Asasatsinnut toqungasunut sumik neriuutissaqarpa?

’Inuk toquguni kingumut uum­mas­sava?’ angut Job qangarujus­suarli aperisimavoq. (Jûpe 14:14) Im­maqa il­lit­taaq taman­na eq­qarsaatigisimavat. Qanoq misigis­sagaluar­pit paasileruk­ku nunami maani pis­sutsit pitsaanersaat atorlugit asasavit takoq­qin­nis­saat ajor­nan­ngitsuusoq?

Taman­nar­piaq Bibelimi neriorsuutigineqar­poq: ’Toqusor­tatit uum­mas­sap­put, . . . makis­sap­put.’ Aam­ma Bibelimi al­las­simavoq: ’Iluar­tut nuna kingor­nus­saris­savaat, naas­saan­ngitsumil­lu nunagis­savaat.’ — Isaia 26:19; Tugsiaut 37:29.

Neriorsuutit tamak­ku up­peril­luin­narsin­naas­sagutsigik, apeq­qutit tun­ngaviunerusut akiniaq­qaar­tariaqar­pavut: Suna pis­sutigalugu inuit toqusar­pat? Toqungasut sumiip­pat? Qanorlu ilil­luta qulariun­naarsin­naavar­put uum­maq­qik­kumaar­tut?

Toqu, inullu toqugaangat qanoq pisoqartartoq

Bibelimi erseq­qis­sar­neqar­poq Guutip inuit toqusar­nis­saat aal­laq­qaataani siuner­tarin­ngik­kaluaraa. Inuit siul­liit Adam Evalu pin­ngor­tip­pai, nunami paratiisimut Edenimik taaneqar­tumut inis­sil­lugit, peq­qul­lugil­lu meeq­qioq­qul­lugit angerlarsimaf­fitsil­lu paratiisiusoq nunap isuinut al­liar­tor­teq­qul­lugu. Naalak­kiutai maleruan­ngitsoorunik­kik aatsaat toqusus­saap­put. — 1 Môrsase 1:28; 2:15-17.

Guutip avaagin­nin­neranik pingaar­titsin­ngin­namik, Adam Evalu naalan­ngitsulior­put taaneqareersimasutul­lu pil­lar­neqar­tus­san­ngorlutik. Pil­laatis­saq tas­saavoq, soorlu Guutip Adamimut oqaatigigaa: ’Nunamut uterumaar­putit, tas­san­nga tigusaagavit; mas­sa is­suuvutit is­sun­ngoq­qik­kumaarlutil­lu.’ (1 Môrsase 3:19) Pin­ngor­tin­neqan­ngik­kal­larami Adam piun­ngilaq; is­suin­naavoq. Naalan­ngin­namilu, tas­sa,  ajor­tuliorami, Adam is­sun­ngoq­qit­tus­san­ngor­poq, piujun­naarluni.

Toqu tas­saavoq inuus­suseqan­ngin­neq. Bibelimi iman­nak sanil­lius­sineqar­poq: ’Ajor­tip akis­sarsiarititaa tas­sa toqu, Guutil­li saam­maan­nermit tunis­sutaa tas­sa inuuneq naas­saan­ngitsoq.’ (Rûmamiut 6:23) Toqu tas­saasoq ilisimajun­naarluin­nar­neq takutin­niarlugu Bibelimi al­las­simavoq: ’Inuusut ilisimap­put toqus­sagamik, toqungasul­li sunnguamilluunniit ilisimanngillat.’ (akugdlîs­sup oĸausê 9:5) Inuk toqugaangat qanoq pisoqar­tar­nera Bibelimi iman­nak nas­suiar­neqar­poq: ’Aner­ningeruni is­sor­taminut utis­sasoq, taavalu isumaliornersui tammarsimassapput.’ — Tugsiaut 146:3, 4.

Kisian­nili, Adam Evalu kisimik Edenimi naalan­ngitsulior­tuugamik, soormi taava inuit tamarmik toqusaler­pat? Pis­sutigalugu inuit tamarmik Adamip naalan­ngitsulior­nerata kingor­natigut inun­ngor­put, taman­nalu pis­sutigalugu inuit tamarmik ajor­ti toqulu taas­suman­nga kingor­nup­paat. Soorlu Bibelimi nas­suiar­neqar­toq: ’Inuk­kut ataasiusuk­kut [Adamik­kut] ajor­ti silarsuarmut tikiup­poq ajor­tik­kul­lu toqu tikiul­luni, taamalu toqup inuit tamak­kerlugit tikip­pai.’ — Rûmamiut 5:12; Jûpe 14:4.

Im­maqali aperiumasoqas­saaq: ’Inuit toqusuitsumik tar­neqan­ngin­ner­pat, toqup kingor­nagut ataavar­tumik? Inup­pas­suit taman­na ajoqersuutigigaluar­paat, al­laal­lu oqarlutik toqu inuunerup aap­paanut aq­qutis­saasoq. Eq­qarsaal­li taman­na Bibelimin­ngaan­neersuun­ngilaq. Akerlianil­li, Guutip oqaasiani ajoqersuutigineqar­poq inuk nam­mineq tar­niusoq. Tar­nit tas­sa illit nammineq, timik­kut  isumak­kul­lu pigin­naas­sutsitit tamaasa ilan­ngul­lugit. (1 Môrsase 2:7; Jerimia 2:34; ús­satit 2:10) Aam­ma, Bibelimi al­las­simavoq: „Tar­neq ajor­tulior­toq toqus­saaq.“ (Hisĩkiale 18:4, New World-ip nutser­nera) Inuup toqusuitsumik, toqoreer­nerani ataavar­tumik, tar­neqar­nera Bibelimi sumiluun­niit ajoqersuutigineqan­ngilaq.

Inuit qanoq ilillutik inooqqissinnaassasut

Ajor­tip toqul­lu atuler­nerata kingor­nagut, Guutip nalunarun­naarsip­paa siuner­tarigini toqusut makititaanermik­kut inuulerseq­qik­kumaar­nis­saat. Bibelimi iman­nak nas­suiar­neqar­poq: ’Abraham . . . isumaqar­poq Guuti toqusunil­luun­niit makititsineq sapin­ngitsoq.’ (Eprîarit 11:17-19) Abrahamip isumal­luutigisaa tutsuiginaatsuun­ngilaq, Ajugaqan­ngitsoq pil­lugu Bibelimi al­las­simam­mat: ’Guutimi toqusut Guutigin­ngilaat, inuusul­li Guutigaat, taas­sumun­nga tamarmik inuum­mata.’ — Lúkarse 20:37, 38.

Aap, Guuti Ajugaqan­ngitsoq pis­saaneqaan­nar­nani aam­mat­taarli piumas­suseqar­poq inuit makitik­kumasani makitis­sal­lugit. Jesus Kristus nam­mineq oqarsimavoq: ’Taman­na tupigusuutigis­san­ngilarsi, ul­lut nal­liuk­kumaarmata, taava iliver­niit­tut tamarmik taas­suma nipaa tusarumaar­paat; anil­lutil­lu makis­sap­put.’ — Juánase 5:28, 29; apustilit suliait 24:15.

 Taaman­nak oqar­nermi kingunitsian­nguagut Jesusip ilisiar­tor­tut Israelimi il­loqarfiit ilaan­nit Nainimit anisut naapip­pai. Angut inuusut­toq toqusoq uil­lar­nerup er­nituaraa. Aliasungaar­nera malugigamiuk Jesusip nal­ligingaaler­paa. Taava, timi toqungasoq saaf­figalugu oqar­poq: ’Inuusut­toq uumaa, oqarfigaak­kit: Makigit.’ Angul­lu inuusut­toq ingip­poq, Jesusil­lu ar­naanut tun­niup­paa. — Lúkarse 7:11-17.

Soorunami uil­lar­nerup taas­suma taman­na as­sut nuan­naajal­laatigaa. Aam­mat­taaq nuan­naajal­lat­toqar­poq Jesus Jairusip, juutit naalagiar­tarfian­ni pisor­taasup, il­luanut pulaarmat. Jairusip pania 12-inik ukiulik toquvoq. Jairusil­li il­luanut iserami, Jesusip meeraq toqusoq or­nip­paa oqarlunilu: ’Niviarsiaraq-aa, makigit.’ Makip­porlu! — Lúkarse 8:40-56.

Kingor­natigut, Jesusip ikin­ngutaa Lazarus toquvoq. Lazarus ul­lut sisamat toqungareersoq il­luanut Jesus apuup­poq. Naak aliasungaaraluarluni, qatan­ngutaata Martap neriun­nini oqaatigaa, oqarami: ’Nalun­ngik­kaluar­para ul­lut naggatis­saan­ni makif­fis­sami makik­kumaar­toq.’ Jesusili ilivermukar­poq, ujarak peeq­quaa, nil­lingaarlunilu oqar­poq: ’Lazarus, aniit.’ Anivorlu! — Juánase 11:11-44.

Una eq­qarsaatigeriaruk: Lazarus ul­luni sisamani toqungaf­fim­mini qanoq pis­suseqar­pa? Lazarusip oqaatigin­ngilaa qilam­mi nuan­naangaarfim­miisimanerluni imaluun­niit an­niarfim­mi an­niar­titaasimanerluni, tamak­kuali arlaat misigisimagaluaruniuk soorunami oqaatigisimas­sagaluar­paa. Naagga, Lazarus toqungal­luni ilisimasiman­ngilaq, ’ul­lul­lu naggatis­saan­ni makif­fis­sap’ tungaanut ilisimasimas­san­ngik­kaluarluni Jesusip taamani uum­mar­tis­siman­ngik­kaluar­pani.

Ilumoor­poq Jesusip taamani tupin­nar­tuliai utaq­qiisaan­naasumik iluaqutaasut, makititam­mi toqoq­qip­put. Imaap­porli: Ukiut 1900-t matuma sior­nagut tas­suuna up­per­narsaatis­siivoq Guutip pis­saaneratigut toqungasut ilumut uum­maq­qis­sin­naasut! Tupin­nar­tulior­tar­nermigut Jesusip an­nikitsutigut takutip­paa Guutip naalagaaf­fiata ataani suut nunami piumaar­tus­saasut.

 Asasap toqunerani

Qin­ngarsuisumit toqumit nalaan­neqar­nermi, naak makin­nis­samik neriugisaqaraluarluni, aliasungaar­toqarsin­naavoq. Abrahamip up­peraa nuliani inooq­qik­kumaar­toq, taamaak­kaluar­torli ’Abrahamip Sara aliatsaatigiar­tor­paa qial­lugulu’. (1 Môrsase 23:2) Jesusimi? Lazarus toqum­mat ’anersaamigut ajual­lap­poq aliatsal­lunilu’, kingunitsian­nguagul­lu ’qul­lililer­poq’. (Juánase 11:33, 35) Taava, asasar­pit toqunerani qias­sagaluaruit san­ngiin­nerun­ngilaq.

Meeq­qap toqunerani, ingam­mik ar­naata erloqis­sutigisar­paa. Anaanaasup aliatsangaarsin­naanera Bibelimi miserratigineqan­ngilaq. (2 kúngit 4:27) Soorunami aam­ma ataataq toquk­kut an­naasaqar­toq erloqisar­poq. ’Uangaana toquguma sin­nerlutit,’ kun­ngi David aliasungaarluni oqar­poq er­nera Absalom toqum­mat. — 2 Sâmuale 18:33.

Makin­nis­samil­li neriugisaqaravit sualup­pal­laar­tumik aliasus­san­ngilatit. Soorlu Bibelimi al­las­simasoq, ’ik­kutut neriugisaqan­ngitsutut’ aliasus­san­ngilatit. (1 Tásalûníkamiut 4:13) Kisian­nili, qinunik­kut Guutimut pal­ligun­nias­saatit, aam­ma, soorlu Bibelimi neriorsor­neqar­tugut, ’taas­suma pis­sik­kumaar­paatit’. — Tugsiaut 55:23.

Al­lat taaneqan­ngik­kaangata Bibelimit is­suak­kat tamarmik kalaal­lisuun­ngor­titaq ator­tus­saatitaasoq tun­ngavigalugu is­suagaasar­put.