Закарыя 6:1—15
6 Анан мен эки тоонун ортосунда келаткан төрт арабаны көрдүм. Ал тоолор жез тоолор экен.
2 Биринчи арабага кызыл+, экинчи арабага кара+,
3 үчүнчү арабага ак боз аттар+, ал эми төртүнчү арабага темгили бар ала-була аттар+ чегилген экен.
4 Мени менен сүйлөшүп жаткан периштеден: «Булар эмне болгон арабалар, мырзам?» — деп сурадым+.
5 Периште мага: «Булар — бүт жер жүзүнүн Теңиринин+ алдына барып+ келаткан+ төрт рух*+.
6 Кара аттар чегилген араба түндүккө+, ак боз аттар деңиздин ары жагына, ал эми темгили бар аттар түштүккө баратышат+.
7 Ала-була аттар+ да өздөрү барышы керек болгон жерге баратышат»,— деди. Анан ал: «Баргыла, жерди аралап чыккыла»,— деди+. Алар жерди аралап жөнөштү.
8 Ал мага: «Карасаң, түндүккө кеткен аттар Жахабанын түндүккө+ кайнаган каарын басышты»+,— деп кыйкырды.
9 Жахаба мага дагы мындай деди:
10 «Туткунда жүргөн элдин, башкача айтканда, Хелдайдын, Тобияхтын, Жедаянын тартуусунан алып+, белгиленген күнү Бабылдан келгендер менен бирге Сепаниянын+ уулу Жошиянын үйүнө бар.
11 Күмүш менен алтындан чоң таажы жасап+, Жеосадактын уулу башкы дин кызматчы Жашыяга+ кийгиз.
12 Анан ага мындай де:
„Асман аскерлеринин Кудайы Жахаба мындай дейт: “Мына, Бутак+ деп аталган адам+. Ал өз ордунда чоңоюп өсүп, Жахабанын ибадатканасын курат+.
13 Жахабанын ибадатканасын куруп, кадыр-баркка ээ болот+. Ал өз тактысына отуруп, падышалык кылат, ошондой эле дин кызматчы да болот+. Бул эки кызматын тең ал тынчтыкты көздөп аткарат+.
14 Чоң таажы болсо, Хелемди, Тобияхты, Жедаяны+ жана Сепаниянын уулу Хенди эстетип турушу үчүн+, Жахабанын ибадатканасына коюлат.
15 Алыста жүргөндөр келип, Жахабанын ибадатканасын куруу ишине катышышат“+. Ошондо мени асман аскерлеринин Кудайы Жахаба жибергенин билесиңер+. Эгер Жахаба Кудайыңардын айтканын уксаңар+, ушунун баары ишке ашат”».
Шилтемелер
^ Сыягы, бул периштелерден турган төрт топту билдирет.
