Ka Ubumwene bwa Chala Cho Choni?
Mungati . . .
-
chintu cho chili mu moyo winu?
-
vyili?
-
liboma lyakumwanya?
VYO IBAYIBOLO LIKUNENA
‘U Chala wakumwanya akwiza pakwimika ubumwene bo butakwiza pakumala lumo.’—Danieli 2.44, New World Translation.
‘Atupile umwana umwanavuli yo ubulaghili bukwiza pakuba munyobe zyache.’—Yesaya 9.6, New World Translation.
KA IVI VIKUTWAVWA BULI-BULI?
-
Vikutwavwa ukumanya ukuti pakwiza ukuba iboma ilyiza lyo likwiza pakwavwa umuntu aliwesi pamwene.—Yesaya 48.17, 18.
-
Vikutwavwa ukumanya ukuti mu chisu ichipya mukwiza ukuba ubumi ubwiza nu bwakuhobosya.—Ubuvumbuli 21.3, 4.
KA TUNGASUBALILA NALOLI VYO IBAYIBOLO LIKUNENA?
Eee! Pa vifukwa vibili ivi:
-
U Yesu akalangizya vyo akwiza pakubomba mu bumwene bwa Chala. U Yesu akamanyisya abamanyili bache pakwiputa ukuti ubumwene bwa Chala bwizaghe nu bwighane bwache bubombiwanje pachisu ichapasi. (Matayi 6.9, 10) U Yesu akalangizya mo u Chala akwiza pakwamulila ulwiputo ulu.
Bo u Yesu ali pachisu ichapasi, akalyesya abazala, akapozya ababine, sona akazyusya abafwe! (Matayi 15.29-38; Yohani 11.38-44) U Yesu akwiza ukuba Mulaghili mu Bumwene bwa Chala. Vyo akabomba pachisu chapasi vikulangizya ukuti akwiza ukubombela abantu ivyiza.—Ubuvumbuli 11.15.
-
Vyo vikubombiwa pachisu ichapasi vikulangizya ukuti Ubumwene bwa Chala buli papipi pakwiza. U Yesu akanenela zila ukuti bo Ubumwene bwa Chala butizite nu mutende pachisu, pakwiza ukuba inkondo, izala, nu tusenyenta.—Matayi 24.3, 7.
Vyo u Yesu akanena vyo tukuvyennya pakabalilo aka. Ka tutangasubalila naloli ukuti Ubumwene bwa Chala bukwiza ukufumyapo intamyo zyosi?
IVYAKUTI MWINONG’ONELEPO
Ka ivintu vikwiza ukuba buli-buli mu Bumwene bwa Chala?
Ibayibolo likwamula ilalusyo ili pa SALIMO 37.29 na pa YESAYA 65.21-23.
Mungaghana Sona
IVYA USWE
Choni Cho Tubaghiye Ukumanyila Ibayibolo?
Ibayibolo likwamula amalalusyo aghakulondiwa pa bumi ubwa bantu abingi pa chisu. Nuwe lingamula amalalusyo ghako.
