Hpawnˬ daꞈ lonˉ chi ve hkʼaw chi teˇ hpaˍ cawˬ tuˬ yoˬ

Shinˉ peuˬ ngaˇ nyi: Yeˍsuˆ ve awˬ lawn ha lehˬ ve bon hkawˇ liꞈ hkʼaw cawˇ daꞈ hawˍ daꞈ ve tehꞈ nawˬ gʼa henˇ tuˬ yoˬ. Leh chi beuꞈ teˇ co˗e awˬ lawn chi nawˬ awˬ pon awˬ bon hkʼaˬ hkʼe cawˬ ve kaꞈ gʼa henˇ tuˬ yoˬ.

Shinˉ peuˬ hkawꞈ nyi: Yeˍsuˆ paw la ve leh yaˇ ehˉ htaˇ ve awˬ lawn tcuh kaˍ paˍ tawˇ hkawˇ cawˬ ve yoˬ. Tcuh kaˍ paˍ tawˇ hkawˇ chi teˇ hpaˍ awˬ tehˬ hpehꞈ la˗aw laˇ? Nawˬ gʼa henˇ tuˬ yoˬ.

Shinˉ nyi: Miˬ guiˬ chi gʼaˇ hteꞈ luˬ kʼai chehˇ ve htawˇ, aˬ htoꞈ ma te chaw laiˉ lanˬ gʼaˇ maˇ kawˆ leh awˬ gʼuˇ suhˍ hpawˇ htaꞈ yonˍ gʼa sheˍ ve le? Awˬ lawn chi teˇ gʼaˇ le le awˬ pon bon maˍ hkawˇ awˬ lawn lonˉ ma “Aˬ htoꞈ ma pa taw ngaˬ hui maˇ daꞈ ve awˬ lawn htaꞈ maˇ kawˆ ve le?” hkʼaw gʼa shiˍ tuˬ yoˬ.

Liꞈ hpu hkʼaw laˬ ve awˬ han

Yeˍsuˆ miˬ guiˬ chi hkʼoˆ lo anˇ lawꞈ lawꞈ ve hkʼaw paw la ve yoˬ. Awˬ lawn chi lehˬ yawˇ yaˇ ehˉ htaˇ kawˆ tuˬ cawˬ ve gʼa hpuˇ jaw ve teˇ lawn ceh hpehꞈ ve yoˬ. Jawˇ mawˇ teˇ gʼaˇ yawˇ htaꞈ tiˇ pehˍ gaˇ ve pa taw, Yeˍsuˆ ve awˬ pa awˬ e yawˇ htaꞈ Eˇjiˇtuꞈ mvuhˇ miˬ lo gʼa shiˍ hpaw˗e piˇ ve yoˬ. Peuꞈ hkʼawꞈ nawˉ yawˇ uiˍ la˗oˬ htaˇ, Yeˍsuˆ lehˬ saˍ laꞈ teˇ hpaˍ htaꞈ anˇ tuˬ te piˇ ve yoˬ. Awˬ lawn chi teˇ hpaˍ, VDO awˬ tawn 1 shinˉ peuˬ ngaˇ nyi leh hkawꞈ nyi hkʼaw gʼa nyi tuˬ yoˬ.

Chi teˇ hkʼawꞈ ve hpawnˬ daꞈ lonˉ htaꞈ caˉ daꞈ ve VDO chi nyi sheˍ

Ngaˬ hui ve hpawnˬ daꞈ lonˉ hkʼaˬ hkʼe hpehꞈ ve le?

Yaˬhoˉvaˬ ve Shaˉhkiˆhkanˍ ve chaw ve hpawnˬ daꞈ lonˉ hkʼaw nawˬ aˬ htoꞈ ma awˬ bon gʼa tuˬ le? VDO htaꞈ nyi sheˍ.

2024 Yaˬhoˉvaˬ ve Shaˉhkiˆhkanˍ ve chaw ve hpawnˬ daꞈ lonˉ: “Daꞈ ve awˬ lawn sha tanˇ maˍ ve!”

Chi teˇ hkʼawꞈ ve hpawnˬ daꞈ lonˉ hkʼaw aˬ htoꞈ ma gʼa henˇ tuˬ ve le? VDO chi nyi sheˍ.

Awˬ han chi suhˉ˗ehꞈ ve: Yeˍsuˆ daꞈ ve awˬ lawn sha tanˇ maˍ ve

Yeˍsuˆ anˇ lawꞈ lawꞈ ve hkʼaw paw la ve tehꞈ laiˉ lanˬ gʼaˇ shiˍ ve yoˬ. Yaꞈ hkʼaˇ, chi gʼuˇ suhˍ htaˇ leh hkʼawꞈ nawˉ htaˇ aˬ htoꞈ ma awˬ lawn cawˬ ve nawˬ shiˍ gaˇ˗aˬ laˇ?