ភ័ស្តុតាងពីបុរាណវត្ថុវិទ្យាបញ្ជាក់ថាស្ដេចដាវីឌពិតជាធ្លាប់រស់នៅមែន
យោងទៅតាមកំណត់ហេតុក្នុងគម្ពីរ ដាវីឌដែលជាស្ដេចស្រុកអ៊ីស្រាអែល បានរស់នៅសតវត្សរ៍ទី១១ មុនគ.ស. ហើយកូនចៅរបស់គាត់ក៏បានគ្រប់គ្រងទីនោះអស់រាប់រយឆ្នាំក្រោយមកដែរ។ ប៉ុន្តែ អ្នកខ្លះបានអះអាងថាដាវីឌមិនធ្លាប់មានជីវិតរស់នៅទេ គាត់គ្រាន់តែជាតួអង្គដែលគេបានប្រឌិតឡើងក្នុងរឿងនិទានប៉ុណ្ណោះ។ តើស្ដេចដាវីឌគឺជាបុគ្គលពិតឬជាតួអង្គដែលគេប្រឌិតឡើង?
នៅឆ្នាំ១៩៩៣ បុរាណវត្ថុវិទូម្នាក់ឈ្មោះអឺវើហាំ ប៊ីរ៉ាន និងក្រុមការងាររបស់គាត់ បានរកឃើញបន្ទះថ្មមួយនៅទួលដាន់ដែលនៅភាគខាងជើងស្រុកអ៊ីស្រាអែល។ លើបន្ទះថ្មនោះមានឆ្លាក់អក្សរថា«ក្រុមគ្រួសាររបស់ដាវីឌ»។ នោះជាតួអក្សរនៅសម័យបុរាណ ដែលមានអាយុកាលតាំងពីសតវត្សរ៍ទី៩ មុនគ.ស.។ តាមមើលទៅបន្ទះថ្មនោះជាផ្នែកមួយនៃរូបចម្លាក់ដែលឆ្លាក់ដោយជនជាតិអេរ៉ាម ដើម្បីអួតសម្ញែងអំពីជ័យជម្នះរបស់ពួកគេទៅលើជនជាតិអ៊ីស្រាអែល។
អត្ថបទមួយនៅក្នុងគេហទំព័រប្រវត្តិសាស្ត្រគម្ពីរប្រចាំថ្ងៃ បានរៀបរាប់ថា៖«អ្នកខ្លះមិនជឿថាអក្សរចារឹកនេះបញ្ជាក់ថាដាវីឌធ្លាប់រស់នៅទេ . . . ។ ប៉ុន្តែ បណ្ឌិតគម្ពីរនិងបុរាណវត្ថុវិទូភាគច្រើនព្រមទទួលស្គាល់ថាបន្ទះថ្មដែលគេរកឃើញនៅទួលដាន់នោះ គឺជាភ័ស្តុតាងសំខាន់មួយដែលបញ្ជាក់ថា ស្ដេចដាវីឌដែលរៀបរាប់ក្នុងគម្ពីរគឺធ្លាប់រស់នៅក្នុងប្រវត្តិសាស្ត្រមែន។ នេះជាការរកឃើញដ៏សំខាន់មួយក្នុងចំណោមការរកឃើញឯទៀត ដែលរៀបរាប់ដោយព័ត៌មានខាងវិទ្យាសាស្ត្រទាក់ទងនឹងបុរាណវត្ថុវិទ្យាខាងគម្ពីរ»។
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
ហេតុអ្វីយើងអាចប្រាកដថាគម្ពីរបរិសុទ្ធគឺមកពីព្រះ?
បើគម្ពីរគឺមកពីព្រះមែន នោះគួរមានភ័ស្ដុតាងដែលបង្ហាញថាគម្ពីរខុសពីសៀវភៅឯទៀតទាំងអស់។
ទស្សនាវដ្ដី
កោដ្ឋដែលជារបស់ក្រុមគ្រួសារកៃផាស
ទស្សនាវដ្ដី
ចម្បាំងរវាងដាវីឌនិងកូលីយ៉ាត តើពិតជាបានកើតឡើងមែនឬ?
អ្នករិះគន់ខ្លះចោទថាហេតុការណ៍នោះមិនមែនជារឿងពិតទេ។ តើគឺជាការសមហេតុផលទេដែលពួកគេចោទដូច្នេះ?
