Na Rɔm De Kɔntrol Mi?

Yu kin aks yusɛf dɛn kwɛstyɔn dɛn ya:

• A de drink mɔ rɔm pas aw a bin de drink am trade?

• A de drink fas fas pas aw a bin de drink trade?

• A de drink dɛn strɔng rɔm dɛn dis biɛn tɛm?

• A de yuz rɔm fɔ bia wit strɛs ɔ fɔ rɔnawe pan prɔblɛm?

• Mi padi ɔ pɔsin na mi famili dɔn tɔk to mi bɔt di we aw a de drink?

• Di we aw a de drink dɔn kɔz prɔblɛm fɔ mi na mi os, na mi wokples, ɔ we a de travul?

• I at fɔ lɛ a de wan wik we a nɔ drink rɔm?

• A kin fil bad we ɔda pɔsin se i nɔ want fɔ drink rɔm?

• A nɔ de gri fɔ tɛl ɔda pipul dɛn ɔmɔs rɔm a kin drink?

If yu ansa yɛs to wan ɔ mɔ pan dɛn kwɛstyɔn dɛn ya, yu go nid fɔ du sɔntin fɔ kɔntrol di we aw yu de drink.

Disayd fɔ Du di Rayt Tin We I Kam pan Rɔm

Bifo yu drink rɔm, tink bɔt dɛn tin dɛn ya:

• I fayn fɔ mi fɔ drink rɔm, ɔ a fɔ avɔyd am?

Wetin Go Fayn fɔ Mek Yu Du: Pɔsin we nɔ ebul kɔntrol ɔmɔs rɔm i fɔ drink fɔ avɔyd am.

• Ɔmɔs rɔm a fɔ drink?

Wetin Go Fayn fɔ Mek Yu Du?: Disayd ɔmɔs rɔm yu go drink bifo di rɔm ambɔg di we aw yu de tink.

• Ustɛm a go drink?

Wetin Go Fayn fɔ Mek Yu Du? Nɔ drink bifo yu drayv ɔ bifo yu du ɛnitin we yu fɔ yuz ɔl yu sɛns fɔ du; nɔ drink bifo yu du ɛnitin we gɛt fɔ du wit Gɔd biznɛs; nɔ drink we yu gɛt bɛlɛ; nɔ drink we yu de tek sɔm mɛrɛsin dɛn.

• Usay a fɔ drink?

Wetin Go Fayn fɔ Mek Yu Du? Drink na say we fayn ɛn we go ɛp yu; nɔ ayd fɔ drink; nɔ drink bifo pipul dɛn we nɔ lɛk rɔm.

• Udat dɛn a fɔ drink wit?

Wetin Go Fayn fɔ Mek Yu Du? Drink wit gud padi dɛn ɔ pipul dɛn na yu famili; nɔto wit pipul dɛn we gɛt prɔblɛm wit rɔm.