Aap, nunarsuaq tamak­kerlugu arnat Jehovamik Nalunaajaasut mil­lionilip­pas­suit ilin­niar­titseqataasar­put. Taakku Guutip kun­ngeqarfia pil­lugu nutaarsias­sanik nuan­nersunik oqaluus­sisar­tuup­put amerlangaar­tut. Tus­siaat 68:12-imi oqaluus­sisar­tut taakku ima siulit­tuutigineqar­put: “Naalak­kap oqaaseq tutsiutitip­paa, arnallu amerlaqaat tipaatsun­nar­tumik nalunaariar­tor­tut.”

Arnalli Jehovamik Nalunaajaasut kif­far­tor­nerat upperisarsioqatigiinni allani arnat palasit kif­far­tor­neran­nit allaaneruvoq. Sutigut allaanerunersoq sam­meriar­tigu.

Tusar­naar­taat allaanerup­put. Arnat palasit, pingaar­tumik kristumiuunerar­tut, ilagiimminni siulersuisar­put ilagiin­niit­tunillu tusar­naar­teqar­nerusarlutik. Arnat Jehovamik Nalunaajaasut ilagiim­min­nut ilaanngitsunut, tassa Nalunaajaasuun­ngitsunut illumiit illumut allatigul­luun­niit oqaluus­sinerminni naapitamin­nut, oqaluus­sisar­put.

Arnat Jehovamik Nalunaajaasut ilagiinni suliaqar­tar­nerat upperisarsioqatigiin­nit allanit allaaneruvoq. Kristumiuunerar­tuni upperisarsioqatigiin­nilu allani palasit arnat ilagiin­niit­tunik siulersuisarlutillu upperisar­tik pil­lugu ilin­niar­titsisar­put. Arnalli Jehovamik Nalunaajaasut angum­mik imermut morsutsitaasimasumik najuut­toqar­til­lugu ilagiinni ilin­niar­titsineq ajor­put. Angutit toq­qak­kat kisimik ilin­niar­titsisar­put. – Timuutiusimut 1. 3:2; Jaaku 3:1.

Biibili naaper­torlugu angutit kisimik ilagiin­nik nak­kutil­liisuusin­naap­put. Apustilip Paulusip nak­kutil­liisoqatini Tit­tusi allaf­figigamiuk ilitsersuutaa maluginiaruk: “Kretami qimap­pak­kit … illoqarfinni utoq­qaaner­tan­ngor­titsinias­sagavit: Utoq­qaaner­taq isor­naatsumik inuus­sal­lunilu arnamut ataatsimut uius­saaq.” (Tit­tusi 1:5, 6) Paulusip Timuutiusi allaf­figigamiuk assingusumik ilitsersor­paa: “Angut nak­kutil­liisun­ngorusut­toq ajun­ngitsumik anguniagaqar­poq. Taamaat­tumik nak­kutil­liisoq isor­naatsumik inuus­saaq, arnamut ataatsimut uius­saaq … ilin­niar­titsinis­samullu piuk­kun­nar­tuus­sal­luni.” – Timuutiusimut 1. 3:1, 2.

Sooq angutit kisimik ilagiinni nak­kutil­liisuusin­naap­pat? Paulusi allap­poq: “Akuerin­ngilara arnap ilin­niar­titsinis­saa angum­mullu oqar­tus­saas­suseqar­nis­saa. Nipangersimaan­nas­saaq. Adamimi Evamit siul­liul­luni ilusilersor­neqar­poq.” (Timuutiusimut 1. 2:12, 13) Tassa Guutip angut siul­liul­lugu pin­ngor­tik­kamiuk ersersip­paa kina ilin­niar­titsil­lunilu nak­kutil­liisuus­sasoq.

Jehovamut kif­far­tor­tut siulersuisor­tik, Jiisusi Kristusi, ilaar­paat. Ilin­niar­titaq Luk­karsi Jiisusip kif­far­tor­nera pil­lugu allap­poq: “Guutip kun­ngeqarfianik nutaarsias­sat nuan­nersut pil­lugit oqaluus­siniarluni illoqarfim­miit illoqarfim­mut nunaqarfim­miillu nunaqarfim­mut angalaar­tar­poq.” Kingusin­nerusuk­kut Jiisusip malin­nitsini assingusumik sulias­sip­pai: “Taava aal­lar­put nunap immik­koor­tua tamak­kerlugu nunaqarfim­miit nunaqarfim­mut angalal­lutik, sumilu tamani nutaarsias­sat nuan­nersut pil­lugit [oqaluus­sip­put].” – Luk­karsi 8:1; 9:2-6.

Nalitsinni Jehovamut kif­far­tor­tut – angutit arnallu – Jiisusip siulit­tuineratut ilior­put: “[Kun­ngeqarfik] pil­lugu nutaarsias­sat nuan­nersut inuiaqatigiin­nit tamanit tusar­neqar­nias­sam­mata nunarsuaq tamak­kerlugu oqaluus­sis­sutigineqas­sap­put. Taavalu naggatis­saq nal­liutis­saaq.” – Matiusi 24:14.