Амос 1:1—15
1 Текоядан+ шыққан қой бағушы Амостың* сөздері. Мұны ол Яһуда патшасы Ұзиях+ пен Исраил патшасы Жоғаш+ ұлы Еробоғамның+ күндерінде, жер сілкінісінен+ екі жыл бұрын, Исраил туралы аян көргенде алған болатын.
2 Ол былай деді:
“Ехоба* Сионнан арыстандай ақыратын болады,Иерусалимнен оның даусы шығады.
Қойшылардың жайылымдары қайғырады,Кармилдің төбесі де құрғап қалады+”.
3 “Ехоба мынаны айтады:
—Дамаскінің үш, тіпті төрт бүлігі* үшін үкімімді өзгертпеймін,Өйткені олар Ғалақатты темір астық бастырғышпен бастырды+.
4 Сол себепті мен Хазаелдің+ үйіне от жіберемін,Ол Бен-Хададтың бекініс мұнараларын жалмап қояды+.
5 Дамаскінің+ қақпа ысырмаларын сындырамын,Биқат-Әбеннің тұрғындарын жоямын,Бет-Еденде билік етушінің көзін құртамын,Сирияның халқы Кирге жер аударылады+,— дейді Ехоба.
6 Ехоба мынаны айтады:
—Газаның+ үш, тіпті төрт бүлігі үшін үкімімді өзгертпеймін,Өйткені олар күллі халықты тұтқынға алып+,Едомның қолына берді.
7 Сол себептен Газаның қабырғаларына от жіберемін+,Ол бекініс мұнараларын жалмап қояды.
8 Азоттың тұрғындарын жоямын+,Ашкелонда билік етушінің көзін құртамын+.
Қолымды Екронға қарсы көтеріп, жазалаймын+,Філістірлердің аман қалғандары құриды+,— дейді Әлемнің Әміршісі Ехоба.
9 Ехоба мынаны айтады:
—Тирдің+ үш, тіпті төрт бүлігі үшін үкімімді өзгертпеймін,Өйткені олар тұтқындардың бәрін Едомның қолына берді,Олар бауырластық келісімді естеріне де алмады+.
10 Сол себептен Тирдің қабырғаларына от жіберемін,Ол бекініс мұнараларын жалмап қояды+.
11 Ехоба мынаны айтады:
—Едомның+ үш, тіпті төрт бүлігі үшін үкімімді өзгертпеймін,Өйткені ол семсер ұстап, өз бауырының соңынан қуды+,Еш рақымшылық көрсетпеді,Ашу үстінде оларды аяусыз паршалауда,Оларға деген ашу-ызасы қайтар емес+.
12 Сол себептен Теманға+ от жіберемін,Ол Босраның+ бекініс мұнараларын жалмап қояды.
13 Ехоба мынаны айтады:
—Аммондықтардың+ үш, тіпті төрт бүлігі үшін үкімімді өзгертпеймін,Өйткені олар өз аймағын кеңейту үшін+ Ғалақаттағы жүкті әйелдердің ішін жарды.
14 Сол себептен Раббаның қабырғаларына от қоямын+,Ол бекініс мұнараларын жалмап қояды,Шайқас күні атой салған дауыстар естіледі,Дауыл күні алай-түлей болады.
15 Олардың патшасы әміршілерімен бірге жер аударылып кетеді+,— дейді Ехоба.
Сілтемелер
^ Мағынасы “жүк болу” не “жүк көтеру”.
^ Бұл — Құдайдың есімі. Түсіндірмені қараңыз.
^ Немесе “қылмысы”.