Kënne mir Verstuerwener eng Kéier erëm gesinn?
-
Jo?
-
Nee?
-
Schwéier ze soen?
WAT SEET D’BIBEL DOZOU?
„Et gëtt eng Operstéiung.“ (Apostelgeschichte 24:15, Neue-Welt-Übersetzung.)
WAT HUNN ECH DOVUN?
Wierklechen Trouscht, wann e léiwe Mënsch gestuerwen ass (2. Korinther 1:3, 4)
Keng iwwerdriwwen Angscht méi virum Doud (Hebräer 2:15)
Eng sécher Hoffnung, déi Verstuerwen erëmzegesinn (Johannes 5:28, 29)
KANN ECH DER BIBEL WIERKLECH TRAUEN?
Jo, aus op d’mannst dräi Grënn:
-
D’Liewe kënnt vu Gott. D’Bibel weist, datt Jehova Gott „d’Quell vum Liewen“ ass (Psalm 36:10, D’Psalmen op Lëtzebuergesch; Apostelgeschichte 17:24, 25). Dowéinst kann hien engem Verstuerwenen d’Liewen zeréckginn.
-
Gott huet dat scho mol gemaach. D’Bibel schwätzt vun aacht Mënschen, déi eng Operstéiung kritt hunn. Dorënner ware Kanner, Eelerer, Männer a Fraen. Déi meescht waren nach net laang dout. Een dovunner loung scho véier Deeg am Graf! (Johannes 11:39-44). Et ass deemno egal, wéi laang ee schonn dout ass.
-
Gott wëll dat selwecht nach eng Kéier maachen. Jehova haasst den Doud; hie gesäit en als Feind (1. Korinther 15:26). Hie kann et net erwaarden, dem Doud en Enn ze maachen. Hie verlaangert no Mënschen, déi him um Häerz leien a bréngt se erëm op der Äerd an d’Liewen zeréck (Hiob 14:14, 15).
FIR NOZEDENKEN
De Mënsch gëtt al a stierft. Firwat?
D’Äntwert fënnt een an der Bibel an 1. Mose 3:17-19 a Römer 5:12.
Méi gewuer ginn
WICHTEG LÉIEREN AUS DER BIBEL
Wat geschitt beim Doud?
D’Bibel versprécht eng Zäit, an der vill Mënschen eng Operstéiung vum Doud kréien, esou wéi deemools beim Lazarus.
IWWER EIS
Wat bréngt et d’Bibel kennen ze léieren?
Millioune Mënschen op der ganzer Welt hunn d’Äntwert nom Sënn an Zweck vum Liewen an der Bibel fonnt. Wëllt Dir och gewuer ginn, wat d’Bibel Iech brénge kann?
D’BIBEL AM ALLDAG
Sech fir e Bibelcours umellen
Duerch e gratis Bibelcours mat engem perséinleche Bibellehrer d’Bibel kenne léieren.
