MA paye ke mea? Ma paye ke kutu kusensiyuk yok sripe su metu elos siyuk ke kutena pal. Saap kom ku in nunku yok ke kusensiyuk puspus inge:

• Ya God el nunku kesr a karungin kut na paye?

• Ya meun a me keok nukewa fwa wanginla?

• Mea sikyak nu sesr kut fwin mise?

• Ya oasr kutena kain in fwinsrak nu sin met mise?

• Fuka Nga ku in pre a longyuk sin God?

• Fuka Nga ku in koneak insemwomwo ke moul?

Kom ku in koneak oya me top nu ke kusensiyuk nukewa inge? Kom fwin som nu ke library ku bookstore puspus, kom ku in koneak tausan puspus ke buk su akkalemye la oasr me top puspus ku in koneyukyak ka. Tusruktu, ke pal puspus ma akkalemyeyuk ke sie buk el ku in lain siepa me top su oasr ke siepa buk saye. Kutu me top su oasr ka ku in fwal a mwo nu ke kitin pal na tusruktu tia pat el tila fwal nu ke pal san a ku in oasr ma ekla ka ku ayaolla ka nu ke me top sasu.

Tusruktu, oasr pa sie buk su oasr me top mwomwo a fwal ka. Buk se inge pa buk lun ma paye mukefwanna a tia akkalemye kutena ma kikiap. Jisus Kraist el fwakak kas inge ke pal se el pre nu sin God: “Kas lom ma paye.” (Jon 17:17) Ke pal inge kut etu la Kas inge pa Baibel Mutal. Ke sra puspus toku ke me rid inge, kom fwa ku in liye ke me top puspus lun Baibel nu ke kusensiyuk puspus su oasr lung inge, su arulana kalem, a paye.

EFU KU KUSENSIYUK INGE SIYUKYUK: Kut moul ke sie fwal su nenela ke orekma sulallel a orekma sesumwos. Oasr alu puspus luti mu me keok su kut pula a sun ke pal inge ma tuku ke lungse lun God.

MEA BAIBEL EL LUTI: God el tia oru kutena ma koluk. “Lela in loes liki God, tu lan oru ma sesumwos, a liki el su Ku liki ku, tu lan orek ma koluk!” Job 34:10 el akkalemye. Oasr akwuk mwomwo lun God nu sin metu. Ke sripe se inge Jisus el luti kut in pre oinge: “Papa tumasr su in kosrao . . . togusrai lom in tuku. Ma lungse lom in orek, oana in kosrao, oinge fwin fwalu.” (Mattu 6:9, 10) God el nunku kesr a karungin kut na paye paenang el orala inkanek mwomwo puspus in akpayeye akwuk lal.​—Jon 3:16.

Srike liye pa Genesis 1:26-28; Jemes 1:13; a 1 Piter 5:6, 7.

EFU KU KUSENSIYUK INGE SIYUKYUK: Oasr met puspus su piselos tia ku in oekyukla elos mise tari ke meun nukewa su orek tari. Kut nukewa pulakin pakomuta yok nu sin met nukewa su sun me keok inge.

MEA BAIBEL EL LUTI: God el palye ke pal se su el fwa oakiye misla fwin fwalu nufon. Ye koko lun Togusrai lal in kosrao, metu elos fwa “tia sifwil lutlut meun.” A, elos fwa “tukye kutlas natulos nu ke plau.” (Isaia 2:4) God el fwa aksafyela orekma sesumwos a me keok nukewa. Baibel el mwulela ka: “[God] el fwa ela sroninmutalos nu kemwa, a a fwa wangin pa mise, a elos fwa tia sifwil asor, ku tung, ku ngal. Tu ma meeta [wekunang orekma sesumwos a me keok ke pal inge] wanginla.”​—Fwakyuk 21:3, 4.

Srike liye pa Sam 37:10, 11; 46:9; a Maika 4:1-4.

EFU KU KUSENSIYUK INGE SIYUKYUK: Apkurun alu nukewa fwin fwalu elos luti la oasr ma se luun sie met su srakna moul tokin el mise. Kutu selos lulalfongi mu met mise elos ku in akngalye met moul ku God el fwa sang kai upa nu sin met koluk ke inkanek lun me akkeok ma patpat ke e in isis.

MEA BAIBEL EL LUTI: Ke met se el mise, el wanginla. “Met mise . . . wangin pa me mol yurolos,” Ekklisiastis 9:5 el akkalemye. Ke sripen met mise elos wangin etauk, pulakin, ku oru kutena ma, elos tia ku in akkolukye​—ku sang kasru​—nu sin met moul.​—Sam 146:3, 4.

Srike liye pa Genesis 3:19 a Ekklisiastis 9:6, 10.

EFU KU KUSENSIYUK INGE SIYUKYUK: Kut lungse in moul, a kut lungse in engunkin moul yurin met su kut lungse. Arulana fwal nu ke kena lasr in sifwilpa liye met su kut lungse su mise tari.

MEA BAIBEL EL LUTI: Apkurun met puspus su mise tari elos fwa sifwil akmoulyeyukyak. Jisus el mwulela ke ma inge “elos nukewa su muta inkulyuku fwa . . . tuku liki.” (Jon 5:28, 29) In fwal nu ke akwuk se meet lun God, met nukewa su sifwil akmoulyeyukyak fwa oasr pal mwomwo lalos in muta ke sie paredais fwin fwalu. (Luke 23:43) Mwulela ke pal fwasru inge el wekunang mano sumwosmwos a moul ma patpat nu sin met akos nukewa. Baibel el fwak: “Met sumwosmwos elos fwa usru fwalu, a muta we ma patpat.”​—Sam 37:29.

Srike liye pa Job 14:14, 15; Luk 7:11-17; a Orekma 24:15.

EFU KU KUSENSIYUK INGE SIYUKYUK: Met puspus ke alu nukewa elos pre. Tusruktu, met puspus elos pulakin mu pre lalos tia topukyuk.

MEA BAIBEL EL LUTI: Jisus el luti la kut tia enenu in kalweni kas puspus su oana sie ke pre lasr. “Ke komwos pre,” el fwak, “nik komwos kalweni pal nukewa kas puspus su oana sie.” (Mattu 6:7, New World Translation) Kut fwin lungse God el an long ke pre lasr, kut enenu in pre ke inkanek su el insemwomwo ka. In oru ma inge, kut enenu in lotela ke ma God el lungse a kut pre fwal nu ka. Jon Se Meet 5:14 el akkalemye: “Kut fwin siyuk ke kutena ma su fwal nu ke ma lungse lal, el long kut.”

Srike liye pa Sam 65:2; Jon 14:6, 14; a 1 Jon 3:22.

EFU KU KUSENSIYUK INGE SIYUKYUK: Oasr met puspus su lulalfongi mu mani, pengpeng, ku oasku a kato fwa orelos in insemwomwo. Ke ma inge, elos kafweang in suk ma inge​—tusruktu elos tia eis me insemwomwo ka.

MEA BAIBEL EL LUTI: Jisus el akkalemye ke key nu ke me insemwomwo ke el fwak: “Insemwomwo elos su nunku yok ke ma enenu lalos in fototo nu sin God.” (Mattu 5:3, NW) Me insemwomwo paye ku in koneyukyak mukena kut fwin oru inkanek in akfwalye ma enenu yok lasr​—a ma enenu yok lasr inge pa ke lungse yok lasr in etu ke God a ke akwuk lal kesr. Ma paye inge oasr in Baibel. In eis etauk ke ma paye inge fwa ku in kasre kut in akilen ke ma yok sripe na paye a ke ma su tia yok sripe. Kut fwin lela ma paye lun Baibel in kasre kut ke sulela lasr a orekma nukewa lasr ma inge ku in kasre kut in oasr sie moul mwomwo a yok sripe na paye.​—Luk 11:28.

Srike liye pa Soakas 3:5, 6, 13-18 a 1 Timote 6:9, 10.

 Me top nukewa su akkalemyeyuk inge pa me top lun Baibel nu ke kusensiyuk onkosr inge. Ya kom lungse in etu kutu pa me lutlut? Kom fwin sie sin met puspus su “nunku yok ke ma enenu lalos in fototo nu sin God,” paye la kom lungse in eis etauk yok ke ma paye. Saap kom ku in nunku pa ke kusensiyuk puspus saye, su oana: ‘Fwin God el nunku kesr a karungin kut, efu ku el lela orekma koluk puspus a me keok upa in sikyak mutamwauk ke pal meeta nu misenge? Fuka Nga ku in akmwoye oiyen moul in sou luk?’ Baibel el akkalemye ke me top mwomwo puspus nu ke kusensiyuk inge a ke kutu pa kusensiyuk saye.

Tusruktu, met puspus ke pal inge elos tia na lungse in rid yok ke Baibel. Elos liye a nunku ka in oana sie buk lulap su oasr me sramsram puspus ka su upa in kalem. Ya kom lungse in eis me kasru in koneak me top puspus su oasr in Baibel? Met Lo lun Jeova elos ku a lungse in akkalemye nu sum ke inkanek luo su fwal in kasre kom.

Ma se meet, buk srisrik se inge Mea Baibel el Luti Na Paye? el orekla in kasru met puspus su kafofo in tuni a lutlutkin me top mwomwo a kalem lun Baibel nu ke kusensiyuk yok sripe puspus. Ma se akluo pa ke akwuk in lutlut Baibel nu sin met in loom selos sifwana ke inkanek wangin molo. Sie sin Met Lo lun Jeova su muta apkurun nu ke an sum ku in luti ke ma paye lun Baibel ku el an tuku nu in lom sum ku nu ke kutu pa an su fwal nu sum a orekmakin kitin pal ke kais sie wik in lutlutkin Baibel nu sum. Oasr million puspus sin met fwin fwalu nufon elos eis ma lane ke akwuk inge. Pus selos ku in fwakak kas mwomwo a paye inge: “Nga koneak ma paye!”

Wanginla kutena me kasrup yok su kom ku in koneak. Ma paye lun Baibel el aksukosokye kut la liki alialu, me akfos, a liki me aksangeng yok nukewa. El ase nu sesr fwinsrak, akwuk mwomwo nu ke moul, a me insemwomwo puspus. Jisus el fwak: “Komwos fwa etu ma paye, a ma paye fwa aksukosokye komwos.”​—Jon 8:32.