តើមានអ្នកគ្រោងបង្កើតឬទេ?
ទឹកដោះម្ដាយ
ឯកសារយោងមួយសម្រាប់ពេទ្យឆ្មបបានរៀបរាប់ថា៖«ទឹកដោះគោដែលគេផលិតឡើងសម្រាប់ទារក មិនអាចប្រៀបស្មើនឹងទឹកដោះម្ដាយឡើយ»។ មូលហេតុមួយដែលទឹកដោះម្ដាយជាអាហារដ៏ល្អឥតខ្ចោះសម្រាប់ទារក គឺដោយសាររូបកាយម្ដាយអាចបំប្លែងទឹកដោះរបស់គាត់ឲ្យមានសារធាតុផ្សេងៗស្របទៅតាមតម្រូវការរបស់កូន។
សូមពិចារណា៖ ទឹកដោះម្ដាយចេះប្រែប្រួល។ រៀងរាល់ដងដែលទារកបៅ ដំបូងទឹកដោះបញ្ចេញសារធាតុចិញ្ចឹមដូចជាប្រូតេអ៊ីន វីតាមីន ជាតិរ៉ែ និងជាតិទឹក តែក្រោយមកវាបញ្ចេញជាតិខ្លាញ់ដែលធ្វើឲ្យទារកឆាប់ឆ្អែត។ ទឹកដោះម្ដាយក៏ប្រែប្រួលទៅតាមពេលវេលានិងអាយុរបស់កូនដែរ។
នៅក្នុងទឹកដោះម្ដាយមានអ័រម៉ូនមួយចំនួន ដូចជាសារធាតុមេឡេតូនីន(melatonin)ជាដើម សារធាតុនេះកើនឡើងខ្ពស់នៅពេលយប់។ រីឯអ័រម៉ូនផ្សេងទៀត បានកើនឡើងខ្ពស់នៅពេលថ្ងៃ។ អ័រម៉ូនទាំងនេះធ្វើឲ្យទារកងងុយដេកឬភ្ញាក់ដឹងខ្លួនអាស្រ័យពេលយប់ឬពេលថ្ងៃ។ ហេតុនេះហើយទារកចាប់ផ្ដើមមានទម្លាប់ដេកនិងភ្ញាក់តាមពេលវេលាត្រឹមត្រូវ។
ក្រោយពីសម្រាលកូនបានប៉ុន្មានថ្ងៃ ម្ដាយផលិតទឹកដោះពណ៌លឿងដែលគេហៅថាទឹកដោះដំបូង។ ទឹកដោះនេះងាយរំលាយ និងមានសារធាតុចិញ្ចឹមផ្សេងៗ សូម្បីតែទឹកដោះតិចតួចក្ដីក៏មានអត្ថប្រយោជន៍យ៉ាងច្រើនសម្រាប់ក្រពះដ៏តូចរបស់ទារកដែរ។ ទឹកដោះដំបូងមានប្រព័ន្ធការពារសំខាន់ៗដែលជួយទប់ស្កាត់មេរោគកុំឲ្យឆ្លងដល់ទារក។ បន្ថែមទៅទៀត វាមានតួនាទីជួយសម្អាតប្រព័ន្ធរំលាយអាហាររបស់ទារក ដោយធ្វើឲ្យលាមករបស់ទារកទន់ស្រួលបន្ទោបង់។
ម្ដាយមិនចាំបាច់បារម្ភថាគ្មានទឹកដោះគ្រប់គ្រាន់សម្រាប់កូនទេ។ ទោះជាគាត់មានកូនភ្លោះក្ដី ក៏គាត់នៅតែមានទឹកដោះគ្រប់គ្រាន់សម្រាប់បំបៅកូនដែរ។ ដោយសាររូបកាយគាត់នឹងផលិតទឹកដោះដោយស្វ័យប្រវត្តិដើម្បីបំពេញតម្រូវការរបស់កូន។
តើអ្នកគិតយ៉ាងណា? តើទឹកដោះម្ដាយដែលមានសារធាតុចិញ្ចឹមដ៏ល្អឥតខ្ចោះទាំងនេះ កើតឡើងដោយការវិវត្តន៍ឬមានអ្នកគ្រោងបង្កើត?
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗពីគម្ពីរ
តើសកលលោកនេះមានអ្នកបង្កើតឬទេ?
មនុស្សជាច្រើនយល់ច្រឡំអំពីអ្វីដែលគម្ពីរបរិសុទ្ធរៀបរាប់ស្ដីអំពីដើមកំណើតសកលលោកនេះ ឬក៏គិតថានោះជារឿងព្រេងវិញ។ តើយើងពិតជាអាចជឿអ្វីដែលគម្ពីរបរិសុទ្ធរៀបរាប់អំពីដើមកំណើតសកលលោកឬ?
សៀវភៅផ្សេងៗ
តើជីវិតទាំងឡាយមានអ្នកបង្កើតឬទេ?
អ្វីដែលអ្នកជឿអំពីរបៀបដែលជីវិតបានត្រូវបង្កើតមកពិតជាសំខាន់។