Ñanyi Ubena Kulama ino Ntanda?
Nanchi mulanguluka’mba . . .
-
Lesa nyi?
-
bantu nyi?
-
inyi Satana?
BAIBOLO WAAMBA’MBA
“Pano pa ntanda ponse paji mu bulume bwa kwa aye mubi.”—1 Yoano 5:19, Binembelo bya Ntanda Ipya.
‘Mwana Lesa waishile kuba amba onaune mingilo ya kwa Diabola.’—1 Yoano 3:8.
KWITABILA BINO BYAMBO KUKEMUKWASHA MU BWIKALO BWENU
Kyalengela makatazho aji mu ino ntanda.—Lumwekesho 12:12.
Kwitabila amba bintu bikawama kulutwe.—1 Yoano 2:17.
ABYA TWAKONSHA KWITABILA BYAMBO BIJI MU BAIBOLO NYI?
Ee, kuji bintu bisatu byakonsha kwitulengela kwitabila:
-
Wakankalwa kulama. Yehoba ubena kusakisha bingi kuba’mba Satana aleke kulama bantu. Walaya amba, ‘ukafumyapo . . . Diabola.’ Kabiji ukawamisha byonse byaonauna Satana.—Bahebelu 2:14.
-
Wasala Yesu Kilishitu kulama ino ntanda. Yesu wapusana bingi na kalama wakanama kabiji wa lwiso ubena kulama ino ntanda. Lesa witulaya’mba kalama aye Yesu, “Ukobila lusa mulanda ne muyanji . . . Ukebapokolola ku lumanamo ne ku bukapondo.”—Salamo 72:13, 14.
-
Kechi ubepa ne. Bamwambapo mu Baibolo amba: “Lesa ubula kubepa.” (Titusa 1:2) Umvwe Yehoba walaya kintu kechi ukankalwa kwikifikizha ne. (Isaya 55:10, 11) “Mfumu wa pano pa ntanda bakamupangapo.”—Yoano 12:31.
KYO MWAKONSHA KULANGULUKANGAPO
Bintu bikekala byepi umvwe mfumu wa pano pa ntanda bamufumyapo?
Buno bwipuzho bwakumbulwa mu Baibolo mu SALAMO 37:10, 11 ne mu LUMWEKESHO 21:3, 4.
Mwakonsha Kutemwa
ESSENTIAL BIBLE TEACHINGS
Mambo ka Lesa o Aswishisha Buyanji?
Bantu bavula bepuzha’mba mambo ka buyanji ne lupato o byavujila bibye mu ntanda? Mu Baibolo muji mukumbu wawama bingi.
MEPUZHO A MU BAIBOLO A KUMBULWA
Nanchi Diabola Kine Muntu Nyi?
Nanchi Diabola bubi buji mu bantu nyi, inyi muntu?
KYAMBA KYA USOPA
Nanchi Twafwainwa Kuchiina Satana Nyi?
Lesa witupa mashinda ana afwainwa kwituzhikijila ku meseko a kwa Satana.
SPECIAL CAMPAIGN
Mambo ka a Kufunjila Baibolo?—Vidyo Yense
Bantu bavula mwaya ntanda babena kutana mikumbu ya mu Baibolo. Nanchi nenuwa mubena kukeba kufunda nyi?
BAKAMONYI BA KWA YEHOBA
Lombai Lufunjisho lwa Baibolo
Ikalai na lufunjisho lwa Baibolo lwatutu pa kimye ne mpunzha yo mukeba.
