Гәло бь Рʹасти Мәри ԝе жь Мьрьне Рʹабьн?

ВЕХӘ

Чь һуне бежьн . . .

әре?
на?
дьбәк?

КʹЬТЕБА ПИРОЗ ЧЬ ДЬБЕЖӘ

«Һʹәму һәԛ у нәһәԛе жь мьрьне рʹабьн» (Кʹаред Шандийа 24:15).

СӘВА ԜӘ ӘВ ЧЬ ТЕ ҺʹӘСАБЕ

Чахе мәрьвед ԝәйи незик дьмьрьн бәрдьли һәйә (2 Корьнтʹи 1:3, 4).

Һун жь мьрьне натьрсьн, һун жь ве тьрсе аза дьбьн (Ибрани 2:15).

Баԝәрийа ԝә һәйә, кӧ һун мьрийед хԝәйи незик бьвиньн, чахе әԝана жь мьрьне рʹабьн (Йуһʹәнна 5:28, 29).

ЛЕ ГӘЛО ӘМ ДЬКАРЬН ИТʹБАРИЙА ХԜӘ КʹЬТЕБА ПИРОЗ БИНЬН?

Бәле, у сәва ве йәке се мәʹни һәнә:

Хԝәде Канийа жийине йә. Кʹьтеба Пирозда сәр Йаһоԝа Хԝәде те готьне, кӧ әԝ, «әʹмьр, бине у һәр тьшти дьдә һʹәмуйа» (Кʹаред Шандийа 17:24, 25; Зәбур 36:9). Демәк, Кәсе кӧ әʹмьр дайә һʹәму бинбәра, дькарә мьрийа жи мьрьне рʹакә.
Ԝәʹде бәре, Хԝәде мьри жь мьрьне рʹадькьрьн. Кʹьтеба Пирозда һʹәйшт мәсәлед ԝан мәрийа те гьликьрьне, йед кӧ сәр әʹрде жь мьрьне һатьнә рʹакьрьне. Жь ԝана һьнәк тʹәзә мьрьбун, ле йәк жь ԝан ида чар рʹож бу кӧ мьрьбу. У нава ԝанда һьм щаһьл һьм жи йед әʹмьрда мәзьн һәбун! (Йуһʹәнна 11:39-44)
Хԝәде дьхԝазә диса әʹмьр бьдә мәрийа. Йаһоԝа Хԝәде мьрьне нәфрʹәт дькә, у ча дьжмьн һʹәсаб дькә (1 Корьнтʹи 15:26). Хԝәде дьхԝазә бь аликʹарийа сахкьрьне әви дьжмьни кʹӧта кә. Хԝәстьна ԝи әԝ ә, кӧ диса әʹмьр бьдә ԝан мәрийа, йед кӧ бира ԝида ньн. Әԝ ӧса жи һʹьзрәт ә кӧ әԝана диса сәр әʹрде бьжин (Ибо 14:14, 15).

ДӘРҺӘԚА ВЕ ЙӘКЕ БЬФЬКЬРЬН

Чьрʹа әм кал-пир дьбьн у дьмьрьн?

Жь Кʹьтеба Пироз һун дькарьн щаба ве пьрсе бьстиньн ДӘСТПЕБУН 3:17-19 у РʹОМАЙИ 5:12.

Дьбәкә Wәрʹа Һʹәwас бә

ҺИНКЬРЬНЕД КʹЬТЕБА ПИРОЗӘ СӘРӘКӘ

Мьри Чь Һʹалида ньн?

Паши мьрьне чь дьԛәԝьмә? Кʹьтеба Пироз соз дьдә, ԝәки ԝәʹдәки ӧса ԝе бе чахе гәләк мәрьв ԝе бенә сахкьрьне, демәк жь мьрьне бенә рʹакьрьне, чаԝа Лазар.