Yisinke Bibeli?
Ngapi ono kugazara . . .
-
azo buke zomagano govantu?
-
ndi buke zomasimwititi?
-
ndi Nonkango daKarunga?
EYI AZI UYUNGA BIBELI
‘Nkenye etjangwa kwa li retesa po Mpepo zaKarunga.’—2 Timoteusa 3:16.
MULYO GONONKANGO ODO
Kugava malimbururo komapuro gomulyo meparu.—Yisewe 2:1-5.
Kugava mapukururo gomawa.—Episarome 119:105.
Kugava ehuguvaro lyomeho zongwa.—Varoma 15:4.
KUVHURA TU PURE EYI ZA UYUNGA KO BIBELI NDI?
Tu tareni nokonda ntatu:
-
Azo kwa lizasana. Bibeli kwa gusire nomvhura dokusika po-1 600 mokuzitjanga vagara wokusika po-40. Sinzi sovagara owo kapi va lidivire. Nampili ngoso Bibeli azo kwa liza.
-
Yihorokwa yamo yousili. Sinzi sava ava simwitire yihorokwa kapi ava tumbura mapuko gawo. Nye ava va tjenge Bibeli kwa tumbwire mapuko gawo naga gomuhoko gwawo.—2 Histoli 36:15, 16; Episarome 51:1-4.
-
Mauporofete gamo kusika mo. Ezonauko lyositata saBabironi kwa li pumbire moBibeli nomvhura 200 komeho yi ka horoke. (Jesaya 13:17-22) Azo kapi za tumbura tupu monkedi omu va zi zonagwire Babironi nye nogu ga ya zi zonagwire!—Jesaya 45:1-3.
MoBibeli mwa kara hena mauporofete gamwe aga ga sikilira mo. Eyi ngano kapisi yiyo natu vhura kundindira ko koNonkango daKarunga ndi?—2 Peturusa 1:21.
GAZADARA KO
Ngapi Nonkango daKarunga nadi wapukurura eparu lyoge?
Bibeli kugava elimbururo mwaJESAYA 48:17, 18 ntani 2 TIMOTEUSA 3:16, 17.
Kuvhura o hafere hena
ESSENTIAL BIBLE TEACHINGS
Ngapi natu diva asi Bibeli usili?
Nsene Karunga yige ga retesa po Bibeli, azo tazi li sigi karere.
KUTUHAMENA
Morwasinke natu lirongera Bibeli?
Bibeli kuna kuvatera mamiliyona govantu mouzuni mudima va gwane malimbururo komapuro gomulyo meparu. Ono hara kukara gumwe gwawo ndi?
KUTUHAMENA
Tura mo ehundiro
Gwana elimbururo kepuro lyomoBibeli ndi lironga ko yoyinzi kuhamena Nombangi daJehova.
