Wapi yina kele sekele ya luzingu ya nsayi na dikanda?
Samu na nge ya kele . . .
-
luzolo?
-
mbongo?
-
kima ya kaka?
YINA BIBLIA KE ZONZAKA
“Kyese na bantu yina ke kuwaka mambu ya Nzambi mpe ke sadilaka yawu!”—Luke 11:28, Ngwisani ya malu-malu.
MAMBU YA MBOTE YINA NGE LENDA KUZWA
Beno kekuzwa luzolo ya matsyeleka.—Baefeze 5:28, 29.
Buzitu na kati ya ntima.—Baefeze 5:33.
Kizunu ya matsyeleka.—Marke 10:6-9.
BETO FWANA KWIKILA MAMBU BIBLIA KE ZONZAKA?
Ee, samu na mambu ata zole:
-
Nzambi muntu yidikaka dikanda. Biblia ke zonzaka ti “makanda nyonso . . . ke kuzwaka nkumbu” ya bawu na Yehova Nzambi. (Baefeze 3:14, 15) Yawu zola zonza ti makanda nyonso kele samu Yehova yidikaka yawu. Samu na yiki dyambu yayi kele mfunu?
Kanisa tete: Kana nge ke nakudia madia mosi ya kitoko, mpe nge zola zaba babima yina bawu metula na kati, na nani nge ke yufula? Na kutala mbote, ni na muntu yina me kulamba yawu.
Mutindu mosi, samu na kuzaba bima yina ke pesaka nsayi na luzingu ya dikanda, yawu kele mbote na kuyufula Yehova, yina yidikaka makanda.—Kubanda 2:18-24.
-
Nzambi ke talaka kyadi ya nge. Makanda ke lakisa ti bawu kele na ndwenga na kusosaka malongi yina Yehova ke pesaka na kati ya Biblia. Samu na yiki? “Samu ti yandi ke sadisaka beno.” (1 Piere 5:6, 7) Yehova zola mbote ya nge—mpe malongi ya yandi ke simbaka kaka!—Bingana 3:5, 6; Izaya 48:17, 18.
KANISA KYUVU YAYI
Yiki nge lenda sala samu nge vwanda bakala, nketo to kibuti ya mbote?
Biblia me pesa mvutu na kyuvu yayi na BAEFEZE 5:1, 2 mpe BAKOLOSE 3:18-21.
Beno tala mpe...
MAMBU YINA ME TADILA BETO
Samu na yinki kulonguka Biblia?
Biblia ke na bakisaka mafunda ya bantu na ntoto ya mvimba na kuzwa bamvutu na byuvu yina me lutila mfunu na luzingu. Nge zola kuvanda mosi ya bawu?
MAMBU YINA ME TADILA BETO
Lomba ba kwiza tala nge
Kusolola na kyuvu mosi ya Biblia, to kusosa kuzaba mingi na yina me tadila Bambangi ya Yehova.
