Yobi 38:1-41
38 I bosi, Yave ovutwidi Yobi muna kimbongela, oku vo:+
2 “Nani ndioyu obendomwene longi diameYo vova kondwa zayi?+
3 Dodokolo, toma kanga luketo nze kesa;Yuvu ikuyuvula, unzayisa.
4 Akweyi wakala vava yakuba e nkubilwa za ntoto?+
Unzayisa avo umbakuzi una wau.
5 Nani wasikidisa tezo yandi, avo ozeye wo,Yovo nani wasia mo nsinga wa tezela?
6 Nki kisimbanga e nkubilwa zandi,Yovo nani wasia e tadi diandi dia konko,+
7 Vava ntetembwa za mene-mene+ zayengolokanga kumosi ye kiese,Wan’awonso a Nzambi*+ babokanga ye kiese?
8 Nani wakanga kalungae yelo+
Vava kavaika kuna kinsalukisa muna vumu,
9 Vava yamvuika e matutiYo kumfuka ye tombe kiangolo,
10 Vava yasia mo mwingiluYo kunsia yelo ye mbindi,+
11 Mpovele vo: ‘Lwaka kaka vava, kuvioki ko;Nga mavuku maku malulendo i vava mesukil’e’?+
12 Nga* wavana kala nkanikinu kwa meneYovo zayisa nkielelo fulu kiandi,+
13 Kimana yasimba nsuka za nzaYo nikuna yimpumbulu bakatuka mo?+
14 E nza ikitukidi nze tûma kuna nsi a dimbu,Yawonso ina mo imonekanga nze lekwa yantoko muna mvuatu.
15 Kansi o ntemo a yimpumbulu ubakatwilu,Koko kwau kwazanguka kutolokele.
16 Nga wakulumuka kala kuna nto za kalungaYovo toma fimpa o sina kwa maza?+
17 Nga mavitu ma lufwa+ masengomokene kwa ngeye,Yovo wamona kala mavitu ma tombe kin’e bu?*+
18 Nga obakwidi o sanzuka kwa ntoto?+
Unzayisa, avo ozeye mambu mama mawonso.
19 Akweyi ina e nzil’a kalu kia ntemo?+
E fulu kia tombe akweyi kina?
20 Kimana wanata kio muna zunga kiandi,Wazaya nzila za nzo andi?
21 Nga ediadi ozeye dio wau vo muna ntangwa yayina wawutuka kalaYe lutangu lwa mvu* miaku lwayingi?
22 Nga okotele muna malundilu ma mvul’ampembe,+Yovo omwene malundilu ma mvul’a matadi,+
23 Mana ndundidi mu kuma kia ntangw’a mpasi,Muna kuma kia lumbu kia nkindu ye vita?+
24 O ntemo* akweyi umwanganene,E tembwa kia este akweyi kitukanga vava kivevomokanga ova ntoto?+
25 Nani oziulanga e nzil’a kizaluYo kubika nzil’a nsemo a mwandazi a tuti,+
26 Onokesanga mvula muna ke muzingilanga wantu ko,Muna makanga mwakondwa o wantu,+
27 Muna yukutisa fulu yafwasakanaYo menesa e titi?+
28 Nga e mvula ina ye se?+
Yovo nani wawuta matonsi ma lowa?*+
29 Mu vumu kia nani mwatuka maza makangama,Nani owutanga e wunge dia zulu,+
30 Vava maza mefukwanga nze tadi,E maza masina mekangamanga yo kituka se tadi?+
31 Nga olenda kanga e nsinga mia ntetembwa za Kima,*Yovo kutulula nsinga mia ntetembwa za Kesile?*+
32 Nga olenda vaikisa buka kia ntetembwa* muna nsungi andiYovo fila buka kia ntetembwa* za Ase yo wan’andi?
33 Nga ozeye nsiku miyalanga e zulu,+Yovo olenda sikidisa wisa kiau* ova ntoto?
34 Nga olenda tâtula ndinga yakuna matutiKimana maza ma kizalu mafuka?+
35 Nga olenda tuma nsemo?
Nga kwiza mikwiza yo kuvovesa vo: ‘Tuna vava’?
36 Nani wasia e ngangu muna matuti?*+
Yovo nani wavana umbakuzi kwa lekwa ina kuna zulu?*+
37 Nani una ye ngangu za tanga matuti,Yovo nani olenda tiamuna mvungu mia maza ma zulu?+
38 Kimana mbundukutu yakituka se nteke,Ye mbumba mia nteke miakangama kumosi?
39 Nga olenda kondela nkosi e buluYovo yukutisa wan’a nkosi+
40 Vava bebatamanga muna maswaminu mauYovo vava belangidilanga muna maswaminu mau?
41 Nani okubikilanga e ngono-ngono e madia+O wan’andi vava bekaza kwa NzambiYo vumvula mu kuma kia kondwa kwa madia?
Mvovo vana yand'a lukaya
^ Mvovo wa kingana kia Kiyibere, wan’a Nzambi uyikanga, i sia vo, ambasi.
^ Mvovo wa sina: “Mu lumbu yaku.”
^ Yovo “mia kini kia lufwa.”
^ Mvovo wa sina: “lumbu.”
^ Nanga, “nsemo.”
^ Yovo “dime.”
^ Nanga i buka ya ntetembwa za Peleyade muna mpw’a Ngombe.
^ Nanga i buka ya ntetembwa muna mpw’a Orione.
^ Mvovo wa sina: “Masaroti.” Muna 2 Ntinu 23:5 buka kia ntetembwa ya Zodiake uyikanga.
^ Nanga i buka ya ntetembwa muna mpw’a Use Anene.
^ Nanga, “Kiandi.”
^ Nanga, “muna nsi a mbundu a muntu.”
^ Nanga, “muna nyindu.”
