“Gʼuiˬ sha” “lehˬ, yawˇ hui ve mehˆ gʼuiˬ hkʼa peu˗eˬ htaꞈ shiˆ baˬ piˇ tuˬ yoˬ. Suh ve teˇ ceuˬ maˇ kʼawꞈ cawˬ. Dawˇ haˍ ve, paˆ hawˬ ve, naˬ ve, awˬ ceuˬ chi teˇ hpaˍ htawˇ maˇ kʼawꞈ cawˬ. Awˬ lawn kʼo, awˉ lawˉ htaˇ cawˬ ve awˬ ceuˬ teˇ hpaˍ mehˉ kʼai peuˬ tehꞈ kʼoˆ ve yoˬ.”​—Hpeuꞈ maˍ ve 21:3, 4.

Awˬ bon cawˬ leh nyi hkʼaˇ suh ve kanˉ cawˬ tuˬ yoˬ.​—Iˉsaˍyaˆ 65:21-23.

Naˬ ve gawˬ ve leh tuꞈ ve hkanˍ ve hkʼaˬ ve teˇ ceuˬ htawˇ maˇ kʼawꞈ cawˬ.​—Iˉsaˍyaˆ 25:8; 33:24.

Ha lehˬ ve awˬ hkʼaw lo yehˬ kʼa leh awˬ chawˇ teˇ geh maˇ peuˬ maˇ leh puiˉ ve a shaꞈ gʼa teꞈ chehˇ tuˬ yoˬ.​—Chiˇ mvuh ve 37:11, 29.

Yonˍ gʼa ve yoˬ. Awˬ lawn kʼo . . .

• Gʼuiˬ sha lehˬ ka tiꞈ oˇ ve htaꞈ biˇ la piˇ tuˬ te gʼa ve yoˬ. Liꞈ hpu awˬ hkʼaw lo, Yaˬhoˉvaˬ Gʼuiˬ sha teˇ gʼaˇ htaꞈ ceh tiˉ kʼoˆ taˍ ve “Kanˇ paˆ uiˍ jaˇ shehˍ hpaˇ” hpehꞈ ve yoˬ. (Hpeuꞈ maˍ ve 15:3, MGS) Hkʼe te leh, yawˇ ve ka tiꞈ htaꞈ hkʼa dehꞈ haꞈ shaˉ taˍ leh ngaˬ hui ve miˬ guiˬ daꞈ la tuˬ pa piˇ gʼa ve yoˬ. Liꞈ hpu awˬ hkʼaw lo kʼoˆ ve, “Gʼuiˬ sha lehˬ hkʼa peu˗eˬ htaꞈ te gʼa ve yoˬ”.​—Maꞈhtehˍ 19:26.

• Ka tiꞈ oˇ ve htaꞈ biˇ la tuˬ Gʼuiˬ sha te gaˇ ve yoˬ. Tawˇ pa haˉ te kʼo, suh peuˬ ve chaw htaꞈ teꞈ tu la piˇ tuˬ Yaˬhoˉvaˬ “nyi ma cawˇ” ve yoˬ.​—Yawˇbaˆ 14:14, 15.

  Gʼuiˬ sha ve Yaˇ hpu Yeˍsuˆ Hkriꞈ naˬ ve chaw htaꞈ gu na˗e piˇ ve yoˬ tehꞈ Liꞈ hpu hkʼaw maˍ laˇ taˍ ve yoˬ. Aˬ htoꞈ ma pa taw yawˇ oˇ hkʼe te ve le. Awˬ lawn kʼo, yawˇ te piˇ gaˇ ve yoˬ. (Maˍkuˆ 1:40, 41) Yeˍsuˆ ve Awˬ pa hkʼa shuˍ, loˍ ve chaw htaꞈ yawˇ ga piˇ gaˇ ve yoˬ.​—Yoˇhanˬ 14:9.

  Chi htaꞈ pa taw awˬ gʼuˇ suhˍ hpawˇ ha lehˬ dawˇ sha ve cawˬ tuˬ Yaˬhoˉvaˬ leh Yeˍsuˆ ga laˇ gaˇ ve yoˬ tehꞈ yonˍ hpehꞈ ve yoˬ.​—Chiˇ mvuh ve 72:12-14; 145:16; 2 Peˍtruˆ 3:9.