Liꞈ hpu htaꞈ caˉ daꞈ ve VDO hkʼaw maˍ laˇ ve
VDO chi teˇ hpaˍ Liꞈ hpu hkʼaw ve awˬ lawn kʼoˆ maˍ laˇ taˍ ve leh Gʼuiˬ sha geh laˬ ve daꞈ ve awˬ lawn sha tanˇ! liꞈ kʼoˆ hkʼaw caˉ daꞈ ve laiˉ lawn cawˬ ve yoˬ.
G’uiˬ sha awˬ tehˬ cawˬ-aw laˇ?
G’uiˬ sha htaꞈ yonˍ ve lehˬ mehˆ cuˉ ve maˇ heˆ tehꞈ shiˍ tuˬ shaˉ hkiˆ chi teˇ hpaˍ htaꞈ chaˬ nyi sheˍ.
Gʼuiˬ sha awˬ meh cawˬ˗aw laˇ?
Gʼuiˬ sha lehˬ kanˇ paˆ uiˍ jaˇ ve, hpanˍ shehˍ hpaˇ, leh uiˍ jaˇ mvuh jaˇ ve hkʼe aˉ yaˇ laiˉ ceuˬ cawˬ ve yoˬ. Yaꞈ hkʼaˇ, Gʼuiˬ sha ve awˬ meh Liꞈ hpu hkʼaw 7,000 pawˆ hpaˆ cawˬ ve yoˬ.
Nawˬ hk’aˬ hk’e te G’uiˬ sha geh awˬ chawˇ te g’a tuˬ le
Chaw yaˇ hpanˍ shehˍ hpaˇ htaꞈ shiˍ g’aˇ ve maw jaˇ-oˬ. Liꞈ hpu ngaˬ hui G’uiˬ sha geh awˬ chawˇ te g’a tuˬ ga laˇ ve yoˬ. Ngaˬ hui G’uiˬ sha geh awˬ chawˇ te g’a tuˬ yawˇ ve awˬ meh g’a shiˍ cawˇ ve yoˬ.
Liꞈ hpu lehˬ a shu ve dawˇ hkʼaˇ le?
Chaw yaˇ bvuhꞈ˗a ve kʼo, aˬ htoꞈ ma te “Gʼuiˬ sha ve tawˇ hkawˇ” kʼoˆ hpehꞈ ve le? Liꞈ hpu hkʼaw a shu ve dawˇ hkʼaˇ cawˬ ve le?
Liꞈ hpu lehˬ awˬ tehˬ awˬ na hpehꞈ ve yoˬ tehꞈ, ngaˬ hui hkʼaˬ hkʼe te yonˍ gʼa tuˬ le?
Liꞈ hpu lehˬ awˬ tehˬ awˬ na Gʼuiˬ sha geh laˬ ve kʼo, awˬ nu ve liꞈ kʼoˆ htaꞈ maˇ shuˍ daꞈ cawˇ ve yoˬ.
Aˬ htoꞈ ma te Yeˍsuˆ suh-e ve le?
Yawˇ ngaˬ hui ve venˇ baˆ awˬ pon hkanˍ suh ve tehꞈ g’a kaˇ ve yoˬ hehˉ. Yaꞈ hk’aˇ chaw teˇ g’aˇ suh-e ve lehˬ laiˉ lanˍ g’aˇ awˬ pon awˬ bon cawˬ ve tehꞈ hk’aˬ hk’e te hpehꞈ k’ai g’a ve le?
Heuˆ daꞈ ve htaꞈ G’uiˬ sha hk’aˬ hk’e dawˇ ve le?
G’uiˬ sha awˬ hpawˇ awˬ miˇ ma htaꞈ ha lehˬ tcuh gaˇ ve. Liꞈ hpu hk’aw awˬ hpawˇ awˬ miˇ ma htaꞈ ga laˇ g’a tuˬ beˆ maˍ laˇ hkawˇ cawˬ ve yoˬ.