“ကစၢ်​ယွၤ လၢ​မူခိၣ်​ က​သူၣ်ထီၣ်​ ဘီမုၢ်​တဘ့ၣ်လၢ အ​တဟးဂီၤ နီတဘျီဘၣ်.”—ဒၤနံးယ့လး ၂:၄၄, ဟီၣ်ခိၣ်သီ တၢ်ကွဲး​ကျိာ်ထံ​လံာ်စီဆှံ.

“တၢ်​ဟ့ၣ်​လီၤ​အီၤ [ယ့ၣ်ၡူး] တၢ်ပၢ​တၢ်ပြး, တၢ်လၤ​တၢ်​ကပီၤ ဒီး​ဘီမုၢ်​တ​ဘီမုၢ်  . . . အ​တၢ်ပၢ​တၢ်ပြး​န့ၣ်​ က​အိၣ်​ဝဲ​လီၤထူ​လီၤယိာ် ဒီး​အ​ဘီမုၢ်န့ၣ်​ တဟးဂီၤ​နီတဘျီ​ဘၣ်.”—ဒၤနံးယ့လး ၇:၁၄.

• တၢ်ပၢ​တၢ်ပြး​လၢ အတီ​အလိၤ​အံၤ က​ကဲဘျုး​လၢ​နဂီၢ်.—ယၡါယၤ ၄၈:၁၇, ၁၈.

• လၢ​ဟီၣ်ခိၣ်သီ​အပူၤန့ၣ်​ န​က​သူၣ်ဖှံ​သးညီ ဒီး​န​တၢ်​အိၣ်ဆူၣ်​အိၣ်ချ့​က​ဂ့ၤ.—လီၣ်ဖျါ ၂၁:၃, ၄.

ပနာ်​အီၤ​သ့​ခီဖျိ​လၢ တၢ်ဂ့ၢ်လၢ တၢ်ဖီလာ်​အဃိ.

• လၢညါ ယ့ၣ်ၡူး ပာ်ဖျါထီၣ်​ တၢ်လၢ ယွၤ​အ​ဘီမုၢ်​က​မၤ​ဝဲ​တဖၣ်. ယ့ၣ်ၡူး သိၣ်လိ​အပျဲၢ်အဘီၣ်​တဖၣ်လၢ အဝဲသ့ၣ်​က​ဃ့​ထုကဖၣ်​လၢ ယွၤ​အ​ဘီမုၢ်​က​ဟဲ ဒီး​ယွၤ​အ​တၢ်ဘၣ်သး က​ဟဲ​လၢထီၣ်ပှဲၤထီၣ်​လၢ ဟီၣ်ခိၣ်​ချၢ. (မးသဲ ၆:၉, ၁၀) ဒီး​ဖဲ​ယ့ၣ်ၡူး​အိၣ်လၢ ဟီၣ်ခိၣ်​ချၢ​အခါ အ​ပာ်ဖျါထီၣ်​န့ၢ်ပှၤ တၢ်လၢ အ​က​ဟဲကဲထီၣ်​အသး ဖဲ​ပတၢ်​ဃ့​ထုကဖၣ်​အံၤ လၢထီၣ်ပှဲၤထီၣ်​အဆၢ​ကတီၢ်.

  အဒိ ဖဲ​ယ့ၣ်ၡူး အိၣ်လၢ​ဟီၣ်ခိၣ်​ချၢ​အခါ အ​ဝဲ​ဒုးအီၣ်​ ပှၤလၢ​အ​လီၤဘဲ, မၤဘျါ ပှၤဆူး​ပှၤဆါ ဒီး​မၤသမူထီၣ်​က့ၤ ပှၤသံ​သ့ၣ်​တဖၣ်. (မးသဲ ၁၅:၂၉-၃၈; ယိၤဟၣ်​ ၁၁:၃၈-၄၄) ခီဖျိ​လၢ ယ့ၣ်ၡူး​မၤ​ဝဲ​ဒ်န့ၣ်​အဃိ ပ​သ့ၣ်ညါဘၣ်​ တၢ်လၢ ယွၤ​အ​ဘီမုၢ် က​မၤ​ဝဲ​လၢ ပှၤ​ဟီၣ်ခိၣ်ဖိ​တဖၣ်အဂီၢ်. ယ့ၣ်ၡူး​မ့ၢ်​ယွၤ​အ​ဘီမုၢ်​အ​စီၤပၤ​အဃိ ခါဆူညါန့ၣ်​ အ​ဝဲ​က​ပၢ​ဟီၣ်ခိၣ်.—လီၣ်ဖျါ ၁၁:၁၅.

• ဟီၣ်ခိၣ်​ တၢ်အိၣ်သး​တဖၣ်​ ပာ်​ဖျါထီၣ်​ဝဲ​လၢ တယံာ်​လၢၤဘၣ်န့ၣ်​ ယွၤ​အ​ဘီမုၢ်​က​ဟဲ. ယ့ၣ်ၡူး တဲဆိ​ပာ်စၢၤ​ဝဲလၢ တချုး​ယွၤ​အ​ဘီမုၢ် ဒုးအိၣ်ထီၣ်​တၢ်ဃူတၢ်ဖိး​လၢ ဟီၣ်ခိၣ်​ချၢ​ဒံးဘၣ်န့ၣ်​ တၢ်ဒုး​တၢ်ယၤ ဒီး​တၢ်သၣ်ဝံၤ​လီၤဒိ က​အိၣ်ထီၣ်​ ဒီး​ဟီၣ်ခိၣ်​က​ဟူး.—မးသဲ ၂၄:၃, ၇.

  မုၢ်မဆါ​တနံၤ​အံၤ ပ​ထံၣ်ဘၣ်​ တၢ်မၤ​အသး​တဖၣ်အံၤ. အဃိ ပနာ်သ့​လၢ တယံာ်​လၢၤဘၣ်န့ၣ်​ ယွၤ​အ​ဘီမုၢ် က​မၤ​လီၤမၢ်ကွံာ် တၢ်ကီ​တၢ်ခဲ​ကိးမံၤ​ဒဲး.