Naalagaaffimmik Nutaarsiassat nr.37

Silarsuarmut tamarmut tusarliussaq

Upperisarsiorneq eqqunngitsoq qanittukkut peerutissaaq!

▪ Up­perisarsior­neq eq­qun­ngitsoq suugami?

▪ Qanoq pineqas­sava?

▪ Taman­na ilin­nut qanoq isumaqas­sava?

 Upperisarsiorneq eqqunngitsoq suugami?

Il­lit up­perisarsior­nerup aq­qani pinerlut­tulior­nerit eq­qis­sisimajun­naarutigaagit? Guutimut kif­far­tor­tuunerar­tut sorsut­toqar­neranut, peq­qar­niisaar­toqar­neranut peq­quserlut­toqar­neranul­lu pisuugaangata naaper­tuil­luar­nermut misigis­sutsitit ajoquser­neqar­tar­pat? Sooruna up­perisarsior­neq ajor­nar­torsiutinut taama amerlatigisunut pis­sutaasoq?

Imaan­ngilaq up­perisarsior­nerit tamarmik ajor­nar­torsiutinut tamak­kunun­nga akisus­saasut, up­perisarsior­neq eq­qun­ngitsoq kisimi akisus­saavoq. Jiisusi Kristusip, inuup Guutimik mianerin­nit­tup inup­pas­suar­nit ataq­qineqar­tup, uparuar­paa up­perisarsior­neq eq­qun­ngitsoq ajor­tumik kinguneqar­tar­toq soorlu ’or­pik ajor­toq ajor­tunik inerititaqar­tar­toq’. (Mat­thæusi 7:15-17) Up­perisarsior­neq eq­qun­ngitsoq sunik inerititaqar­pa?

Upperisarsiorneq eqqunngitsoq . . .

▪ SORSUNNERMUT POLITIKKIMULLU AKULIUTTARPOQ: Atuagas­siami Asiaweek-imi ima al­las­simasoqar­poq: „Asiami sumiif­fin­nilu al­lani up­perisarsior­nik­kut siut­tut pis­saaneqarumatuut nam­min­neq soqutigisatik siuarsar­niarlugit misigit­taal­lutik al­lat uukapaatin­niar­tar­paat.“ Taamaat­tumik atuagas­siami ima mianersoq­qus­suteqar­poq: „Silarsuarmi tamarmi uiver­nersuaqaratarsin­naavoq.“ USA-mi up­perisarsior­nik­kut siut­toq nuimasoq ima nalunaarsimavoq: „Toqutsinis­sat pin­ngitsoor­tin­niarlugit peq­qar­niisaar­niar­tut toqut­tariaqar­pavut. . . . Taak­ku tamaasa Naalak­kap aq­qani suujun­naarsis­sigik!“ Tamatuma akerlianik Biibilimi ima al­las­simasoqar­poq: „Ima oqar­toq: ’Guuti asavara,’ qatan­ngun­nili uumigalugu, taan­na sal­lutuujuvoq.“ (1 Johan­nesi 4:20) Jiisusi al­laat ima oqar­poq: „Akeqqasi asasigit.“ (Mat­thæusi 5:44) Up­perisarsior­ner­nik sorsun­nermi peqataasar­tunik ilaasor­talin­nik ilisimasaqar­pit?

▪ EQQUNNGITSUNIK AJOQERSUUTEQARPOQ: Up­perisarsior­nerit amerlanersaasa ajoqersuutigaat inuk takus­saan­ngitsumik tar­neqar­toq imaluun­niit anersaaqar­toq timip toqunerata kingor­na uumaan­nar­tar­tumik. Taman­na ajoqersuutigalugu up­perisarsior­nerit taak­kua ilar­pas­suisa ilaasor­tatik iluanaar­niapiluf­figisar­paat toqusimasut tar­ninginik qin­nus­sinis­samin­nut akiler­neqaq­qul­lutik. Biibilimili ajoqersuutigineqar­toq al­laavoq. Tas­sani ima al­las­simasoqar­poq: „Uumas­suseqar­tut nalun­ngilaat toqusus­saagamik, toqungasul­li sun­nguamil­luun­niit ilisimasaqan­ngil­lat!“ (Oqaluus­sisar­tup oqaasii 9:5) Jiisusi oqar­poq toqusut makitin­neqas­sasut — inul­li toqujuitsumik tar­neqarsimasuugaluar­pat makititaanis­saq pisariaqas­san­ngik­kaluar­poq. (Johan­nesi 11:11-25) Il­lit up­perisat tar­nip toqujuitsuuneranik ajoqersuuteqar­pa?

▪ ATOQATIGIINNERMIK QANORLUUNNIIT ITTUMIK AKUERINNIPPOQ: Nunar­pas­suar­ni kristumiuuneraqatigiit ilagiivisa ilaasa anguteqatimin­noor­tar­tut ar­naqatimin­noor­tar­tul­lu palasin­ngor­tin­neqar­nis­saat akueraat naalak­kersuisul­lu kajumis­saarlugit angutaan­naat ar­naan­naal­lu katin­nis­saat akuereq­qul­lugu. Aam­ma al­laat kristumiuunerar­tut ilagiivi kinguaas­siuutitigut inuunerlun­nermik as­suarin­nik­kaluar­tut up­perisarsior­nik­kut siut­tunik meeq­qanik kinguaas­siuutitigut ator­nerluisimasunik akuerin­nis­simap­put. Biibilimi suna ajoqersuutigineqar­pa? Tas­sani toq­qaan­nar­tumik ima al­las­simavoq: „Tam­maqinasi! Kinguaas­siuutitigut inuunerlut­tut guutipilus­sior­tul­luun­niit, al­lasior­tut anguteqatimin­noor­tar­tul­luun­niit . . . Guutip naalagaaf­fia kingor­nus­sar­siaris­san­ngilaat.“ (1 Korinthimiut 6:9, 10) Up­perisarsior­ner­nik atoqatigiin­nermik qanorluun­niit it­tumik akuerin­nit­tunik ilisimasaqar­pit?

 Up­perisarsior­nerit ajor­tunik inerititaqar­tut qanoq siunis­saqar­pat? Jiisusi mianersoq­qusil­luni ima oqar­poq: „Or­pik sunaluun­niit ajun­ngitsunik inerititaqan­ngitsoq kipineqar­tar­poq in­nermul­lu igin­neqarluni.“ (Mat­thæusi 7:19) Aap, up­perisarsior­neq eq­qun­ngitsoq ’kipineqas­saaq’ suujun­naarsin­neqas­sal­lunilu. Taman­nali qanoq qaqugulu pis­sava? Akis­sut atuarsin­naavar­put takorruuk­kap siulit­tuutaasup Biibilimi Saq­qum­mersitat-ni kapitali 17-imi 18-imilu al­laatigineqar­nerani.

Upperisarsiorneq eqqunngitsoq qanoq pineqassava?

Takorruugaq Biibilimi al­laatigineqar­toq una takorlooriaruk: Ar­naq ator­tit­tar­toq nersum­mi ersinar­tumi is­siavoq. Nersut arfineq-marlun­nik niaqoqar­poq qulinil­lu nas­soqarluni. (Saq­qum­mersitat 17:1-4) Ar­naq ator­tit­tar­toq taan­na sumut as­sersuutaava? „Nunarsuarmi kun­nginut“ sun­ner­niak­kaminut tun­ngatil­lugu eq­qar­tor­neqar­poq. Pur­purimik atisaqar­poq, tipigis­saatinik atuisarlunilu pisuujusorujus­suuvoq. Aam­ma anersaarsior­neragut ’inuiaqatigiit tamarmik tam­mar­tin­neqar­put’. (Saq­qum­mersitat 17:18; 18:12, 13, 23) Biibili iluaqutigalugu paasisin­naavar­put ar­naq ator­tit­tar­toq taan­na tas­saasoq nunarsuaq tamak­kerlugu up­perisarsior­nik­kut aaq­qis­suus­saaneq. Ar­naq ator­tit­tar­toq up­perisarsior­nermut ataasiin­narmut pin­nani up­perisarsior­ner­nut ajor­tunik inerititaqar­tunut tamanut as­sersuutaavoq.

Nersut ar­nap ator­tit­tar­tup is­siavigisaa silarsuarmi politik­kik­kut pis­saanilin­nut as­sersuutaavoq. * (Saq­qum­mersitat 17:10-13) Up­perisarsior­nerup eq­qun­ngitsup nersut politik­kimut tun­ngasuusoq is­siavigaa, taas­suma aalajangiineri sun­niuteqarfiginiarlugit iliuusiilu aqun­niarlugit.

Qanit­tuk­kul­li tupaal­lan­nangaar­tumik pisoqarumaar­poq. „Nas­suit qulit takusavit nersutil­lu ar­naq ator­tit­tar­toq taan­na uumis­sulis­savaat suerul­lugulu tamataarutitil­lugulu neqaalu neril­lugu ikual­lal­lugulu.“ (Saq­qum­mersitat 17:16) Silarsuarmi politik­kik­kut pis­saanil­lit tas­san­ngaan­nar­tumik iliuuseqarlutik pakasaal­lutil­lu up­perisarsior­neq eq­qun­ngitsoq saas­sutis­savaat suujun­naarsil­luin­narlugulu. Suna iliuutsimut tamatumun­nga pis­sutaas­sava? Saq­qum­mersitat 17:17-imi ima al­las­simasoqar­poq: „Guutip nammineq piumasani taak­kunun­nga naam­mas­sitis­simavaa.“ Aap, Guutip up­perisarsior­neq eq­qun­ngitsoq atermi aq­qani iliuusiinut as­suar­nar­tunut tamanut akisus­saatis­savaa. Guutip ar­namik ator­tit­tar­tumik suujun­naarsitsinis­saminut taas­suma uisuinik atuinis­saa naaper­tuil­luarluin­nar­tumik ilior­nerus­saaq.

Up­perisarsior­nerup eq­qun­ngitsup pineqar­nis­saatut pineqarusun­nani qanoq ilior­toqar­tariaqar­pa? Guuti ima oqar­poq: „Qimal­lugu anigitsi, in­nut­tak­ka.“ (Saq­qum­mersitat 18:4) Up­perisarsior­nermit eq­qun­ngitsumit qimaanis­saq maan­nak­kut aatsaat taama pingaaruteqar­tigaaq! Sumul­li qimar­nguf­fis­sarsior­toqar­tus­saava? Guuteqas­susermik miserratigin­nin­nermuun­ngitsoq, taan­na aam­ma siunis­saqan­ngim­mat. (2 Thes­salonikamiut 1:6-9) Qimar­nguf­fis­satuaq tas­saavoq up­perisarsior­neq ilumoortoq. Up­perisarsior­neq ilumoor­toq sunik ilisar­naateqar­pa?

 Upperisarsiorneq ilumoortoq qanoq ilisarnaateqartoq

Up­perisarsior­neq ilumoor­toq ajun­ngitsunik sunik inerititaqar­tus­saava? — Mat­thæusi 7:17.

Upperisarsiorneq ilumoortoq . . .

▪ ASAQATIGIINNERMIK ILISARNAATEQARPOQ: Guutip kif­fai ilumoor­tut „silarsuarmut ilaan­ngil­lat“. Naggueqatigiis­suser­tik piorsarsimas­suser­til­luun­niit avis­saar­tuus­sutiginagu ’asaqatigiip­put’. (Johan­nesi 13:35; 17:16, NV; Apustilit Suliaat 10:34, 35) Im­min­nut toqoraan­neq ajor­put, arlar­til­lu pil­lugu inuuner­tik pil­liutigeriaan­naavaat. — 1 Johan­nesi 3:16.

▪ GUUTIP OQAASIANUT NAAPERTUUPPOQ: Up­perisarsior­nermi ilumoor­tumi ajoqersuutigineqar­tut ’kingor­nus­sarsiat’ aam­ma „inuit inas­sutiliaat“ pin­nagit Guutil­li oqaasianik, Biibilimik, tun­ngaveqar­put. (Mat­thæusi 15:6-9) Taamaap­poq ’al­lak­kat Guutimit anersaarfigineqar­tut [isumas­sarsiarititaasut, NV] tamarmik iluaqutaam­mata ajoqersuinermut, up­per­narsaanermut ilitsersuinermul­lu’. — 2 Timotheusi 3:16.

▪ ILAQUTARIINNUT NAKUSSATSISSUTAAVOQ ILEQQORIS­SAAR­TUUNERMILLU SIUARSAASUULLUNI: Up­perisarsior­neq ilumoor­toq uiusut ’nuliamin­nik nam­min­neq timimit­tut asan­nin­nis­samin­nut’ kajumis­sis­sutigaat, nuliaasut ’uimin­nik mianerin­nin­nis­samin­nut’ iluaqutigaat, meeq­qal­lu ’angajoq­qaamin­nut naalan­nis­samin­nut’ ilin­niutigaat. (Efesosimiut 5:28, 33; 6:1) Aam­mat­taaq akisus­saatitaal­lutil­lu oqar­tus­saatitaasut ileq­qus­satigut maligas­siuil­luar­tuusus­saap­put. — 1 Timotheusi 3:1-10.

Ilumut up­perisarsior­toqar­pa najoq­qutas­sianut tamak­kunun­nga naaper­tuut­tumik? Atuak­kami Holocaust Politics-imi, 2001-imi saq­qum­mersin­neqar­tumi, ima al­las­simasoqar­poq: „Inuit amerlanerusut Jehovap Nalunaajaasuisa oqaluus­sis­sutigisaat ilin­niar­titsis­sutaal­lu maleruaraluar­patigik holocaust pin­ngitsoor­tin­neqarsin­naasimas­sagaluar­poq inuian­nil­lu naak­kit­taatsumik toqoraasoqarun­naas­sagaluarluni.“

Aap, nunani 235-ni Jehovap Nalunaajaasuisa ileq­qus­satigut najoq­qutas­siat Biibilimiit­tut oqaluus­sis­sutigisar­paat — maleruarlugil­lu. Kajumis­saar­patsigit Guutip ilin­nut piumasaqaataanik ilin­niar­nis­san­nut Jehovap Nalunaajaasuisa ikiuiniar­nerat ilas­seq­qul­lugu taas­suma iluarisaanik pal­lorfigisin­naanias­sagak­ku. Mas­sak­kut iliuuseqar­tariaqar­putit. Kinguar­teqinagu. Up­perisarsior­neq eq­qun­ngitsoq qanit­tuk­kut peerutis­saaq! — Sefania 2:2, 3.

Jehovap Nalunaajaasuisa oqaluus­sis­sutigisaat Biibilimeersoq pil­lugu paasisaqar­nerorusuk­kuit adres­simut ataani al­las­simasumut al­las­sin­naavutit.

□ Atuagas­siaaraq Eq­qumagitsi! pisus­saaf­fit­taqan­ngitsumik perusup­para.

□ Biibilimik akeqan­ngitsumik kursuser­nis­saq pil­lugu at­tavigineqarusup­punga.

[Quppernerup ataani ilanngussaq]

[Qupp. 3-mi issuagaq]

Up­perisarsior­neq eq­qun­ngitsoq „nunarsuarmi kun­nginut“ sun­niiniar­poq

[Qupp. 3-mi issuagaq]

„Qimal­lugu anigitsi, in­nut­tak­ka“