Biibili inuit inuunerannik allannguisitsisarpoq

AR­NAP inuusut­tup atugarliorluni meeraasimasup inuunerup siuner­taa qanoq paasivaa? Aamma politik­kik­kut pikitsitsiumatooq qanoq ilil­luni kristumiun­ngorpa eqqis­sisimasoq? Akis­sutaat oqalut­tuani takuk­kit.

“Qanilaarneq asanninnerlu ujartuarpakka.” – INNA LESJNINA

UKIOQ INUUIA: 1981

INUN­NGORFIA: RUSLANDI

OQALUT­TUAS­SAR­TAA: ATUGARLIORLUNI MEERAASIMASOQ

INUUNINNI PEREERSUT: Inun­ngor­punga tusilar­tuul­lunga aamma angajoq­qaakka tusilar­tuup­put. Arfinilin­nik ukioqaler­nis­sama tungaanut ajun­ngilanga, taavali angajoq­qaakka avip­put. Meeraagaluarlunga avin­neq sunaanersoq paasivara, atugarlioqaangalu. Ataataga anigalu Tróitskimiigin­nar­put, anaanagalu uagut Tjeljábinskimut nuup­pugut. Taava anaanaga kateq­qip­poq. Ataatas­sara imerajut­tuuvoq uan­nut anaanan­nullu persut­taasarluni.

1993-imi aniga asangaagara ipivoq. Ajunaar­nera ilaqut­tatsin­nut tupan­naqaaq. Anaanaga imer­taler­poq ataatas­sat­tullu ajor­tumik pisarlunga. Inuunermik pitsaanerusumik ujarler­tualer­punga. Qanilaar­neq asan­nin­nerlu ujar­tuar­pakka. Tup­pal­lersar­neqarumal­lunga oqaluf­fiit assigiin­ngitsut alak­kar­tar­pakka kisianni kinguneqarluan­ngitsumik.

BIIBILI QANOQ ALLANNGUSSUTIGIGIGA: 13-inik ukioqarlunga atuaqatima Jehovamik Nalunaajaasuusup Biibilimeersunik oqalut­tuup­paanga. Nuan­naraakka Biibilimi eqqar­tor­neqar­tut, soorlu Nooa Juubilu Guutimik kif­far­torfigin­nit­tut atugarlioraluarlutik. Sivitsun­ngitsoq Biibilimik Jehovap Nalunaajaasuinik misis­sueqateqar­taler­punga ataatsimiigiaqatigisalerlugillu.

Biibilimik misis­suisarama nuan­nersor­pas­suit paasivakka. Kil­litsis­sutigaara paasil­lugu Guuti ateqar­toq. (Tus­siaat 83:19) Paasivara ‘ullut kingul­liit’ pil­lugit siulit­tuutit Biibilimeersut eqquut­tut. (Timuutiusimut 2. 3:1-5) Nuan­naangaar­pungalu makititaanis­saq pil­lugu tusarama, ingam­mik paasigakku aniga takoq­qis­sal­lugu! – Johan­nesi 5:28, 29.

Inuilli ilaasa nuan­naaqatigin­ngilaan­nga. Anaanaga ataatas­saralu Jehovap Nalunaajaasuinut akeq­qersimaar­tuup­put. Tatiniarsaraan­ngalu Biibilimik misis­sueqateqar­tarun­naaq­qul­lunga. Kisianni ilik­kak­kakka nuan­nareqaakka, unitsin­neqarusun­ngilangalu.

Ilaqut­tama akeq­qersimaar­nerat artor­nar­poq. Aamma tupaq­qip­punga aqqaluara ataatsimiigiaqatigisar­tagara aamma ipil­luni ajunaarmat. Kisianni Nalunaajaasut ikior­tuaan­nar­paan­nga. Taak­kunani qanilaar­neq asan­nin­nerlu ujar­tuk­kakka nas­saarivakka. Nalun­ngilara upperisaat ilumoor­tuusoq. 1996-imi Jehovap Nalunaajaasuatut imermut morsutsin­neqar­punga.

QANOQ ILUAQUTIGIGIGA: Ukiut arfinil­lit matuma siorna angut pitsaasoq Dmítrijimik atilik aap­par­taaraara. Marluul­luta Jehovap Nalunaajaasuisa immik­koor­tor­taqarfianni Sankt Petersborgimi kif­far­tor­pugut. Angajoq­qaakka upperisan­nut tun­ngatil­lugu akeq­qersimaarun­naar­nerup­put.

Qujamasungaar­punga Jehova ilisarisimagakku! Taas­sumin­nga kif­far­torfigin­nin­neq inuuninni ilumut iluamik siuner­taqalersitsivoq.

“Isumakuluuterpassuaqarpunga.” – RAUDEL RODRÍGUEZ RODRÍGUEZ

UKIOQ INUUIA: 1959

INUN­NGORFIA: CUBA

OQALUT­TUAS­SAR­TAA: POLIKIKKUT PIKITSITSISUUSIMASOQ

INUUNINNI PEREERSUT: Havanami Cubami inun­ngor­punga piitsoqarfimmi, tas­sanilu aqqusinermi paasoqar­tuaan­nar­poq. Peroriar­tor­ninni judo timersuutillu allat paan­nin­ner­tal­lit soqutigineruleriar­tor­pakka.

Atuarfimmi pik­korip­punga, angajoq­qaamalu universitetiliaq­quaan­nga. Ilin­niar­ninni paasiar­tuler­para politik­kik­kut aaq­qis­suus­sineq nunanni allan­ngor­tariaqar­toq. Aalajanger­pungalu pikitsitsiniarlunga. Ilin­niaqatigalu politeeq allaasianik arsaar­niarlugu saas­sup­par­put. Saas­sun­nerani politeeq taanna avaar­poq. Kam­malaatigalu uagut par­naarus­saatin­neqar­pugut toqumullu eqqar­tuun­neqarluta. 20-in­nar­nik ukioqar­punga toqun­neqar­tus­san­ngorlungalu!

Par­naarus­sivimmi kisimiin­ninni eqqarsaatigisar­para toqun­neqaleruma qanoq pisus­seqas­sanerlunga. Qunorusun­ngilanga. Aam­mali isumakuluuter­pas­suaqar­punga, soorlu: ‘Sooruna taama naaper­tuil­luan­ngitsoqar­tigisoq? Inuuneq taan­naan­naava?’

Kingusin­nerusuk­kut toqumik eqqar­tuun­neqar­ner­put ukiuni 30-ni par­naarus­saaq­qanis­satsin­nut allan­ngor­tin­neqar­poq. Tamatuma nalaani Jehovap Nalunaajaasui upper­ner­tik pil­lugu par­naarus­saaq­qasut naapip­pakka. Taakku sapiitsuup­put kisianni eqqis­sisimasuul­lutik. Naaper­tuil­luan­ngitsumik par­naarun­neqarsimap­put, kisianni kaman­ngil­lat.

Nalunaajaasut ilin­niar­tip­paan­nga Guuti inun­nut siuner­taqar­toq. Biibilimi takutip­paat Guutip nunarsuaq paratiisin­ngor­tik­kumaaraa pinerluf­fiun­ngitsoq. Ilin­niar­para nunarsuaq inun­nik ajun­ngitsunik ulik­kaarumaar­toq, taak­kulu naas­saan­ngitsumik inuujumaar­tut pis­sutsini ajun­ngil­luin­nar­tuni. – Tus­siaat 37:29.

Jehovap Nalunaajaasuinit par­naarus­saaqatin­nit ilik­kak­kakka nuan­naraakka. Kisianni inut­tut pis­susera taak­kunan­nga allaaneroqaaq. Eqqarsaatigaara politik­kik­kut isum­min­ngin­nis­saq akiniaan­ngin­nis­sarlu uan­nut ajor­nar­torujus­suusut. Taava aalajanger­punga Biibili nam­mineq atuar­niarlugu. Taamaaliorama paasivara Jehovap Nalunaajaasui kisiar­taal­lutik kristumiuusut ilumoor­tut.

Biibilimik atuar­tar­nin­nit paasivara inuunin­nik allan­nguerujus­suar­tariaqarlunga, assersuutigalugu oqaloriaasera. Sulimi oqaasipilut­taqaanga. Aamma pujor­tarun­naar­tariaqar­punga. Aamma politik­kimut tun­ngatil­lugu isum­mer­tarun­naar­tariaqar­punga. Tamak­kunin­nga allan­nguineq ajor­naatsuin­naan­ngilaq, kisianni Jehovap ikiuineratigut allan­ngoriar­tuaar­punga.

Ilungersunar­tut ilaat tas­saavoq kamat­tar­nin­nik aqutsiniar­neq. Suli qinusar­punga imminut aqus­sin­naajumal­lunga. Ussatit 16:32 iluaqutigisaqaara, tas­sani allaq­qavoq: “Kamajaatsuuneq pitsaaneruvoq pis­sarsuul­luni sorsut­tar­tuunermit; pinaveersaar­neq pitsaaneruvoq illoqarfim­mik tiguaanermit.”

1991-imi Jehovap Nalunaajaasuatut imermut morsutsin­neqar­punga. Par­naarus­sivimmi imermik nap­par­tami morsutsin­neqar­punga. Aap­paaguani par­naarus­saaq­qasut ilaat iperagaaqatigaakka, Spanialiar­tin­neqar­pugullu tas­sani ilaqutaqaratta. Spaniamut tikiin­narlunga Jehovap Nalunaajaasui ataatsimiigiaqatigisaler­pakka. Nalunaajaasut tikil­luaq­quaan­nga ikiorlungalu nutaamik inooriaaseqaler­nis­san­nut.

QANOQ ILUAQUTIGIGIGA: Maanna pil­luarlunga Guuti kif­far­torfigaara nuliara panik­kalu ilagalugit. Nuan­naarutigaara inuit allat Biibilimik ilin­niar­tit­tar­neri. Ilaan­nik­kut eqqarsaatigisar­para taamani toqumut eqqar­tuun­neqarsimanera, qujamasuutigisarlugulu maanna inuunera. Inuuin­nar­nanga kisianni aamma neriuuteqar­punga. Qilanaareqaara paratiisi neriorsuutigineqar­toq. Taamanik­kus­samut naaper­tuil­luar­neqalerumaar­poq ‘toqulu peeruk­kumaarluni’. – Saq­qum­mersitat 21:3, 4.

[Issuakkaq]

“Kil­litsis­sutigaara paasillugu Guuti ateqartoq”

[Assiliartaq]

Uigalu tusilartunut oqaluussisarneq nuannaarutigaarput