“Yinza nyonso kele na lutumu ya Mfumu ya yimbi.”​—1 Yoane 5:19.

“Mwana ya Nzambi kwizaka . . . na yinza samu na kumwangisa bisalu ya Satana.”​—1 Yoane 3:8, Ngwisani ya malu-malu.

Yawu kele na kulakisa wapi kisika bampasi ya yinza me katuka.​—Luzabusu 12:12.

Kasi beto lenda vwanda na kivuvu ti yinza ke bonga.​—1 Yoane 2:17.

Ee, samu na mambu ata tatu:

• Luyalu ya Satana ke simba ve. Yehova kele ya kukangama na kutula nsuka na luyalu ya Satana na zulu ya bantu. Nzambi kele na lukanu ya “kumanisa lulendo ya . . . Satana” kukatula yimbi nyonso Satana me nata na yinza.​—Baebre 2:14, Ngwisani ya malu-malu.

• Nzambi me sola Yesu Klisto na kutwadisa yinza. Yesu kele ata fioti ve mutindu mfumu ya yinza yayi, yina kele na ntima ya yimbi mpe na munimi. Na yina me tadila kimfumu ya Yesu, Nzambi me pesa lukanu yayi: “Yandi ke tala kyadi na bantu ya mpasi mpe bamputu . . . Yandi ke katula bawu na nkwamusu mpe na mambu ya ngolo.”​—Nkunga 72:13, 14.

• Nzambi lenda kuvuna ve. Biblia me zonza pwelele ti “Nzambi lenda kuvuna ve.’’(Baebre 6:18) Ntangu Nzambi ke pesaka lukanu ya kusala dyambu, yawu kele mutindu dyambu yango me salama kwandi! (Izaya 55:10, 11) “Mba ba ke bingisa mfumu ya yinza yayi.’’​—Yoane 12:31.