၁. န​ပၢတၢ်​ခဲလၢာ် ကစၢ်​ယဟိဝၤ,

ပ​စံးထီၣ်​ပတြၢၤ ဘူၣ်ထီၣ်​ဘါထီၣ်​နၤ.

ကစၢ်​လၢ​ကနၣ် ပ​တၢ်​ထုကဖၣ်,

ပ​ဃ့ၢ်​နုာ်​ဆူ န​တၢ်​ကဟုကယာ်.

ကိးနံၤ​ပ​မၤ​ကမၣ် ဖျါ​ပ​ဂံၢ်စၢ်,

ပျၢ်​ကွံာ်​ပ​တၢ်ကမၣ်​လၢ​အိၣ်ဒီး​ပှၤ.

လၢ​န​ဖိခွါ​အသွံၣ် န​ပှ့ၤက့ၤ​ပှၤ.

ခဲအံၤ​ပ​အဲၣ်ဒိး လၢ​န​သိၣ်လိ​ပှၤ.

၂. ပှၤလၢ​န​ကွဲမုာ်​အီၤ​တဖၣ် သးခု,

န​က​သိၣ်လိ​အီၤ​လၢ တၢ်ကပီၤ​ပူၤ.

ဒ်​ပ​က​သ့ၣ်ညါ​နၤ သိၣ်လိ​န့ၢ်​ပှၤ,

တၢ်​နဲၣ်​ပ​ကျဲ မ့ၢ်​န​ကလုၢ်​ကထါ.

နစိ​ကမီၤဒိၣ် လီၤပျံၤ​လီၤ​ယူးယီၣ်,

နခ့​နပှၤ​အ သး​က​ဒူ​ထီၣ်​ဂီၢ်.

တၢ်​အုၣ်က့ၤ​ခီၣ်က့ၤ​ယွၤ ပ​စံၣ်တဲၤ​တဲ,

န​ဘီ​န​မုၢ်​မ့ၢ်​တၢ်နီၢ်နီၢ်, က​ဟဲ.

၃. မၤစၢၤ​ပှၤလၢ ပ​တၢ်သးခု​က​အါ,

မ်​ဟီၣ်ခိၣ်​ပှဲၤ​ဒီး န​တၢ်ဘူၣ်​တၢ်ဘါ.

န​ဘီမုၢ်​ပာ်ဖျါ န​တၢ်ဂ့ၤ​တၢ်ဝါ,

က​တြူာ်ကွံာ်​တၢ်သံ, တၢ်​သးအုး, တၢ်ဆါ.

န​ဖိခွါ​က​တြူာ်ကွံာ် တၢ်အၢ​ခဲလၢာ်,

တၢ်ဘၣ်တ့​တဖၣ် က​သးခု​ဒိၣ်မး.

ပ​က​စံးဘျုး​သးဝံၣ်​လၢ တၢ်မၤနၢၤ,

“ပတြၢၤ ယဟိဝၤ လၤကပီၤ​စီၤပၤ.”