«Тʹәмамийа ньвисаре жь бина бәр Хԝәде йә» (2 Тимотʹейо 3:16).

Һун дькарьн бьстиньн щабед рʹаст ль сәр пьрсед фәрз (Мәтʹәлок 2:1-5).

Рʹебәрийа рʹаст, сәва жийина һәррʹожи (Зәбур 119:105).

Гӧмана баш сәва ахьрийе (Рʹомайи 15:4).

Бәле, у сәва ве йәке се мәʹни һәнә:

• Һәвгьредан. Кʹьтеба Пироз нава 1 600 сала зедәтьр, бь дәсте 40 мәрийа һатийә ньвисандьне, у әԝана щурʹә-щурʹә мәрьв бун. Рʹаст ә гәләка жь ԝана һәв нас нәдькьрьн, ле йәкә тʹәмамийа Кʹьтеба Пирозда тʹемәк дәрбаз дьбә, кʹижан кӧ һәвва гьредайи йә!

• Тʹәрихийа рʹаст. Тʹәрихзанед дьнйайе гәләк щар кемасийед щьмәʹта хԝә вәдьшерьн. Ле ньвискʹаред Кʹьтеба Пироз һʹәлал у мьлук бун, әԝана һьм дәрһәԛа шашийед хԝә, һьм жи дәрһәԛа шашийед щьмәʹта хԝә дьньвисин (2 Дирок 36:15, 16; Зәбур 51:1-4).

• Пʹехәмбәртийа рʹаст. Кʹьтеба Пирозда, һе 200 сал пешийа ве йәке һатьбу пʹехәмбәртикьрьне дәрһәԛа ԝеранбуна шәһәрәки кәвьн, демәк Бабилон (Ишайа 13:17-22). Ль ԝьр нә кӧ тʹәне һатьбу готьне ԝәки чь щурʹәйи әв шәһәр ԝе бе ԝеранкьрьне, ле ӧса жи наве ԝи мәрьви һатьбу әʹйанкьрьне, йе кӧ гәрәке әв шәһәр зәфт кьра! (Ишайа 45:1-3)

  Һәнә пʹехәмбәртийед дьн жи, йед кӧ һур бь һур һатьнә сери. Бь рʹасти жи, әв һʹәму тьшт избат дькьн, кӧ әв кʹьтеб Хәбәра Хԝәде йә! (2 Пәтрус 1:21)