам қасіретке қалады!
13 Халықтардың отқа жағу үшін ауыр еңбектенетіні,Ұлттардың өз-өздерін босқа шаршататыныӘскербасы Ехобадан емес пе+?
14 Теңіздің суға толы болғанындай,Жер беті де Ехобаның даңқы жайлы білімге толы болады+.
15 Мас қылып, жалаңаш тәнін көру үшін,Ішімдікке ашу мен қаһар қосып,Жолдастарына беретін адам қасіретке қалады!
16 Сен атақ-даңққа емес, масқаралыққа батасың.
Сен де ішіп, сүндеттелмеген* күйіңді көрсет.
Ехобаның оң қолындағы шарапқа толы тостаған саған да жетіп+,Атақ-даңқың масқаралықтың астында қалады.
17 Ливанға жасаған зорлығың өз басыңа келеді,Қырып-жойып, аңдарды шошытқаның өз басыңа түседі.
Өйткені адам қанын төктің, жерге қиянат жасадың,Қалаларды тұрғындарымен қоса ойрандадың+.
18 Тәңір бейнесінен не пайда,Оны ойып жасаған жай пенде емес пе?
Темір мүсіннен, жалған тәлімгерден не пайда?
Адамның сөйлей алмайтын пайдасыз пұт жасап,Оған сенім артқанынан не пайда+?
19 Ағашқа: “Оян!”— дейтін,Мылқау тасқа: “Оян! Бізге тәлім бер!”— дейтін адам қасіретке қалады.
Алтын-күміспен қапталғанмен+, оның бойында демі жоқ+.
20 Ал Ехоба өзінің киелі ғибадатханасында+.
Бүкіл жер беті, оның алдында үн шығарма+!”
Сілтемелер
^ Немесе “белгіленген”.
^ Немесе “шыдаммен күт; қатты күт”.
^ Мүмкін: “сенімінің”.
^ Еврейше “шеол”. Түсіндірмені қараңыз.
^ Мүмкін: “теңселген”.
