Bantu bavula bayuka amba muntu uji na musalabu ye mwina Kilishitu. Bakamonyi ba kwa Yehoba bena Kilishitu. Pano bino kechi bengijisha musalabu mu mpopwelo yabo ne. Mambo ka?

Baibolo waambapo kishinka kimo. Waam­ba’mba Yesu kechi wafwijile pa musalabu ne. Wafwijile pa kichi kya mulumbulumbu. Bino Baibolo witujimunako ku­ba’mba “chinai kupopwela bankishi.” Kino kyavwangamo kubula kwingijisha musalabu mu mpopwelo yetu.​—1 Kolinda 10:14; 1 Yoano 5:⁠21.

Yesu waambile bingi bulongo. Waambi­le’mba: “Pa kyo kino po po bakayukila bonse amba mwi baana bami ba bwanga umvwe mwitemwa anwe bene na bene.” (Yoano 13:​34, 35) Yesu waambi­le’mba kintu kyanema ke butemwe. Butemwe bo bulengela muntu kumuyuka amba mwananji wa bwanga, kechi musalabu nangwa kipashañano kikwabo ne.