Naalagaaffimmik Nutaarsiassat nr. 34

Sooq inuuneq taama ajornartor­siuteqartigaa?

Paratiisi ajor­nar­torsiuteqarfiun­ngitsoq pilersin­naava?

 AJORNARTORSIUTIT AMERLIARTUIN­NARLUTILLU ALLIARTUIN­NARPUT — SOOQ?

Inuit ajor­nar­torsiuteqar­tuaan­narsimap­put. Isumaqar­toqarsimagaluar­poq teknik­kik­kut siuariar­tor­nik­kul­lu aaq­qin­neqarsin­naas­sasut, kisian­ni ajor­nar­torsiutit an­ner­tusigalut­tuin­narsimap­put.

Piner­lun­niar­tar­neq: Amerlan­ngitsuin­naat misigisar­put er­numanatik aq­qusinik­kut pisus­sin­naal­lutik angerlarsimasin­naal­lutil­luun­nit. Europami nunami ataatsimi inuit pingasuup­pata ataaseq ukiumut ataasiarluni pinerlun­niarfigineqar­tar­poq.

Mingutitsineq: Silaan­naq, nuna imarlu mingutsin­neqaralut­tuin­nar­put. Nunani siuarsar­niak­kani inuit sisamaagaangata ataaseq imermik minguitsumik pisin­naasan­ngilaq.

Piitsuuneq: Aatsaat taama piitsoqar­tigalunilu kaat­toqar­tigaaq. Nunat ilaan­ni inuit 90 procentii sin­nerlugit piitsuul­lutik inuup­put. Nunarsuarmi sulisin­naasut 30 procentii, tas­sa 800 millionit mis­saat, sulif­fis­saqan­ngil­lat imaluun­nit naam­man­ngitsumik sulif­feqarlutik — sulilu amerliar­torlutik.

Kaan­neq: Naak uagut naam­mat­tunik nerisas­saqaraluar­tugut amerliar­tuin­nar­tunut taamaan­ngilaq. Nunani siuarsar­niak­kani ukiut tamaasa min­ner­paamik inuit 13 millionit, ingam­mik meeq­qat, kaan­nermik toq­quteqar­tar­put.

Sorsun­neq: Inuit hundrede tusindilik­kuutaat ukiuni kingul­liunerusuni naggueqatigiit im­min­nut sorsuun­nerini toqutaasimap­put. 1900-kkun­nilu sorsuun­ner­ni inuit hundrede mil­lionit qaangerlugit toqutaasimap­put.

Ajor­nar­tor­siutit allat: Ajor­nar­torsiutit taaneqareersut saniatigut taaneqarsin­naap­put ilaqutariit­tut inuunerup aseroriar­tor­nera, anaanat kisimiit­tut, angerlarsimaf­fis­saaleqineq, ikiaroor­nar­tunik ator­nerluineq kan­ngunar­tulior­nerlu ingasak­kalut­tuin­nar­toq. USA-mi ilin­niar­titaanermut ministeriusimasoq ilumoor­tumik oqarsimavoq: „Atugar­tuus­sutsip ajor­tun­ngorluin­narsimaneranut . . . takus­sutis­sat amerlaval­laar­put.“ Ukiuni 30-ni kingul­ler­ni USA-mi inuit 41 procentimik amerleriarsimap­put, pinerlun­niar­tar­nerli an­ner­tusipal­las­simavoq 560 procentimik, aap­pariin­nerup avataani meerar­taar­nerit 400 procentimik, avit­tar­nerit 300 procentimik inuusut­tuaq­qal­lu im­minor­tar­neri 200 procentit qaangerlugit. Pis­sutsil­lu as­singusut nunani al­lani atuup­put.

Sooq ajornartorsiutit alliartuinnarpat?

Pin­ngor­titsisit­ta akis­sutis­saqar­tip­paatigut. Taas­suma oqaasiini ukiut ajor­nar­torsiorfioqisut atuk­kavut ’ul­lus­sanik kingul­ler­nik ajor­nar­tunik’ taaneqar­put. (2 Timûtiuse 3:1) ’Ul­lus­sat kingul­liit’? Aap, Biibilimi ’silarsuup naggatis­saa’ eq­qar­tor­neqar­poq, ul­lumik­kut silarsuup aaq­qis­suus­saasup atorun­naarfis­saa. — Matîuse 24:3

Ul­lumik­kut ajor­nar­torsiutit an­ner­tusigalut­tuin­nar­nerata up­per­narsar­paa naggatis­sap tamatuma peer­neqar­nis­saa qanil­lisoq, taamatul­lu ajus­sutsip pis­saanil­lil­lu tamatumun­nga tunuliaqutaasut peer­neqar­nis­saat qanil­lisoq. (Matîuse 24:3-14; 2 Timûtiuse 3:1-5; sarĸúmersitat 12:7-12) Guuti er­niin­naq akuliutis­saaq ul­lumik­kul­lu ajor­nar­torsiutaasut tamaasa aaq­qil­luin­nas­sal­lugit. — Jeremia 25:31-33; sarĸúmersitat 19:11-21.

 OQALUFFEQARFIIT ILUATSITSIN­NGITSOOR­SIMAPPUT

Up­perisarsior­nik­kut aaq­qis­suus­sat ul­lumik­kut ajor­nar­torsiutinik mil­lisitsisiman­ngil­lat, akerlianil­li pis­sutsinik ajor­nerulersitsiin­narsimap­put. Sorsun­ner­ni takusar­pavut katuul­lit katuuleqatitik toqoraraat, naaggaar­tut naaggaar­toqatitik toqoraraat — mil­lionilik­kuutaat. Rwanda-mi, amerlanerit katuuliuf­figisaan­ni, in­nut­taasut im­min­nut sorsuun­neran­ni inuit im­min­nut toqoraam­mata hundredetusindilik­kuutaat toqutaap­put! (Takuuk as­siliaq saamiup tungaaniit­toq.)

Jesus aal­laasersorumas­sagaluar­nerluni ajoqersuk­kamilu ilaat toqul­lugit inuian­nut al­lanut ilaanerat pis­sutigiin­narlugu? Soorunami naamik! Biibilimi erseq­qis­sumik al­las­simavoq ’Guutimik asan­nit­tup qatan­ngutinis­saaq asas­sagaa’. (1 Juánase 4:20, 21) Silarsuup matuma up­perisarsioqatigiivi tamatumani iluatsitsisiman­ngil­lat. ’Guuti ilisaralugu oqar­tar­put, suliamik­kul­li miserratigisar­paat.’ — Títuse 1:16.

Aam­malu Biibilimi ileq­qus­satigut najoq­qutas­sanik pitsaasunik oqaluf­feqarfiit il­lersuisiman­ngil­lat, taamaalil­lunilu nunarsuaq tamak­kerlugu ileq­qus­satigut nak­kaas­simanermut ilasaaqataasimal­lutik.

Up­perisarsior­neq ilumoor­toq ilumuun­ngitsorlu pil­lugit Jesus ima oqarsimavoq: ’Inerititaan­nik ilisaris­savasi’ — tas­sa ilaasor­tarisaasa iliuusiisigut kinaas­susersisin­naas­savavut. Aam­ma oqar­poq: ’Or­piit ajun­ngitsunik inerititaqan­ngitsut tamaasa kipis­savaat in­nermul­lu igil­lugit.’ (Matîuse 7:15-20) Biibili naaper­torlugu up­perisarsior­ner­nit qimaasariaqar­pugut, ajor­tunik inerititaqar­ner­tik pis­sutigalugu piiagaasus­saam­mata. — sarĸúmersitat 18:4.

Upperisaq ilumoortoq sapersis­simanngilaq

Ilagiit kristumiut ilumoor­tut ’ajun­ngitsunik inerititaqar­put’, ingam­mik asan­nin­nik­kut. (Matîuse 7:17; Juánase 13:34, 35) Kristumioqar­pa silarsuarmi inuian­nit tamaneersunik taamatut ataasioqatigiil­lutik asan­nin­nik­kut suliaqar­tunik? Up­perisarsior­tut kik­kut up­peqatimin­nut, aap, al­laat kimul­luun­niit, sorsuk­kuman­ngil­luin­nar­pat? — 1 Juánase 3:10-12.

Jehovap nalunaajaasui taamatut asaqatigiis­sutut tusaamasaap­put. Nunarsuaq tamak­kerlugu, nunani 230-nit amerlanerusuni, ’saf­fior­paat panatik as­sal­latserum­mut savis­saliaralugit’. (Jesaja 2:4) Aam­ma nunarsuaq tamak­kerlugu Guutip naalagaaf­fianik ’nutaarsias­samik nuan­nersumik’ oqaluus­sis­sutigin­nit­tar­tutut ilisimaneqar­put. Taamaalior­put tul­limin­nut asan­nin­ner­tik pis­sutigalugu, Jesusil­lu peq­qus­sutaa naalal­lugu. (Matîuse 24:14) Aam­ma Biibilimi ileq­qus­satigut najoq­qutas­sat qutsis­sut pingaar­tin­neqar­nis­saat ilungersuutigiuar­paat, nam­min­nerlu malin­niarlugit. — 1 Korintumiut 6:9-11.

Aap, up­perisaq ilumoor­toq sapersis­siman­ngilaq. Nas­saas­saavoq, kik­kul­luun­niil­lu tamaasa kajumis­saar­pai ajor­nar­torsiutitsin­nik aaq­qiisin­naasutuamut ililiuteq­qul­lugit. Taas­suma qanit­tuk­kut silarsuaq al­lan­ngor­til­luin­nas­savaa. Taan­na kinaava? Qup­per­nerup tunuaniit­toq atualaarias­sagit.

 PARATIISI AJORNARTOR­SIORFIUN­NGITSOQ PILERSIN­NEQASSAAQ

Il­lit pisin­naagaluaruit inuiaat ajor­nar­torsiutaat tamaasa aaq­qik­kumas­sagaluar­pigit? Soorunami! Taava naatsorsuutigisin­naas­san­ngin­ner­par­put Pin­ngor­titsiser­put — aaq­qiinis­samut pis­saaneqar­tutuaq ilisimas­suteqar­tutuarlu — taamaaliorumas­sasoq?

Biibilimi ersersin­neqar­poq, Guuti pis­sutsinut inuiaat atugaan­nut akuliutis­sasoq qilam­mi naalagaaf­fini Jesus Kristusimik qul­lersaqar­toq ikior­tigalugu. Nunami naalak­kersuisut ajor­tun­ngorsimasut atorun­naarsis­savai. (Daniel 2:44; Matîuse 6:9, 10) Suna siuner­taralugu? Guuti eq­qarsaatigalugu, tus­siaasior­toq ima akivoq: „Paasitserlugu il­lit kisivit aq­qit tas­saasoq [Jehova] qutsin­nerus­saar­tutit nunarsuarmi tamarmi.“ — Tus­siaat 83:19.

Silarsuaq taamatut naggaser­neqar­pat aniguisoqas­sanerluni? Biibili akis­sutis­saqar­poq: ’Silarsuaq pilerinar­tuilu nungujar­tor­put, Guutil­li peq­qusaanik naam­mas­sin­nit­toq naas­saan­ngitsumik atas­savoq.’ (1 Juánase 2:17) Aniguisus­sat taak­kua sumi naas­saan­ngitsumik inuus­sap­pat? Biibilimi taman­na aam­ma akineqar­poq: „Iluar­tut nuna kingor­nutis­savaat najugaqas­sal­lutil­lu tas­sani naas­saan­ngitsus­samut.“ — Tus­siaat 37:9-11, 29; Us­satit 2:21, 22.

Guutip silarsuas­saani ’toqu peqarun­naas­saaq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq’. (sarĸúmersitat 21:4) Pinerlun­niar­toqar­tarun­naas­saaq, piitsuus­suseq, kaan­neq, nap­paatit, aliasun­neq imaluun­nit toqu atorun­naas­sap­put! Kiisalu toqoreersimasut uum­maq­qis­sap­put, al­las­simam­mat ’toqusut makik­kumaar­tut’. (apustilit suliait 24:15) Al­laat nunarsuaq paratiisin­ngor­tin­neqas­saaq. — Jesaja 35:1, 2; Lúkarse 23:43.

Qanoq ilior­tariaqar­pugut Guutip nunas­saani nutaami inuujumagut­ta? Jesus oqarsimavoq: ’Tas­saavorli inuuneq naas­saan­ngitsoq: il­lit ilisaralutit kisivit ilumut Guutiusutit, aal­lar­tital­lu Jesus Kristus ilisaralugu.’ (Juánase 17:3) Nunarsuaq tamak­kerlugu inuit peq­qusersuitsut mil­lionilik­kuutaat taamator­piaq ilior­put. Taman­na iluaqutigalugu ul­lumik­kut inut­tut ajor­nar­torsiutitik aaq­qis­sin­naalersimavaat, sulilu pingaar­nerusumik, tatigil­luin­nalersimavaat ajor­nar­torsiutit ul­lumik­kut aaq­qis­sin­naan­ngisatik Guutip silarsuas­saani nutaami tamak­kiisumik aaq­qin­neqarumaar­tut.

[Qupp. 2-mi suminngaanneernera]

Asseq: WHO, P. Almasy

[Qupp. 3-mi suminngaanneernera]

Jerden Bouman/Sipa Pres­s