តើមនុស្សស្លាប់អាចរស់ម្ដងទៀតឬ?

លេង

តើលោកអ្នកនឹងឆ្លើយថា . . .

មែន?
មិនមែន?
ប្រហែល?

គម្ពីររៀបរាប់ថា៖

‹មនុស្សនឹងត្រូវប្រោសឲ្យរស់ឡើងវិញ›។—សកម្មភាព ២៤:១៥, សេចក្ដីបកប្រែពិភពលោកថ្មី

នោះអាចជួយលោកអ្នកដូចជា

ជួយសម្រាលទុក្ខពេលដែលមនុស្សជាទីស្រឡាញ់ស្លាប់។—កូរិនថូសទី២ ១:៣, ៤

រួចផុតពីការខ្លាចសេចក្ដីស្លាប់។—ហេប្រឺ ២:១៥

មានសេចក្ដីសង្ឃឹមពិតដើម្បីជួបមនុស្សជាទីស្រឡាញ់ដែលស្លាប់ទៅ។—យ៉ូហាន ៥:២៨, ២៩

តើយើងអាចជឿអ្វីដែលគម្ពីររៀបរាប់ទេ?

យើងអាចជឿបាន យ៉ាងហោចណាស់មានមូលហេតុបីយ៉ាង៖

ព្រះជាអ្នកបង្កើតជីវិត។ គម្ពីរហៅព្រះយេហូវ៉ាថា៖ «ប្រភពនៃជីវិត»។ (ចម្រៀងសរសើរព្រះ ៣៦:៩; សកម្មភាព ១៧:២៤, ២៥) ព្រះដែលបានបង្កើតភាវរស់ទាំងឡាយ ប្រាកដជាមានសមត្ថភាពប្រោសមនុស្សស្លាប់ឲ្យរស់ឡើងវិញ។
ព្រះធ្លាប់ប្រោសមនុស្សស្លាប់ឲ្យរស់ឡើងវិញនៅអតីតកាល។ គម្ពីររៀបរាប់អំពីមនុស្ស៨នាក់ដែលបានត្រូវប្រោសឲ្យរស់ឡើងវិញនៅផែនដី មានក្មេង ចាស់ ប្រុស ស្រី។ អ្នកខ្លះបានស្លាប់មួយរយៈពេលខ្លី តែមានម្នាក់ដែលបានត្រូវគេបញ្ចុះនៅក្នុងផ្នូរអស់បួនថ្ងៃ!—យ៉ូហាន ១១:៣៩-៤៤
ព្រះចង់ធ្វើដូចនោះម្ដងទៀតខ្លាំងណាស់។ ព្រះយេហូវ៉ាស្អប់សេចក្ដីស្លាប់ លោកចាត់ទុកវាជាសត្រូវ។ (កូរិនថូសទី១ ១៥:២៦) លោកចង់បំផ្លាញសត្រូវនោះយ៉ាងខ្លាំង ពោលគឺលោកនឹងបំបាត់ចោលសេចក្ដីស្លាប់ដោយប្រោសមនុស្សឲ្យរស់ឡើងវិញ។ លោកមានបំណងប្រាថ្នាប្រោសអស់អ្នកដែលនៅក្នុងការនឹកចាំរបស់លោកឲ្យរស់ឡើងវិញ ដើម្បីឲ្យពួកគាត់រស់នៅផែនដីម្ដងទៀត។—យ៉ូប ១៤:១៤, ១៥